Categories
boby-chemmannur  

ബ്യാരി മോഷണം: സുവീരന്‍- Exclusive Interview

സുവീരന്‍/ജിന്‍സി ബാലകൃഷ്ണന്‍

 

കാസര്‍­കോ­ടി­ന്റെ ഒ­രു കോ­ണില്‍ ക­ഴി­ഞ്ഞി­രു­ന്ന ബ്യാ­രി­ക­ളെയും അ­വ­രു­ടെ ഭാ­ഷ­യെയും നാ­ലാള്‍ അ­റി­യ­ട്ടെ­യെ­ന്ന ഉ­ദ്ദേ­ശ­ത്തോ­ടെ­യാ­ണ് ടി.എ­ച്ച്. അല്‍­ത്താ­ഫ് ബ്യാ­രി­യെ­ന്ന ചി­ത്ര­മെ­ടു­ക്കാന്‍ സുവീരനോട് പറഞ്ഞത്. എ­ന്നാല്‍ ബ്യാ­രി പു­റ­ത്തി­റ­ങ്ങി­യ­പ്പോള്‍ മി­ക്ക മ­ല­യാ­ളി­കളും ചി­ന്തിച്ച­ത് സു­വീ­ര­നെ­ക്കു­റി­ച്ചാണ്. ഒ­രു രാ­ത്രി­കൊ­ണ്ട് താ­ര­മാ­യ സു­വീ­രനെ.

ആ­രാ­ണ് സു­വീ­രന്‍ എ­ന്ന് ഭൂ­രിപ­ക്ഷം മ­ല­യാ­ളി­കളും ചോ­ദി­ച്ച സ­മയ­ത്ത് ച­ു­രുക്കും വ­രു­ന്ന നാ­ട­ക പ്ര­ണ­യി­കള്‍­ക്ക് ആ പേ­ര് സു­പ­രി­ചി­ത­മാ­യി­രു­ന്നു. സി­നി­മ­യു­ടെയ­ത്ര ഗ്ലാ­മ­ര്‍ നാ­ട­ക­ത്തി­നില്ലാ­ത്ത­തി­നാല്‍ സു­വീ­രന്‍ എ­ന്ന ക­ലാ­കാര­ന്റെ പേ­ര് മ­ല­യാ­ളി­ക­ള്‍ ഓര്‍­ത്തു­വെ­ച്ചില്ല. ­സു­വീര­നെ രേ­ഖ­പ്പെ­ടുത്തി­യ ഭ­ര­ത­വാ­ക്യ­വും ആ­യു­സ്സി­ന്റെ പു­സ്­തവു­മൊ­ക്കെ ഉ­ണ്ടാ­യി­രു­ന്നിട്ടും ക­ഥ പ­റ­യു­മ്പോള്‍ എ­ന്ന ചി­ത്ര­ത്തി­ലെ സം­വി­ധാ­യ­കന്‍ എ­ന്ന് പറ­ഞ്ഞ് പറ­ഞ്ഞ് പ­രി­ച­യ­പ്പെ­ടു­ത്തേ­ണ്ട അ­വ­സ്ഥ­വ­രെ­യെ­ത്തി.

ആ­ദ്യ സി­നി­മ­യി­ലൂ­ടെ അം­ഗീ­കാ­ര­ങ്ങ­ളു­ടെ നെ­റു­ക­യി­ലെത്തി­യ സു­വീ­ര­നാ­ണ് ഇ­പ്പോള്‍ സി­നിമാ­ലോക­ത്തെ ചര്‍­ച്ച­വി­ഷ­യം. സി­നി­മ­യെയും നാ­ട­ക­ത്തെയും കു­റി­ച്ച് സു­വീ­രന്‍ സം­സാ­രി­ക്കുന്നു.

സു­വീരന്‍ ബ്യാ­രി സിനി­മ ചെ­യ്യു­ന്ന സ­മയ­ത്ത് പ്രാ­ദേ­ശി­ക­മാ­യി പ­ല എ­തിര്‍­പ്പു­കളും നേ­രി­ടേ­ണ്ടി വ­ന്നി­ട്ടു­ണ്ടെ­ന്ന് പ­ല­യി­ട­ങ്ങ­ളിലും നി­ങ്ങള്‍ പ­റ­ഞ്ഞി­ട്ടുണ്ട്. എ­ന്താ­യി­രു­ന്നു ആ എ­തിര്‍­പ്പി­നു­ള്ള കാ­രണം?

സി­നി­മ കാ­ണു­ന്ന­തി­നെയും സി­നി­മ­യെയു­മൊ­ക്കെ എ­തിര്‍­ക്കു­ന്ന ഒ­രു കൂ­ട്ടം ആ­ളു­ക­ള്‍­ക്കി­ട­യി­ലാ­ണ് അ­വ­രു­ടെ ക­ഥ പ­റ­യു­ന്ന ബ്യാ­രി­യെ­ന്ന ചി­ത്ര­വു­മാ­യി ഞാന്‍ പോ­കു­ന്ന­ത്. ആ സാ­ഹ­ച­ര്യ­ത്തില്‍ നേ­രി­ടേ­ണ്ട പ്ര­ശ്‌­ന­ങ്ങ­ളെല്ലാം എ­നിക്കും അ­ഭി­മു­ഖീ­ക­രി­ക്കേ­ണ്ടി വ­ന്നി­ട്ടുണ്ട്. ചിത്രം തു­ട­ങ്ങു­ന്ന സ­മ­യ­ത്തല്ല, മ­റി­ച്ച് ചി­ത്രീ­കര­ണം ഏ­റെ­ക്കു­റെ അ­വ­സാ­നി­ക്കാറാ­യ സ­മ­യ­ത്താ­യി­രുന്നു ഈ പ്ര­ശ്‌­ന­ങ്ങള്‍.

ചി­ത്രീ­കര­ണം തു­ടങ്ങി­യ സ­മയ­ത്ത് ഇ­തി­ന്റെ ക­ഥ ഏ­റെ­ക്കു­റെ ഇ­താ­ണ് എ­ന്ന് ആ­ളു­കള്‍ തി­രി­ച്ച­റി­ഞ്ഞി­രുന്നു. മ­ത­പ­രമാ­യ ആ­ചാ­ര­ങ്ങ­ളില്‍ അ­ടി­യുറ­ച്ച് വി­ശ്വ­സി­ക്കു­ന്ന ഇ­വര്‍­ക്കി­ട­യില്‍ ഈ സിനി­മ മ­ത­വി­ശ്വാ­സ­ത്തി­ന് എ­തി­രാ­ണെ­ന്ന ത­ര­ത്തില്‍ പ്ര­ച­ര­ണ­മു­ണ്ടായി. എ­ന്നാല്‍ പ്ര­ശ്‌ന­ങ്ങ­ളൊ­ന്നും വ­ഷ­ളാ­ക്കാ­തെ ചി­ല ടാക്റ്റിക്‌സുകള്‍ പ്ര­യോ­ഗി­ച്ച് സിനി­മ പൂ­ര്‍­ത്തി­യാക്കി. പ­ള്ളി­കള്‍ വ­രെ ബ്യാ­രി­യില്‍ ലൊ­ക്കേ­ഷ­നാ­യി­ട്ടുണ്ട്. അ­വ­രു­ടെ പ­ള്ളി­ക­ളും, അ­ചാ­ര­ങ്ങളു­മൊ­ക്കെ കാ­ണി­ക്കേണ്ട­ത് ആ­വ­ശ്യ­മാ­യി­രു­ന്നു.

സാ­റാ അ­ബൂ­ബ­ക്ക­റി­ന്റെ ച­ന്ദ്ര­ഗി­രി­യു­ടെ തീര­ത്ത് എന്ന നോ­വ­ലി­നെ അ­ടി­സ്ഥാ­ന­മാ­ക്കി­യാ­ണ് ബ്യാ­രി­യു­ടെ തിര­ക്ക­ഥ ത­യ്യാ­റാ­ക്കി­യ­തെ­ന്ന ആ­രോ­പ­ണ­മു­ണ്ട­ല്ലോ. അ­തി­നെ­ക്കു­റിച്ച്?

അ­വ­രു­ടെ നോ­വ­ലില്‍ നിന്നും ഞാന്‍ മോ­ഷ്ടി­ച്ച­താണ്. അ­തി­നെ­ക്കു­റി­ച്ച് എ­നി­ക്കി­തേ പ­റ­യാ­നുള്ളൂ.

ബ്യാ­രി ചെ­യ്യു­ന്ന­തി­ന് മു­മ്പ് നി­രവ­ധി ത­വ­ണ സിനി­മ സം­വി­ധാ­നം ചെ­യ്യാന്‍ ഒ­രു­ങ്ങി­യി­രു­ന്ന­ല്ലോ. അ­തെല്ലാം പാ­തി­വ­ഴി­യില്‍വ­ച്ച് ഉ­പേ­ക്ഷി­ച്ച­തെ­ന്താണ്?

ബ്യാ­രി­ക്ക് മു­മ്പ് ചി­ല സി­നി­മ­കള്‍ ചെ­യ്യാ­നു­ള്ള ചര്‍­ച്ച ന­ട­ന്നി­രു­ന്നു. അ­തെല്ലാം പാ­തി­വ­ഴി­യില്‍ മു­ട­ങ്ങി­പ്പോയി. സിനി­മ മാ­ത്ര­മല്ല എ­ന്റെ പ­ല നാ­ട­ക­ങ്ങ­ളു­ടെ കാ­ര്യ­ത്തിലും ഇങ്ങ­നെ സം­ഭ­വി­ച്ചി­ട്ടു­ണ്ട്. മ­മ്മൂ­ട്ടി­യു­ടെ ഡേ­റ്റ് കി­ട്ട­യിട്ടു­പോലും ഒ­രു ചിത്രം ന­ട­ക്കാ­തെ പോയി. മി­ക്കതും ഉ­പേ­ക്ഷി­ക്കേ­ണ്ടി വന്ന­ത് പ്രൊ­ഡ്യൂ­സര്‍­മാര്‍ പി­ന്മാ­റിയ­ത് കൊ­ണ്ടാ­ണ്. മ­റ്റെല്ലാ കാ­ര്യ­ങ്ങളും ശ­രി­യാ­കു­മ്പോള്‍ പ്രൊ­ഡ്യൂ­സര്‍ പെ­ട്ടെ­ന്ന് പി­ന്മാ­റും. എ­ന്നില്‍ വി­ശ്വാ­സ­മില്ലാ­ത്തതു­കൊ­ണ്ടാ­വാം. അ­വര്‍ ഇ­തി­നെ ബി­സി­ന­സാ­യാ­ണ് കാ­ണു­ന്നത്. മു­ടക്കി­യ പ­ണം തി­രി­ച്ചു­കിട്ട­ണം എ­ന്ന ല­ക്ഷ്യ­മേ­യു­ള്ളൂ.

ന­വാ­ഗത­രെ മ­ലയാ­ള സിനി­മ സ്വാഗ­തം ചെ­യ്യു­ന്നു­ണ്ടോ?

ന­വ­ഗാ­തര്‍­ക്ക് സി­നി­മ­യില്‍ മാ­ത്ര­മല്ല എല്ലാ മേ­ഖ­ല­യി­ലും ത­ട­സ­ങ്ങള്‍ നേ­രി­ടേ­ണ്ടി വ­രും. പു­തി­യ­തി­നെ പെ­ട്ടെ­ന്ന് സ്വീ­ക­രി­ക്കാന്‍ എല്ലാ­വ­ര്‍ക്കും മ­ടി­യാ­ണ്. ഭൂ­മി ഉ­രു­ണ്ട­താ­ണെ­ന്ന് സ­മ്മ­തി­ക്കാന്‍ ക­ത്തോ­ലി­ക്കാ സ­ഭ ത­യ്യാ­റാ­യ­ത് 1998ലോ മറ്റോ മാ­ത്ര­മാ­ണ്. ഏ­ത് രം­ഗ­ത്താ­യാലും പു­തി­യതി­നോ­ടു­ള്ള സ­മീപ­നം ഇ­താണ്. സി­നി­മ­യിലും അ­തു­ത­ന്നെ­യാ­ണ് സം­ഭ­വി­ച്ച­ത്.

ക­ഴി­ഞ്ഞ­ദിവ­സം ബ്യാ­രി­യില്‍ റഹീം എ­ന്ന­യാള്‍­ക്കു­നേ­രെ ആ­ക്ര­മ­ണ­മു­ണ്ടാ­യ­ല്ലോ. ഇ­യാള്‍ ബ്യാ­രി­യെ­ന്ന സി­നി­മ­യി­ലെ സ­ഹ­ന­ടന്‍ കൂ­ടി­യാ­ണ്. സി­നി­മ­യു­മാ­യി ഈ പ്ര­ശ്‌­ന­ത്തി­ന് എ­ന്തെ­ങ്കിലും ബ­ന്ധ­മുണ്ടോ?

ഇ­തി­നെ­ക്കു­റി­ച്ച് ഞാന്‍ അ­ന്വേ­ഷിച്ചു­കൊ­ണ്ടി­രി­ക്കു­ക­യാണ്. ഇ­തുവ­രെ എ­നി­ക്ക് മ­ന­സി­ലാ­ക്കാന്‍ ക­ഴിഞ്ഞത് ഈ പ്ര­ശ്‌­ന­ത്തി­ന് സി­നി­മ­യു­മാ­യി യാ­തൊ­രു ബ­ന്ധ­വു­മി­ല്ലെ­ന്നാണ്. മു­സ്‌ലീം­കള്‍ ഒ­രു­പാ­ടു­ള്ള സ്ഥ­ല­മാ­ണ് ബ്യാ­രി. ആ­ക്ര­മി­ക്ക­പ്പെ­ട്ട­യാള്‍ ബി.ജെ.പി­ക്കാ­ര­നാണ്. മു­സ്‌ലീം­ക­ളാ­ണ് ആ­ക്ര­മി­ച്ച­തെ­ന്നാ­ണ് എ­നി­ക്ക് കിട്ടി­യ വി­വരം.

ബ്യാ­രി­യില്‍ നാ­ദി­റ­യെ­ന്ന ക­ഥാ­പാ­ത്ര­ത്തെ അ­വ­ത­രി­പ്പി­ക്കാന്‍ മല്ലിക­യെ തി­ര­ഞ്ഞെ­ടു­ക്കാന്‍ കാരണം?

ബ്യാ­രി­യില്‍ നാ­ദി­റ­യെ­ന്ന ക­ഥാ­പാ­ത്ര­ത്തെ അ­വ­ത­ര­പ്പി­ക്കാന്‍ മല്ലി­ക­യാ­ണ് ആദ്യം എ­ന്റെ മ­ന­സില്‍ വ­ന്ന­ത്. ഇ­തില്‍ മല്ലി­ക­യു­ടെ കു­ട്ടി­ക്കാ­ലം അ­വ­ത­രി­പ്പി­ക്കു­ന്ന ഒ­രു കു­ട്ടി­യുണ്ട്. എ­ന്റെ ചി­ല നാ­ട­ക­ങ്ങളി­ലൊ­ക്കെ അ­ഭി­ന­യി­ച്ച കു­ട്ടി­യാ­ണ്. 13 വ­യ­സു­ള്ള ഈ കു­ട്ടി­യു­ടെ മു­ഖ­ച്ഛാ­യ­യി­ലു­ള്ള­യാള്‍ വേ­ണ­മാ­യി­രു­ന്നു മു­തിര്‍­ന്ന നാ­ദിറ­യെ അ­വ­ത­രി­പ്പി­ക്കാന്‍. മല്ലി­ക­യു­ടെ മു­ഖ­ത്തി­ന് ആ കു­ട്ടി­യു­ടേ­തു­മാ­യി നല്ല രൂ­പ­സാ­ദൃ­ശ്യ­മു­ണ്ട്. പ്രൊ­ഡ­ക്ഷന്‍ എ­ക്‌­സി­ക്യ­ട്ടീ­വ് വ­ഴി മല്ലി­ക­യു­മായി ബ­ന്ധ­പ്പെ­ട്ട­പ്പോള്‍ അ­വര്‍ ഇ­പ്പോള്‍ അവൈലബിള്‍ അ­ല്ലെ­ന്നാ­ണ് അ­റി­യാന്‍ ക­ഴി­ഞ്ഞത്. മ­ദ്രാ­സില്‍ തി­ര­ക്കി­ലാ­ണെ­ന്ന് പ­റഞ്ഞു. പി­ന്നെ അ­വര്‍ ചോ­ദി­ച്ച പ്ര­തി­ഫ­ലവും കൂ­ടു­ത­ലാ­യി­രു­ന്നു.

തു­ടര്‍­ന്ന് ന­വ്യാ­നായ­രെ സ­മീ­പി­ച്ചു. ന­വ്യ വലി­യ പ്ര­തിഫ­ലം ആ­വ­ശ്യ­പ്പെ­ട്ടു. ഒ­ടുക്കും പ­റ­ഞ്ഞ് പറ­ഞ്ഞ് പ്രൊ­ഡ്യൂ­സര്‍ വാ­ഗ്­ദാ­നം ചെ­യ്­ത­തി­നേ­ക്കാള്‍ 5,0000 രൂ­പ അ­ധി­ക­മെ­ത്തി­ച്ചെ­ങ്കിലും അ­ത് നല്‍­കാന്‍ പ്രൊ­ഡ്യൂ­സര്‍ ത­യ്യാ­റാ­യി­രു­ന്നില്ല. അങ്ങ­നെ സിനി­മ മു­ട­ങ്ങി­ക്കി­ട­ക്കു­മ്പോ­ഴാ­ണ് മല്ലിക­യെ ന­ന്നാ­യി അ­റി­യു­ന്ന എ­ന്റെ സു­ഹൃ­ത്ത് എ­ന്നെ കാ­ണാ­നെ­ത്തു­ന്ന­ത്. സി­നി­മ­യു­ടെ കാര്യം എ­വി­ടെ­യെ­ത്തി­യെ­ന്ന് ചോ­ദി­ച്ച­പ്പോള്‍ ന­ടി­യെ ഇ­തുവ­രെ കി­ട്ടി­യി­ല്ലെ­ന്ന് ഞാന്‍ പ­റഞ്ഞു. മല്ലി­ക­യെ­യാ­ണ് ഞാ­ന്‍ മ­ന­സില്‍ ക­ണ്ട­തെന്നും അ­വര്‍ തി­ര­ക്കി­ലാ­ണെ­ന്നാ­ണ് പ­റ­ഞ്ഞ­തെന്നും ഞാന്‍ അവ­നെ അ­റി­യിച്ചു. മല്ലി­ക തി­ര­ക്കി­ലൊ­ന്നു­മല്ല അ­വ­രി­പ്പോള്‍ തൃ­ശൂ­രു­ണ്ടെ­ന്ന് അ­വ­നാ­ണ് എ­ന്നോ­ട് പ­റ­ഞ്ഞത്. ഉട­നെ ത­ന്നെ അവ­ന്റെ ഡ­യ­റി­യില്‍ നിന്നും ഫോണ്‍ ന­മ്പര്‍ നോ­ക്കി ഡ­യല്‍ ചെ­യ്­ത് ഫോണ്‍ എ­ന്റെ ക­യ്യില്‍ ത­ന്നു പറ­ഞ്ഞു നീ സം­സാ­രി­ച്ചു നോ­ക്ക് എ­ന്ന്.

ഞാന്‍ കാര്യം പ­റ­ഞ്ഞ­പ്പോള്‍ ഇ­ക്കാര്യം പറ­ഞ്ഞ് ആരും എ­ന്നെ സ­മീ­പി­ച്ചി­ട്ടി­ല്ലെ­ന്നാ­യി­രു­ന്നു മ­റു­പടി. ക­ഥ പ­റ­ഞ്ഞ­പ്പോള്‍ ഇതു­പോ­ലു­ള്ള വേ­ഷ­ങ്ങള്‍ ചെ­യ്യാന്‍ ത­നി­ക്ക് വലി­യ താല്‍­പ­ര്യ­മാ­ണെന്നും പ­റഞ്ഞു. ഞ­ങ്ങള്‍ നല്‍­കാന്‍ ഉ­ദ്ദേ­ശി­ക്കു­ന്ന പ്ര­തിഫ­ലം പറ­ഞ്ഞ് ഉ­റ­പ്പി­ക്കു­കയും ചെ­യ്തു.

ചി­ത്ര­ത്തി­ന്റെ അ­വസാ­ന ഭാ­ഗം മല്ലി­ക­യു­ടെ എ­തിര്‍­പ്പി­നെ തു­ടര്‍­ന്ന് ഉ­പേ­ക്ഷി­ക്കേ­ണ്ടി വ­ന്നെ­ന്ന് പ­റ­ഞ്ഞി­ട്ടു­ണ്ട്. എ­ന്താ­യി­രു­ന്നു മല്ലി­ക എ­തിര്‍­ക്കാന്‍ കാരണം?

ചി­ത്ര­ത്തി­ന്റെ അ­വ­സാ­ന ഭാ­ഗം ഷൂ­ട്ട് ചെ­യ്യു­ന്ന സ­മയ­ത്ത് ഞാ­നു­മാ­യി ബ­ന്ധ­മില്ലാ­ത്ത ചി­ല പ്ര­ശ്‌­ന­ങ്ങള്‍ വന്നു. പ്രൊ­ഡ്യൂ­സ­റൊ­ക്കെ ബ­ന്ധ­പ്പെ­ട്ട ചി­ല പ്ര­ശ്‌­നം. അ­വസാ­ന ഭാഗ­ത്ത് മല്ലി­ക ന­ഗ്ന­യാ­യി ചെ­യ്യേ­ണ്ട സീ­നു­ണ്ടാ­യി­രു­ന്നു. ഭാ­ഗി­ക­മാ­യി മ­റ­യ്­ക്കു­മെ­ങ്കി­ലും ആ സ­മയ­ത്ത് ആ സീന്‍ ചെ­യ്യാന്‍ മല്ലി­ക വി­സ­മ്മ­തിച്ചു. ഒ­രു പ­ക്ഷെ അ­ത് ചെ­യ്­തി­രു­ന്നെ­ങ്കില്‍ മി­ക­ച്ച ന­ടി­യാ­യി മല്ലി­ക തി­ര­ഞ്ഞെ­ടു­ക്ക­പ്പെ­ട്ടേ­നെ. അ­വാര്‍­ഡ് വാര്‍­ത്ത പു­റ­ത്തു­വ­ന്ന­ശേ­ഷം മല്ലി­ക ഇ­ക്കാര്യം എ­ന്നോ­ട് പ­റ­യു­കയും ചെ­യ്­തി­രു­ന്നു.

സെ­ക്‌­സ് എ­ന്നു പ­റ­യു­ന്ന­തൊ­രു ലാംഗ്വേജ് ആ­ണ്. അ­ത് ക­മ്മ്യൂ­ണി­ക്കേഷ­ന്റെ ഭാ­ഗ­മാ­ണ്. എ­ന്റെ സി­നി­മ­ക­ളിലും നാ­ട­ക­ങ്ങ­ളി­ലും സെ­ക്‌­സി­ന് ഞാന്‍ സ്ഥാ­നം നല്‍­കാ­റുണ്ട്. ചി­ല കാ­ര്യ­ങ്ങള്‍ ക­മ്മ്യൂ­ണി­ക്കേ­റ്റ് ചെ­യ്യാ­നാ­ണ് സെ­ക്‌­സ് ഉ­പ­യോ­ഗി­ക്കു­ന്നത്. ന­ഗ്ന­ത­യ്­ക്കും ഭാ­ഷ­യുണ്ട്. ഇ­തി­നെ­ക്കു­റി­ച്ച് ഒ­രു­പാ­ട് അ­ന്വേ­ഷി­ക്കു­കയും പഠി­ക്കാന്‍ ശ്ര­മി­ക്കു­കയും ചെ­യ്­തി­ട്ടുള്ള ആ­ളാ­ണ് ഞാന്‍. അല്ലാ­തെ ആ­ളുക­ളെ ആ­കര്‍­ഷി­ക്കാന്‍ വേ­ണ്ടി­യല്ല ഞാന്‍ ഇത്ത­രം രം­ഗ­ങ്ങള്‍ ഉ­പ­യോ­ഗി­ക്കു­ന്ന­ത്.

മല്ലി­ക വി­സ­മ്മ­തി­നെ തു­ടര്‍­ന്ന് ആ രം­ഗ­ങ്ങള്‍ ഒ­ഴി­വാ­ക്കു­ക­യാ­യി­രുന്നു. അ­വസാ­ന ഘ­ട്ട­മാ­യി­രു­ന്ന­തി­നാല്‍ ത­ന്നെ ഏ­റെ തി­ര­ക്കി­ലാ­യി­രുന്നു. അ­തി­നാല്‍ അ­വി­ടെ വി­ട്ടു­വീഴ്­ച ചെ­യ്യേ­ണ്ടി­വന്നു.

സാ­മ്പ­ത്തി­കവും മ­ത­പ­ര­വു­മാ­യ വ­ലു­പ്പ­ച്ചെ­റു­പ്പ­ങ്ങ­ളാ­ണ് മ­ലയാ­ള സി­നിമ­യെ ഭ­രി­ക്കു­ന്ന­തെ­ന്ന് ഒ­രു അ­ഭു­മു­ഖ­ത്തില്‍ പ­റ­യു­ക­യു­ണ്ടായി. എ­ന്താ­ണ് അ­ങ്ങ­നെ പ­റ­യാന്‍ കാരണം?

അ­ത് അ­ങ്ങ­നെ­യല്ല ഞാ­നു­ദ്ദേ­ശി­ച്ചത്. മ­ലയാ­ള സി­നി­മ­യു­ടെ ഒ­രു ഹൈ­റാര്‍­ക്കി­യു­ണ്ട്. നൂ­റ് രൂ­പ പ്ര­തിഫ­ലം പ­റ്റു­ന്ന­വരും ഒ­രു കോ­ടി രൂ­പ പ്ര­തിഫ­ലം പ­റ്റു­ന്ന­വരും ഒ­രേ ത­ട്ടില്‍ പ­ണി­യെ­ടു­ക്കു­ന്ന സ്ഥ­ല­മാ­ണിത്. സാ­മ്പ­ത്തി­കമാ­യ വ­ലു­പ്പ­ച്ചെ­റു­പ്പ­ങ്ങള്‍ എല്ലാ മേ­ഖ­ല­യിലും ഉ­ണ്ടാ­വാം. സി­നി­മ­യില്‍ അ­ത് കു­റേ­ക്കൂ­ടി പ്ര­ക­ട­മാ­ണെ­ന്നാ­ണ് ഉ­ദ്ദേ­ശി­ച്ച­ത്.

അ­ധ­കൃ­ത­ത്വവും അ­ന്ധ­വി­ശ്വാ­സവും ഒ­രു­പാ­ടു­ള്ള മേ­ഖ­ല­യാ­ണിത്. ഇ­പ്പോഴും സി­നി­മ തു­ട­ങ്ങു­ന്ന­തി­ന് മു­മ്പ് തേ­ങ്ങ­യുട­ച്ചേ ചെയ്യൂ. ജ്യോ­ത്സ്യ­നെ ക­ണ്ട­ശേ­ഷ­മാ­ണ് സി­നി­മ­യു­ടെ പേ­രി­ന്റെ ആ­ദ്യാക്ഷ­രം പ­ലരും തീ­രു­മാ­നി­ക്കു­ന്ന­ത്.

നാ­ട­ക­കൃ­ത്ത് എ­ന്ന നി­ല­യി­ല്‍ പേ­രെ­ടു­ത്ത­യാ­ളാണ്. ഇ­പ്പോള്‍ സി­നി­മ­യിലും അം­ഗീ­ക­രി­ക്ക­പ്പെ­ട്ടു. ഏ­ത് നി­ല­യില്‍ തു­ട­രാ­നാ­ണ് തീ­രു­മാനം?

അ­ടി­സ്ഥാ­ന­പ­ര­മാ­യി ഞാ­നൊ­രു ക­ലാ­കാ­ര­നാണ്. ക­ലാ­കാര­നെ സം­ബ­ന്ധി­ച്ച് സെല്‍­ഫ് എ­ക്‌­സ്­പ്ര­ഷ­നാ­ണ് ക­ല. ലിയനാഡോ ഡാ­വി­ഞ്ചി­യെ അ­റി­യില്ലേ, അ­ദ്ദേ­ഹം ചി­ത്ര­കാ­ര­നാ­യി­രുന്നു, ശാ­സ്­ത്ര­ജ്ഞ­നാ­യി­രുന്നു, വൈ­ദ്യ­നാ­യി­രുന്നു. ടാ­ഗോ­റി­ല്ലേ അ­ദ്ദേ­ഹം എ­ഴു­ത്തു­കാ­ര­നും, സം­ഗീ­ത­ജ്ഞനു­മൊ­ക്കെ­യാ­യി­രുന്നു. എ­ന്നാല്‍ ര­വീ­ന്ദ്രനാ­ഥ ടാ­ഗോര്‍ എ­ന്ന പേ­രാ­ണ് ന­മ്മള്‍ മ­ന­സി­ല്‍ സൂ­ക്ഷി­ക്കു­ന്നത്. ആര്‍­ട്ട് വ്യ­ത്യ­സ്­ത­മാണ്. ആര്‍­ട്ടി­സ്റ്റി­ന്റെ പേ­രാ­ണ് ച­രി­ത്ര­ത്തില്‍ രേ­ഖ­പ്പെ­ടു­ത്ത­പ്പെ­ടു­ക. അ­യാ­ളെ എ­ക്‌­സ്­പ്ര­സ് ചെ­യ്യാ­നുള്ള മാ­ധ്യ­മ­മാ­ണ് കല.

എ­ന്നെ സം­ബ­ന്ധി­ച്ച് എ­നി­ക്ക് സ്വ­യം എ­ക്‌­സ്­പ്ര­സ് ചെ­യ്യാ­നു­ള്ള മാര്‍­ഗ­ങ്ങ­ളാ­ണ് നാ­ട­കവും സി­നി­മ­യും. രണ്ടും എ­നി­ക്കി­ഷ്ട­മാണ്. നാ­ട­ക­മാ­ണ് ശ­രിയാ­യ ഭാ­ഷ. എ­ക്‌­സ്­പ്ര­ഷന്‍ മീ­ഡിയം. സിനി­മ ഒ­രേ­സ­മയ­ത്ത് ഒ­രു­പാ­ട് പേര്‍­ക്ക് കാ­ണാം. ഇ­വി­ടെ­യി­രു­ന്ന് ഞാന്‍ കാ­ണു­ന്ന സിനി­മ അ­തേ സമ­യം അ­മേ­രി­ക്ക­യി­ലി­രു­ന്ന് മ­റ്റൊ­രാള്‍­ക്ക് കാ­ണാന്‍ ക­ഴി­യും. എ­ന്നാല്‍ നാട­കം എന്ന­ത് ജീവ­ന്റെ ക­ല­യാ­ണ്. ജീ­വ­നു­ണ്ടെ­ങ്കി­ലേ അ­തി­ന് നി­ല­നില്‍­പ്പു­ള്ളൂ.

സി­നി­മ­യില്‍ അ­വാര്‍­ഡ് കി­ട്ടി ദി­വ­സ­ങ്ങള്‍­ക്കു­ള്ളില്‍ പ്ര­ശ­സ്­ത­നായി. അ­തി­ന് മു­മ്പ് നാ­ട­ക­ങ്ങ­ളില്‍ നി­രവ­ധി അം­ഗീ­കാ­ര­ങ്ങള്‍ നേടി­യ ആ­ളാ­ണ് നിങ്ങള്‍. ആ സ­മയ­ത്ത് കി­ട്ടാ­ത്ത പ­രി­ഗ­ണ ഇ­പ്പോള്‍ ല­ഭി­ക്കു­മ്പോള്‍ സ­ന്തു­ഷ്ട­നാണോ?

നാട­കം ചെ­യ്­തി­രു­ന്ന സ­മയ­ത്ത് ഞാന്‍ അ­ന്തര്‍­ദേ­ശീ­യ ത­ല­ത്തില്‍ ശ്ര­ദ്ധി­ക്ക­പ്പെ­ട്ട­യാ­ളാണ്. ആ­സ്­ത്രി­യ­യില്‍ ഒ­രു മാ­ധ്യ­മ­പ്ര­വര്‍­ത്ത­ക ഒ­രു പു­സ്ത­കം ത­യ്യാ­റാ­ക്കു­ന്ന­തി­നാ­യി ര­ണ്ട് മൂ­ന്ന് ദിവ­സം എ­ന്റെ പിറ­കെ ന­ട­ന്നി­രു­ന്നു. ന­മു­ക്കി­വി­ടെ നല്ല വി­മര്‍ശ­കരോ മാ­ധ്യ­മ­പ്ര­വര്‍ത്ത­കരോ ഇല്ല. സി­നി­മ­യില്‍ പ­ണ­മുണ്ട്. പ­ണ­ത്തി­ന്റെ പി­ന്നാ­ലെ പോ­കാ­നാ­ണ് എല്ലാ­വര്‍ക്കും താല്‍­പ­ര്യം.

നല്ല നാ­ട­ക­കൃ­ത്തു­ക്ക­ളെ­ക്കു­റി­ച്ച് അ­ന്വേ­ഷിക്കാനോ അവ­രെ ക­ണ്ടെ­ത്തി പ്രൊ­ത്സാ­ഹി­പ്പിക്കാ­നോ ഒ­രു മാ­ധ്യ­മ­പ്ര­വര്‍­ത്ത­കനും ത­യ്യാ­റാ­വു­ന്നില്ല. എ­ന്നെ സം­ബ­ന്ധി­ച്ച് മാ­ധ്യ­മ­ങ്ങള്‍ ഇ­പ്പോള്‍ എ­ന്നെ പ­രി­ഗ­ണി­ക്കുന്ന­ത് സ­ന്തോ­ഷി­പ്പി­ക്കു­ക­യോ, ഞാന്‍ വലി­യ ആ­ളാ­യി എന്ന തോ­ന്ന­ലു­ണ്ടാ­ക്കു­കയോ ചെ­യ്യു­ന്നില്ല. മാ­ധ്യ­മ­ങ്ങള്‍ എ­ന്നെ എങ്ങ­നെ ചി­ത്രീ­ക­രി­ക്കു­ന്നു­വെ­ന്ന­തി­നെ­ക്കു­റി­ച്ച് ഞാന്‍ ആ­ശ­ങ്ക­പ്പെ­ടു­ന്ന­തേ­യില്ല.

ഈ പ്ര­ശ­സ്­തി എ­ന്റെ അ­ടു­ത്ത പ്രോ­ജ­ക്ടി­ന് ഗു­ണ­ക­ര­മാ­കു­മെ­ന്ന­തൊ­ഴി­ച്ചാല്‍ യാ­തൊ­രു പ്രാ­ധാ­ന്യവും ഇ­തി­ന് നല്‍­കു­ന്നില്ല. അല്ലാ­തെ നാ­ട്ടു­കാര്‍ കാ­ണു­മ്പോള്‍ ചി­രി­ക്കു­മല്ലോ മാ­ധ്യ­മ­ങ്ങ­ളില്‍ ഫോ­ട്ടോ­വ­രു­മെല്ലോ എ­ന്നൊ­ക്കെ ഓര്‍­ത്ത് മ­തി­മ­റ­ന്നി­ട്ടില്ല.

സി­നി­മ­യില്‍ ചെറി­യ ചെറി­യ വേ­ഷ­ങ്ങള്‍ ചെ­യ്­തി­ട്ടു­ണ്ട­ല്ലോ. അ­ഭി­ന­യ­ത്തില്‍ കൂ­ടു­തല്‍ ശ്ര­ദ്ധ നല്‍കുമോ?

അ­ഭിന­യം എ­നി­ക്കി­ഷ്ട­മാണ്. എ­ന്റെ ചി­ല സു­ഹൃ­ത്തു­ക്കള്‍ നിര്‍­ബ­ന്ധി­ച്ച­പ്പോള്‍ ചെറി­യ ചെറി­യ വേ­ഷ­ങ്ങള്‍ ചെ­യ്­തി­ട്ടു­ണ്ട്. എ­നി­ക്ക് പാ­ക­മാ­യ നല്ല റോ­ളു­കള്‍ ല­ഭി­ച്ചാല്‍ ഇ­നിയും അ­ഭി­ന­യി­ക്കും. പി­ന്നെ ഞാന്‍ സം­വി­ധാ­നം ചെ­യ്യു­ന്ന ചി­ത്ര­ങ്ങ­ളിലും അ­ഭി­ന­യി­ക്കും. അ­ത്ത­ര­ത്തി­ലു­ള്ള ചിത്രം അ­ടു­ത്തു­ത­ന്നെ­യു­ണ്ടാ­വും. ഞാന്‍ ചെയ്­ത ഡി­സ്­ട്ര­ക്ഷന്‍ എന്ന ഷോ­ട്ട് ഫി­ലി­മി­ലൂ­ടെ ഒ­രേ­സമ­യം മി­ക­ച്ച സം­വി­ധാ­യ­കനും ന­ട­നു­മാ­യി തി­ര­ഞ്ഞെ­ടു­ക്ക­പ്പെ­ട്ടി­ട്ടു­ണ്ട്. നാ­ട­ക­ങ്ങള്‍ ചെ­യ്­തി­രു­ന്ന സ­മയ­ത്ത് ഞാന്‍ അ­ഭി­ന­യ­ത്തില്‍ നിന്നും വി­ട്ടു­നി­ന്നി­ട്ടില്ല. നാട­കം അ­ഭി­നേ­താ­വി­ന്റെ ക­ല­യാ­ണ്. ഞാന്‍ സം­വി­ധാ­നം ചെയ്­ത നാ­ട­ക­ങ്ങ­ളില്‍ അ­ഭി­നേ­താ­വും ഞാന്‍ പ്ര­ത്യ­ക്ഷ­പ്പെ­ട്ടി­ട്ടു­ണ്ട്.

പുതി­യ പ്രൊ­ജ­ക്ടുകള്‍ ?

പുതി­യ പ­ല പ്രൊ­ജ­ക്ടു­ക­ളു­ടെയും ചര്‍­ച്ച­കള്‍ ന­ട­ക്കു­ന്നു­ണ്ട്. ത­മി­ഴില്‍ നിന്നും എ­നി­ക്കൊ­രു ഓ­ഫര്‍ ല­ഭി­ച്ചി­ട്ടുണ്ട്. ധ­നു­ഷാ­യി­രിക്കും മി­ക്ക­വാറും ആ ചി­ത്ര­ത്തില്‍ നാ­യ­കന്‍. നി­ര­വ­ധി ഭാ­ഷ­ക­ളില്‍ ചെ­യ്യു­ന്ന ഒ­രു ബി­ഗ് ബജ­റ്റ് ചി­ത്ര­മാ­യി­രിക്കും അത്.

 

Malayalam News

Kerala News In English



കിസ് ഓഫ് ലൗവ്, സദാചാര പോലീസിങ്ങ് കേരള പോലീസ് സര്‍ക്കുലര്‍ എന്ത് പറയുന്നു?


നിയമം നടപ്പിലാക്കുന്ന പോലീസ് ഉദ്യോഗസ്ഥന്മാര്‍; നടപ്പിലാക്കേണ്ട നിയമവും ആളുകള്‍ നിര്‍ബന്ധിതമായി നടപ്പിലാക്കുന്ന സദാചാര നടപടികളും തമ്മിലുള്ള വ്യത്യാസം വേര്‍തിരിച്ചറിയേണ്ടത് പ്രധാനമാണ്. പോലീസ് നടപ്പിലാക്കേണ്ടത് ഒന്നുകില്‍ നിയമസഭ രൂപം കൊടുത്ത നിയമങ്ങളോ അല്ലെങ്കില്‍ ഇന്ത്യന്‍ നീതിന്യായവ്യവസ്ഥ വ്യാഖ്യാനിച്ചിട്ടുള്ള നിയമങ്ങളോ ആണ്. എവിടെയൊക്കെ ഭരണഘടനാപരമായ അനുമതിയോടെ പ്രഖ്യാപിച്ചിട്ടുള്ള നിയമങ്ങളുണ്ടോ, പോലീസ് അതിനെയാണ് അനുസരിക്കേണ്ടത്. ആ നിയമങ്ങള്‍ ലംഘിക്കുന്നവര്‍ക്കെതിരെയുള്ള നടപടികളാണ് എടുക്കേണ്ടത്.


കേരളത്തില്‍ സദാചാര പോലീസിങ്ങിന്റെ ഭാഗമായുള്ള ആക്രമണങ്ങള്‍ വര്‍ദ്ധിച്ചുവരുന്ന പശ്ചാത്തലത്തില്‍ 2012 ആഗസ്റ്റ് മാസത്തില്‍ കേരള പോലീസ് ഒരു സര്‍ക്കുലര്‍ ഇറക്കുകയുണ്ടായി. സദാചാര പോലീസിങ്ങിനെ നിയമം എങ്ങനെ നോക്കിക്കാണുന്നുവെന്നും, പോലീസ് ഉദ്യോഗസ്ഥന്മാര്‍  ഇത്തരം വിഷയങ്ങളെ എങ്ങനെ കൈകാര്യം ചെയ്യണമെന്നും സര്‍ക്കുലര്‍ വ്യക്തമായി നിര്‍ദ്ദേശിക്കുന്നു. പോലീസ് തന്നെ നടപ്പിലാക്കാന്‍ മെനക്കെടാത്ത ഈ സര്‍ക്കുലര്‍ ഇപ്പോള്‍ വളരെ പ്രസക്തമാണ്. കേരള സമൂഹത്തിന്റെ ഒരു പരിച്ഛേദം തന്നെയാണ് പോലീസ് എന്നതുകൊണ്ട് അവരും 'നിയമ'ത്തിനേക്കാള്‍ 'മോറലിസ'മനുസരിച്ചാണ് പെരുമാറാറ്. നാട്ടുകാരെ സദാചാരം പഠിപ്പിക്കല്‍ പോലീസിന്റെ ജോലിയില്‍ പെട്ട കാര്യമല്ലെന്ന് ഈ സര്‍ക്കുലര്‍ വന്നിട്ടും അവര്‍ മനസ്സിലാക്കിയിട്ടില്ലെന്നാണ് 'kiss of love' പരിപാടിക്കെതിരെയുള്ള ചില പോലീസ് ഉദ്യോഗസ്ഥരുടെ പ്രസ്താവനകള്‍ വായിച്ചപ്പോള്‍ തോന്നിയത്. കേരള പോലീസിന്റെ വെബ്‌സൈറ്റില്‍ സര്‍ക്കുലര്‍ കിടക്കുന്നുണ്ട്. ഇംഗ്ലീഷില്‍ വായിക്കേണ്ടവര്‍ക്ക് താഴെയുള്ള ലിങ്കില്‍ പോയാല്‍ മതിയാകും.
http://www.keralapolice.org/newsite/pdfs/circular/circular_2012/cir_27_2012.pdf സര്‍ക്കുലറിന്റെ മലയാളപരിഭാഷയിലേക്ക് .... നമ്പര്‍. 56/ക്യാമ്പ്/എസ്.പി.സി./2012 പോലീസ് ഹെഡ്ക്വാര്‍ട്ടേഴ്‌സ്, കേരളം, തിരുവനന്തപുരം തിയ്യതി: 31.08.2012 വിഷയം: സദാചാര പ്രവര്‍ത്തനമായി ചിത്രീകരിക്കുന്ന ക്രിമിനല്‍ പ്രവര്‍ത്തിക്കെതിരെയുള്ള നിയമപരമായ നടപടി. ഇതു സംബന്ധിച്ച് നല്‍കിയ നിര്‍ദ്ദേശങ്ങള്‍: സംസ്ഥാനത്തിന്റെ പല ഭാഗങ്ങളിലും സ്വയം പ്രഖ്യാപിത വ്യക്തിപരമായ പെരുമാറ്റച്ചട്ടങ്ങള്‍, ഭീഷണിപ്പെടുത്തിയോ, ബലം പ്രയോഗിച്ചോ, കൈയേറ്റം ചെയ്‌തോ, പരിക്കേല്‍പിച്ചോ, കൊലപാതകം തന്നെ നടത്തിയോ അടിച്ചേല്‍പിക്കുന്ന സംഭവങ്ങള്‍ അരങ്ങേറുന്നുണ്ട്. ഇത് പൗരന്റെ സ്വകാര്യതയിലേക്കും, വ്യക്തികളുടെ സ്വകാര്യ സ്വാതന്ത്ര്യത്തിലേക്കുമുള്ള കടന്നുകയറ്റമായി മാറുന്നുണ്ട്. സാധാരണയായി 'സദാചാര പോലീസിങ്ങ്' എന്നറിയപ്പെടുന്ന ഈ നിയമവിരുദ്ധ പ്രവൃത്തിയുടെ പൊതുപ്രത്യേകത ഏതാനും ചില വ്യക്തികളോ ഗ്രൂപ്പുകളോ അവര്‍ സ്വയം പ്രഖ്യാപിച്ച പെരുമാറ്റച്ചട്ടങ്ങള്‍ ബലമായി മറ്റുള്ളവരുടെ മേല്‍ അടിച്ചേല്‍പിക്കുന്നു എന്നതാണ്. പലപ്പോഴും ഇത് സ്ത്രീകള്‍ക്കെതിരെയാകുന്നു. ഇത്തരം പ്രവര്‍ത്തികള്‍ നിയമം അനുവദിക്കുന്ന ക്രമസമാധാനപാലനത്തില്‍ പെടില്ല. വാസ്തവത്തില്‍ ഇത്തരം ചെയ്തികളെ വിളിക്കാവുന്നത് ഭീഷണി, നിര്‍ബന്ധപ്രേരണ, കരുതിക്കൂട്ടിയുള്ള ബലപ്രയോഗം, അടിച്ചേല്‍പ്പിക്കല്‍ എന്നാണ്. (intimidatory, compulsive, conformtiy enforcement (ICCE) ഒരു കാര്യം വ്യക്തമായി മനസ്സിലാക്കേണ്ടതുണ്ട്; നമ്മെപ്പോലുള്ള ഒരു ജനായത്ത സമൂഹത്തില്‍ എന്താണ് നിയമവിധേയമല്ലാത്തതായി മാറുന്നത് എന്ന് നിയമം വ്യക്തമായി നിര്‍വ്വചിക്കുന്നുണ്ട്. ഇന്ത്യന്‍ ഭരണഘടന പൗരന്മാര്‍ക്ക് ചില സ്വാതന്ത്ര്യങ്ങള്‍ ഉറപ്പുനല്‍കുന്നുണ്ട്. ആ സ്വാതന്ത്ര്യമുപയോഗിച്ച്, ഒരു പൗരന്‍ ഏതെങ്കിലും പ്രവൃത്തി ചെയ്യുമ്പോള്‍; ആ പ്രവൃത്തി നിയമം അനുശാസിക്കുന്നതാണോ അല്ലയോ എന്ന കാര്യം നിയമത്താലോ നിയമം ഉപയോഗിച്ചു കൊണ്ടോ മാത്രമേ തീരുമാനിക്കാനാകൂ. പൗരന്മാര്‍ നിയമവിധേയമായി അത്തരം അടിസ്ഥാന സ്വാതന്ത്ര്യം വിനിയോഗിക്കുമ്പോള്‍, ഒരു വ്യക്തിക്കോ സംഘത്തിനോ അവരുടെ സ്വയം പ്രഖ്യാപിത സദാചാര മാനദണ്ഡങ്ങള്‍ അവര്‍ക്കുമേല്‍ അടിച്ചേല്‍പ്പിക്കാനാവില്ല. അത്തരം നിയമവിരുദ്ധ കടന്നുകയറ്റങ്ങളെ ഇന്ത്യന്‍ പീനല്‍ കോഡും, മറ്റു നിയമങ്ങളും ക്രിമിനല്‍ കുറ്റകൃത്യമായിട്ടാണ് നിര്‍വ്വചിക്കുന്നത്.

അടുത്ത പേജില്‍ തുടരുന്നു


പ്രവര്‍ത്തികളല്ല 'മോറല്‍ പോലീസിങ്ങ്'. മറിച്ച്, ഇത്തരം പ്രവര്‍ത്തികള്‍ക്ക് പ്രേരണയാകുന്നത് കടുത്ത സാമൂഹ്യവിരുദ്ധ പ്രവണതകളോ, അടിസ്ഥാന ഭരണഘടനാ മൂല്യങ്ങള്‍ക്കെതിരെ നിലകൊള്ളുന്ന ഇടുങ്ങിയ, സാമുദായിക, ഫണ്ടമെന്റലിസ്റ്റ് അജണ്ടകളുള്ളവരോ ആണ്.


നിയമം നടപ്പിലാക്കുന്ന പോലീസ് ഉദ്യോഗസ്ഥന്മാര്‍; നടപ്പിലാക്കേണ്ട നിയമവും ആളുകള്‍ നിര്‍ബന്ധിതമായി നടപ്പിലാക്കുന്ന സദാചാര നടപടികളും തമ്മിലുള്ള വ്യത്യാസം വേര്‍തിരിച്ചറിയേണ്ടത് പ്രധാനമാണ്. പോലീസ് നടപ്പിലാക്കേണ്ടത് ഒന്നുകില്‍ നിയമസഭ രൂപം കൊടുത്ത നിയമങ്ങളോ അല്ലെങ്കില്‍ ഇന്ത്യന്‍ നീതിന്യായവ്യവസ്ഥ വ്യാഖ്യാനിച്ചിട്ടുള്ള നിയമങ്ങളോ ആണ്. എവിടെയൊക്കെ ഭരണഘടനാപരമായ അനുമതിയോടെ പ്രഖ്യാപിച്ചിട്ടുള്ള നിയമങ്ങളുണ്ടോ, പോലീസ് അതിനെയാണ് അനുസരിക്കേണ്ടത്. ആ നിയമങ്ങള്‍ ലംഘിക്കുന്നവര്‍ക്കെതിരെയുള്ള നടപടികളാണ് എടുക്കേണ്ടത്. മേല്പറഞ്ഞതിനു വിരുദ്ധമായി, ഏതെങ്കിലും സംഭവത്തില്‍ ഭീഷണി, നിര്‍ബന്ധപ്രേരണ, കരുതിക്കൂട്ടിയുള്ള ബലപ്രയോഗം, അടിച്ചേല്‍പ്പിക്കല്‍ (ICCE) എന്നിവ നടന്നിട്ടുണ്ടെങ്കില്‍ കര്‍ക്കശമായി ഇടപെടേണ്ടതാണ്. 'മോറല്‍ പോലീസിങ്ങ്' എന്നു വിളിക്കുന്ന ക്രിമിനല്‍ പ്രവര്‍ത്തനങ്ങളുടെ അപകടത്തെയും കുടുക്കുകളെയും കുറിച്ച് പോലീസ് ഉദ്യോഗസ്ഥര്‍ നിര്‍ബന്ധമായും ബോധമുള്ളവരായിരിക്കണം. ബാക്കിയുള്ള സമൂഹത്തേക്കാള്‍ ഉയര്‍ന്ന സദാചാരമാണ് തങ്ങളുടേതെന്ന് പറയുന്നവര്‍, നിഷ്‌കളങ്കമായോ, നിര്‍ദോഷമായോ ഏര്‍പ്പെടുന്ന പ്രവര്‍ത്തികളല്ല 'മോറല്‍ പോലീസിങ്ങ്'. മറിച്ച്, ഇത്തരം പ്രവര്‍ത്തികള്‍ക്ക് പ്രേരണയാകുന്നത് കടുത്ത സാമൂഹ്യവിരുദ്ധ പ്രവണതകളോ, അടിസ്ഥാന ഭരണഘടനാ മൂല്യങ്ങള്‍ക്കെതിരെ നിലകൊള്ളുന്ന ഇടുങ്ങിയ, സാമുദായിക, ഫണ്ടമെന്റലിസ്റ്റ് അജണ്ടകളുള്ളവരോ ആണ്.

ഇന്ത്യന്‍ ഭരണഘടന പൗരന്മാര്‍ക്ക് ചില സ്വാതന്ത്ര്യങ്ങള്‍ ഉറപ്പുനല്‍കുന്നുണ്ട്. ആ സ്വാതന്ത്ര്യമുപയോഗിച്ച്, ഒരു പൗരന്‍ ഏതെങ്കിലും പ്രവൃത്തി ചെയ്യുമ്പോള്‍; ആ പ്രവൃത്തി നിയമം അനുശാസിക്കുന്നതാണോ അല്ലയോ എന്ന കാര്യം നിയമത്താലോ നിയമം ഉപയോഗിച്ചു കൊണ്ടോ മാത്രമേ തീരുമാനിക്കാനാകൂ.


എപ്പോഴൊക്കെ അത്തരം ക്രിമിനല്‍ പ്രവൃത്തിയെക്കുറിച്ച് പോലീസ് ഉദ്യോഗസ്ഥന് വിവരം ലഭിക്കുന്നുവോ, അപ്പോള്‍ തന്നെ കേസ് രജിസ്റ്റര്‍ ചെയ്യുകയും, വേഗതയോടെയും, കാര്യക്ഷമതയോടെയും കേസന്വേഷിക്കുകയും വേണം. ഇത്തരം കേസുകള്‍ ഔപചാരിക പരാതിക്കായി കാത്തിരിക്കാതെ രജിസ്റ്റര്‍ ചെയ്യുന്നതാണ് ഉചിതം. ആവശ്യമെങ്കില്‍ ക്രിമിനല്‍ നടപടി ചട്ടങ്ങളിലെ അതിക്രമിച്ചുകടക്കല്‍ (സെക്ഷന്‍ 324), കയ്യേറ്റം/പരിക്കേല്‍പ്പിക്കല്‍ (സെക്ഷന്‍ 323,326), വധശ്രമം (സെക്ഷന്‍ 307), കൊലപാതകം (സെക്ഷന്‍ 302), പിടിച്ചുപറി (സെക്ഷന്‍ 390), കൊള്ള (സെക്ഷന്‍ 395) തുടങ്ങിയ വശങ്ങളും വകുപ്പുകളും ഉപയോഗിച്ചും ഉള്‍പ്പെടുത്തിയുമായിരിക്കണം കേസുകള്‍ രജിസ്റ്റര്‍ ചെയ്യേണ്ടത്. സാഹചര്യം ആവശ്യപ്പെടുന്നുവെങ്കില്‍ സെക്ഷന്‍ 153, 153 എ, 153 ബി എന്നിവയും ഉപയോഗിക്കാവുന്നതാണ്. നിയമം അനുശാസിക്കുന്നതും ആവശ്യമായതുമായ ക്രിമിനല്‍ വകുപ്പുകള്‍ ചേര്‍ക്കുന്ന കാര്യത്തില്‍ ഒരു കാരണവശാലും വെള്ളം ചേര്‍ക്കാന്‍ പാടില്ല. എവിടെയെല്ലാം അവശ്യമുണ്ടോ അവിടെയെല്ലാം നീതിയുക്തവും, കാര്യക്ഷമവുമായ നിയമനടപടികള്‍ സ്വീകരിക്കണം. കേരള ആന്റി സോഷ്യല്‍ ആക്റ്റിവിറ്റീസ് (പ്രിവന്‍ഷന്‍) ആക്ട് 2007 ഉം ഉപയോഗിക്കാവുന്നതാണ്. നിയമങ്ങള്‍ കര്‍ക്കശമായും, കാര്യക്ഷമമായും നടപ്പിലാക്കിയാല്‍, സമൂഹത്തിന് ഭീഷണിയായ ഇത്തരം പ്രവൃത്തികള്‍ ഫലപ്രദമായി തടയാനാകും. അങ്ങിനെ നിയമങ്ങള്‍ നടപ്പിലാക്കുമ്പോള്‍, ആവശ്യമായ വിവരങ്ങള്‍ തക്ക സമയത്ത് നല്‍കി പൊതുജനം പോലീസുമായും നിയമ ഏജന്‍സികളുമായും സഹകരിക്കണം. മറ്റൊരു സാധ്യതയുമില്ലെങ്കില്‍ വ്യക്തിയെയോ സ്വത്തിനെയോ പ്രതിരോധിക്കാനും, ക്രിമിനല്‍ പ്രവര്‍ത്തനം തടയാനുമുള്ള ചുമതലയിലേക്കുയരാന്‍ പോലും നിയമം ജനങ്ങളെ അനുവദിക്കുന്നുണ്ട്. അത്തരം ജനങ്ങളുടെ പ്രവര്‍ത്തനവും ഭീഷണി, നിര്‍ബന്ധപ്രേരണ, കരുതിക്കൂട്ടിയുള്ള ബലപ്രയോഗം, അടിച്ചേല്‍പ്പിക്കല്‍ (ICCE) എന്നതും വേര്‍തിരിച്ച് വ്യക്തമായി മനസ്സിലാക്കണം. പോലീസ് ഉദ്യോഗസ്ഥന്മാര്‍ സ്വയം 'മോറല്‍ പോലീസിങ്ങി'ന്റെ കെണിയില്‍ വീഴാതിരിക്കേണ്ടതും, 'നിയമനടപടികള്‍' ക്കു പകരം 'മോറല്‍ നടപടികള്‍' തേടാതിരിക്കേണ്ടതും പ്രധാനമാണ്. ഏതെങ്കിലും ഒരു കാര്യത്തിനെതിരെ നിയമപരമായ നടപടി എടുക്കണോ എന്ന സംശയം പോലീസുദ്യോഗസ്ഥന് തോന്നുന്ന പക്ഷം; ആ കാര്യം, ഇന്ത്യന്‍ ക്രിമിനല്‍ നടപടി ചട്ടങ്ങളിലോ മറ്റേതെങ്കിലും പ്രസക്തമായ ക്രിമിനല്‍ നിയമത്തിലോ അതിനെ കുറ്റകൃത്യമായി നിര്‍വ്വചിച്ചിട്ടുണ്ടോയെന്ന് പരിശോധിക്കുക എന്ന ഏക വഴിയേ ഉള്ളു. സ്‌റ്റേറ്റ് പോലീസ് To All Officers in List 'B' Copy to : CAS to all officers in PHQ, Circular File.

വെടി നിര്‍ത്തല്‍ പ്രഖ്യാപനമില്ലെന്ന് ബോകോ ഹറാം തീവ്രവാദികള്‍

നൈജീരിയ: സര്‍ക്കാര്‍ പ്രഖ്യാപിച്ച വെടിനിര്‍ത്തല്‍ പ്രഖ്യാപനത്തിനെതിരെ ബോകോ ഹറാം തീവ്രവാദികള്‍. ഒക്ടോബര്‍ 17 നായിരുന്നു സര്‍ക്കാര്‍ തീവ്ര വാദികളുമായി വെടിനിര്‍ത്തല്‍ പ്രഖ്യാപിച്ചിരുന്നത്. ബോകോ ഹറാം നേതാവ് അബൂബക്കര്‍ ഷിക്കാവുവാണ് വെടി നിര്‍ത്തല്‍ പ്രഖ്യാപനത്തെ തള്ളിയത്. അതേ സമയം കഴിഞ്ഞ ഏപ്രിലില്‍ തങ്ങള്‍ തട്ടി കൊണ്ട് പോയ 219 പെണ്‍കുട്ടികളെ മതം മാറ്റി വിവാഹം കഴിപ്പിച്ചതായും ബോകോ നേതാവ് പറഞ്ഞു. തങ്ങള്‍ യാതൊരു തരത്തിലുമുള്ള ചര്‍ച്ചകള്‍ക്കും തയാറല്ല എന്നാണ് വീഡിയോ സന്ദേശത്തില്‍ അബൂബക്കര്‍ പറഞ്ഞത്. 2009 മുതലാണ് നൈജീരീയയില്‍  ബോകോ ഹറാം തീവ്രവാദികള്‍ പോരാട്ടം ശക്തമാക്കിയത്. വീഡിയോ സന്ദേശം പുറത്ത് വന്നത് സര്‍ക്കാറിനു വന്‍ പ്രഹരമായി. പെണ്‍കുട്ടികളെ സംരക്ഷിക്കാന്‍ കഴിയാത്തതും സമാധാന ശ്രമങ്ങള്‍ക്കേറ്റ തിരിച്ചടിയും ബോകോകളുടെ വ്യാപ്തി വ്യക്തമാക്കുന്നതാണ്. ഹ്യൂമന്‍ റൈറ്റ്‌സ് വാച്ചിന്റെ കണക്കുകള്‍ പ്രകാരം 500ലധികം സ്ത്രീകളും പെണ്‍കുട്ടികളുമാണ് തീവ്രവാദികളുടെ തടവില്‍ ഉള്ളത്. ഇവരെ നിര്‍ബന്ധിത വിവാഹത്തിനു വിധേയരാക്കിയതായും സംഘടനയുടെ കണക്കുകള്‍ പറയുന്നു. രാജ്യത്തെ പശ്ചാത്യവല്‍ക്കരിക്കുന്നതിനെതിരെ എന്ന പേരിലാണ് ബോകോ ഹറാം തീവ്രവാദികള്‍ നൈജീരീയയില്‍ പോരാട്ടം നടത്തുന്നത്. പശ്ചാത്യ വിദ്യാഭ്യാസത്തിന് പകരം വിവാഹമാണ് പെണ്‍കുട്ടികള്‍ക്ക് വേണ്ടതെന്നാണ് ബോകോ തീവ്രവാദികള്‍ നേരത്തെ പറഞ്ഞിരുന്നത്. ചിബോക്ക് പ്രവിശ്യയില്‍ നിന്നായിരുന്നു പെണ്‍കുട്ടികളെ കൂട്ടമായി തട്ടി കൊണ്ട് പോയിരുന്നത്. പെണ്‍കുട്ടികളെ മോചിപ്പിക്കാന്‍ കഴിയുമെന്നാണ് സര്‍ക്കാര്‍ പ്രതീക്ഷിച്ചിരുന്നത്. എന്നാല്‍ 'പെണ്‍കുട്ടികള്‍ അവരുടെ ഭര്‍തൃ ഗൃഹത്തിലാണ്' എന്നാണ് ഒരു ബോകോ നേതാവ് ഇതിനു മറുപടി പറഞ്ഞത്. പെണ്‍കുട്ടികളെ സുരക്ഷിതരായി തിരിച്ചെത്തിക്കുന്നതിനായി തീവ്രവാദികളുമായി താല്‍ക്കാലിക വെടിനിര്‍ത്തല്‍ കരാര്‍് തയ്യാറായിട്ടുണ്ടെന്ന് സര്‍ക്കാര്‍ അറിയിച്ചിരുന്നു. ഏപ്രിലില്‍ തട്ടിക്കൊണ്ടുപോയ പെണ്‍കുട്ടികളെ മോചിപ്പിക്കാനുള്ള നടപടിയുടെ ഭാഗമാണിതെന്നായിരുന്നു സര്‍ക്കാരിന്റെ വിശദീകരണം. ഇതിന്റെ ഭാഗമായി ബൊക്കോ ഹറാം തീവ്രവാദികളുമായി നൈജീരിയന്‍ സര്‍ക്കാര്‍ ചര്‍ച്ചക്ക് സന്നദ്ധമാകുകയും ചെയ്തിരുന്നു.

കോഴ ആരോപണം: മാണിയുടെ മുന്നണി മാറ്റ ആഗ്രഹത്തിനുമേലുള്ള അവസാനത്തെ ആണി

തിരുവനന്തപുരം: കോണ്‍ഗ്രസിന്റെയും മറ്റ് ഘടകകക്ഷിയുടെയും ശക്തമായ പിന്തുണയുണ്ടെങ്കിലും കോഴ ആരോപണം കേരള കോണ്‍ഗ്രസ് നേതാവ് കെ.എം മാണിക്ക് വന്‍ തിരിച്ചടിയാവുമെന്നതില്‍ സംശയമില്ല. ആരോപണത്തിന്റെ പശ്ചാത്തലത്തില്‍ ഇതുവരെ മാണിയ്‌ക്കെതിരെ അന്വേഷണമൊന്നും പ്രഖ്യാപിച്ചിട്ടില്ലെന്നത് അദ്ദേഹത്തിന് ആശ്വാസമാണ്. അതേസമയം, മുന്നണി മാറ്റ ഭീഷണി മുഴക്കി യു.ഡി.എഫില്‍ കാര്യം നേടുകയെന്ന മാണി തന്ത്രത്തിന് ഈ ആരോപണം വന്‍ തിരിച്ചടിയാകും. ഈ വിഷയത്തില്‍ വളരെ ശ്രദ്ധയോടെയാണ് സി.പി.ഐ.എം ഇടപെട്ടത്. സാധാരണയായി ഇത്തരം ആരോപണങ്ങള്‍ വരുന്നതിന് പിന്നാലെ ശക്തമായി രംഗത്തെത്താറുള്ള സി.പി.ഐ.എം നേതാക്കളില്‍ പലരും ഇത്തവണ കുറേയേറെ ആലോചിച്ചു. മാണിയ്‌ക്കെതിരെയുള്ള അഴിമതി ആരോപണങ്ങള്‍ ശരിവെച്ച് സി.പി.ഐ.എം സംസ്ഥാന സെക്രട്ടറി പിണറായി വിജയന്റെ പ്രസ്താവന ഇന്ന് ഉച്ചയോടെയാണ് വന്നത്. എന്നാല്‍ ഈ വിഷയത്തില്‍ മാണിയെ ഒറ്റപ്പെടുത്തി ആക്രമിക്കാന്‍ തയ്യാറല്ല എന്ന സമീപനമാണ് പിണറായി സ്വീകരിച്ചത്. മാണിയ്ക്ക് മാത്രമല്ല മുഖ്യമന്ത്രി ഉമ്മന്‍ചാണ്ടിയ്ക്കും മന്ത്രി കെ.ബാബുവിനും ഈ വിഷയത്തില്‍ പങ്കുണ്ടെന്നും പിണറായി പറഞ്ഞു. മാണിയെ ഒറ്റപ്പെടുത്താനില്ലെന്നതിന് പിണറായി പറയുന്ന ന്യായം ഇതാണ്, ഈ വിഷയം കൊണ്ട് മുഖ്യമന്ത്രിക്കാണ് രാഷ്ട്രീയ നേട്ടമുണ്ടായത്. കാരണം കെ.എം മാണിക്ക് മുഖ്യമന്ത്രി സ്ഥാനം കൊടുക്കണമെന്ന കേരളാ കോണ്‍ഗ്രസിന്റെ ഭീഷണി ഇനി വിലപ്പോകില്ലെന്ന ആശ്വാസം മുഖ്യമന്ത്രിയ്ക്കുണ്ടെന്നാണ് പിണറായി പറഞ്ഞത്. വേറൊരു അര്‍ത്ഥത്തില്‍ പറഞ്ഞാല്‍ മാണിയ്‌ക്കെതിരായി ഉയര്‍ന്നുവന്നിരിക്കുന്ന ആരോപണത്തിന് പിന്നില്‍ ഗൂഢാലോചനയുണ്ടെന്നാണ് പിണറായി പറയാതെ പറഞ്ഞുവെക്കുന്നത്. വേണമെങ്കില്‍ അതില്‍ പ്രതിയായി ഉമ്മന്‍ചാണ്ടിയേയും ചൂണ്ടിക്കാണിക്കുന്നു. ഈ വിഷയത്തില്‍ അന്വേഷണം വേണമെന്ന് സി.പി.ഐ.എം പറയുമ്പോഴും അത് ഏത് തരത്തിലുള്ളതാവണമെന്നത് സംബന്ധിച്ച് പാര്‍ട്ടിക്കുള്ളില്‍ ഏകാഭിപ്രായമില്ല. സി.ബി.ഐ അന്വേഷണം വേണമെന്നാണ് വി.എസ് അച്യുതാനന്ദന്‍ പറഞ്ഞത്. എന്നാല്‍ ജുഡീഷ്യല്‍ അന്വേഷണം നടത്തണമെന്ന അഭിപ്രായമാണ് പി.ബി അംഗം എം.എ ബേബി പ്രകടിപ്പിച്ചത്. അന്വേഷണം വേണമെന്ന് ആവശ്യപ്പെട്ട പിണറായി ആകട്ടെ അത് ഏതുതരത്തിലുള്ളതാവണമെന്ന് പിന്നീട് പറയാമെന്നാണ് പറഞ്ഞത്. കോണ്‍ഗ്രസ് ഭാഗത്ത് നിന്നും മുഖ്യമന്ത്രി മാണിയ്ക്ക് പൂര്‍ണ പിന്തുണയാണ് നല്‍കിയത്. ഈ വിഷയത്തിന്റെ സത്യാവസ്ഥ തനിക്ക് നേരിട്ട് ബോധ്യമുള്ളതാണെന്നും അതിനാല്‍ ഇക്കാര്യത്തില്‍ യാതൊരു അന്വേഷണവും നടത്താനുദ്ദേശിക്കുന്നില്ലെന്നുമാണ് മുഖ്യമന്ത്രി പറഞ്ഞത്. മാണിയെ വിശ്വാസമാണെന്ന സമീപനമാണ് കെ.പി.സി.സി അധ്യക്ഷനും സ്വീകരിച്ചത്. അതേസമയം, കോഴ ആരോപണങ്ങളോട് കെ.എം മാണി പ്രതികരിക്കണമെന്ന നിലപാടുമായി ടി.എന്‍ പ്രതാപന്‍ എം.എല്‍.എയും കോണ്‍ഗ്രസ് നേതാവ് രാജ്‌മോഹന്‍ ഉണ്ണിത്താനും നേരത്തെ രംഗത്തെത്തിയിരുന്നു. എന്നാല്‍ ഇവരുടെ സമീപനത്തെ കെ.പി.സി.സിയും മുഖ്യമന്ത്രിയും വിമര്‍ശിച്ചിട്ടുണ്ട്. ഒറ്റപ്പെടുത്തിയുള്ള ആക്രമണങ്ങള്‍ നേരിടേണ്ടി വന്നില്ലെങ്കിലും മാണിക്ക് ഈ ആരോപണം വന്‍ തിരിച്ചടിയാണെന്ന കാര്യത്തില്‍ സംശയമില്ല. മാണിയുടെ സമ്മര്‍ദ്ദ രാഷ്ട്രീയ തന്ത്രങ്ങള്‍ ഇനി യു.ഡി.എഫില്‍ വിലപ്പോകില്ലെന്നത് തന്നെയാണ് ഏറ്റവും വലിയ നഷ്ടം.

മുന്‍ ആഴ്‌സനല്‍ താരം തിയറി ഹെന്റി ഇന്ത്യന്‍ സൂപ്പര്‍ ലീഗിലേക്ക്?

ന്യൂദല്‍ഹി: ഇന്ത്യന്‍ സൂപ്പര്‍ ലീഗിലേക്ക് പഴയ ആഴ്‌സനല്‍ ക്യാമ്പില്‍ നിന്നു തിയറി ഹെന്റി  കൂടെ എത്തുന്നു. റോബര്‍ട്ട് പിറെസ്, ഡേവിഡ് ട്രെസഗെ, മൈക്കല്‍ സില്‍വസ്റ്റര്‍, നിക്കോളസ് അനല്‍ക്ക തൂടങ്ങിയവരുടെ നിരയിലേക്കാണ് ഹെന്റി എത്തുന്നത്. അടുത്ത സീസണിലായിരിക്കും അദ്ദേഹം ഇന്ത്യന്‍ ലീഗില്‍ ബൂട്ട് കെട്ടുക. ഒരു ഫ്രഞ്ച് ദിന പത്രമാണ് ഇത് സംബന്ധിച്ച വാര്‍ത്ത പുറത്ത് വിട്ടത്. നിലവില്‍ അമേരിക്കന്‍ ഫുട്‌ബോള്‍ ലീഗായ മേജര്‍ ലീഗ് ക്ലബില്‍ ന്യൂയോര്‍ക്ക് ബുള്‍സിന്റെ താരമാണ് ഹെന്റി. ഫ്രഞ്ച്,ഇറ്റാലിയന്‍,ഇംഗ്ലീഷ്, സ്പാനിഷ് എന്നീ ലീഗുകളില്‍ കളിച്ചതിന് ശേഷമാണ് ഹെന്റി ഇന്ത്യന്‍ ലീഗില്‍ എത്തുന്നത്. പിറസ് അടക്കമുള്ള മുന്‍ സഹതാരങ്ങള്‍ നല്‍കിയ നിര്‍ദേശമാണ് ഹെന്റിയെ ഇന്ത്യന്‍ ലീഗിലേക്ക് അടുപ്പിക്കുന്നത്. നിലവില്‍ ഗോവയുടെ താരമായ പിറെസിന് അടുത്ത വര്‍ഷം ടീം മാനേജര്‍ പദവി കൂടെ ലഭിക്കുന്നതോടെ ഐക്കണ്‍ താരമായി ഹെന്റി എത്തുമെന്നാണ് പ്രതീക്ഷിക്കപെടുന്നത്.2003-04 കാലത്ത് ആഴ്‌സനലിന് പ്രീമിയര്‍ ലീഗ് കിരീടം നേടിക്കൊടുക്കുന്നതില്‍ പിറെസ്-ഹെന്റി കൂട്ടു കെട്ട് മികച്ച പങ്കാണ് വഹിച്ചിരുന്നത്. മുന്‍ കോച്ച് ആഴ്‌സന് വെങംറുടെ പ്രോത്സാഹനവും  ഹെന്റി ഇന്ത്യന്‍ ലീഗിലേക്ക് വരുന്നതിനുള്ള കാരണങ്ങളില്‍ ഒന്നാണ്. കഴിഞ്ഞ ദിവസം ആഴ്‌സനല്‍ കോച്ച് ഇന്ത്യന്‍ സൂപ്പര്‍ ലീഗിനെ പ്രശംസിച്ചിരുന്നു. ഐ.എസ്.എല്‍ ഇന്ത്യന്‍ ഫുട്‌ബോളിന്റെ മുഖഛായ മാറ്റി തീര്‍ക്കുമെന്നാണ് വെംങര്‍ പറഞ്ഞത്. ഹെന്റിയെ കൂടാതെ മുന്‍ മാഞ്ചസ്റ്റര്‍ താരം റിയോ ഫെര്‍ഡിനാന്‍ഡ്, ബയേണ്‍മ്യൂണിക്കിന്റെ പെറു താരം ക്ലൗഡിയൊ പിസാരോ എന്നിവരും അടുത്ത സീസണില്‍ ഇന്ത്യന്‍ സൂപ്പര്‍ ലീഗില്‍ കളിച്ചേക്കും.