കൊല്ലം: എസ് എന് ഡി പി യോഗം തിരഞ്ഞെടുപ്പ് നടക്കുന്നത് നീതിപൂര്വ്വമല്ലെന്ന് ധര്മ്മവേദി നേതാവ് ഗോകുലം ഗോപാലന്. എസ് എന് ഡി പിയെ വെള്ളാപ്പള്ളി കുടുംബസ്വത്താക്കി മാറ്റിയെന്നും ഗോകുലം ഗോപാലന് ആരോപിച്ചു. എന്നാല് തിരഞ്ഞെടുപ്പ് നീതിപൂര്വ്വമാണ് നടന്നതെന്ന് വെള്ളാപ്പള്ളി വ്യക്തമാക്കി.
എസ്. എന്.ഡി.പി യോഗം തിരഞ്ഞെടുപ്പ് നടക്കുന്ന കൊല്ലം എസ്.എന് കോളജിലെ ബൂത്തുകളില് തങ്ങളുടെ പ്രവര്ത്തകരെ കയറ്റാതെ തടഞ്ഞുനിര്ത്തുകയാണെന്നാരോപിച്ച് ശ്രീനാരായണ ധര്മ്മവേദി പ്രവര്ത്തകര് പ്രകടനം നടത്തി. ദേശീയപാതയില് ഗതാഗതം തടസ്സപ്പെടുത്തിയതിനെ തുടര്ന്ന് ഗോകുലം ഗോപാലനെയും ധര്മ്മവേദി പ്രവര്ത്തകരെയും പോലീസ് അറസ്റ്റ് ചെയ്തു വിട്ടയച്ചു . ഇവര് ചാത്തന്നൂര് പോലീസ് സ്റ്റേഷനില് ഉപവാസമിരിക്കുകയാണ്.
എന്നാല് തിരഞ്ഞെടുപ്പില് തോല്ക്കാന് പോകുമെന്നുറപ്പുള്ളതുകൊണ്ടാണ് ഗോകുലം ഗോപാലന് പിന്മാറിയതെന്ന് വെള്ളാപ്പള്ളി നടേശന് പറഞ്ഞു. ധര്മ്മവേദി എന്നത് ക്വട്ടേഷന് സംഘമാണെന്നും വള്ളാപ്പള്ളി ആരോപിച്ചു.
അതേസമയം എസ് എന് ഡി പി യോഗം തിരഞ്ഞെടുപ്പ് ബഹിഷ്ക്കരിക്കില്ലെന്ന് ചാത്തന്നൂര് പോലീസ് സ്റ്റേഷനില് ഉപവാസം നടത്തുന്ന ഗോകുലം ഗോപാലന് വ്യക്തമാക്കി. എന്നാല് പ്രവര്ത്തകരുടെ വികാരം കണക്കിലെടുത്തായിരിക്കും തുടര്നടപടികള് സ്വീകരിക്കുകയെന്നും അദ്ദേഹം വ്യക്തമാക്കി. നേരത്തേ ധര്മ്മവേദി പ്രവര്ത്തകര് തിരഞ്ഞെടുപ്പു നടക്കുന്ന കൊല്ലം എസ് എന് കോളേജിലേക്ക് നടത്തിയ മാര്ച്ച് പോലീസ് തടഞ്ഞിരുന്നു.
തിരഞ്ഞെടുപ്പില് പൂര്ണ്ണമായും സഹകരിക്കുമെന്ന് ഗോകുലം ഗോപാലന് വ്യക്തമാക്കിയിട്ടുണ്ട്. സാധാരണ അംഗങ്ങള്ക്കുപോലും ബൂത്ത് ഏജന്റായി ഇരിക്കാന് അനുവദിക്കുന്നില്ലെന്ന് ഗോകുലം ഗോപാലന് ആരോപിച്ചു.
സ്ഥലത്ത് സംഘര്ഷാവസ്ഥ നിലനില്ക്കുന്നുണ്ട്. അതിനിടെ കൊല്ലം എസ് പി യുടെ നേതൃത്വത്തില് ചര്ച്ച നടത്താനും തീരുമാനിച്ചിട്ടുണ്ട്. വോട്ടര്മാരെ പോലീസ് പരിശോധിച്ച ശേഷമാണ് എസ് എന് കോളേജിലേക്ക് പ്രതിനിധികളെ അകത്തു പ്രവേശിപ്പിക്കുന്നത്.
വാര്ഷികപൊതുയോഗം അവസാനിച്ചശേഷമായിരിക്കും തിരഞ്ഞെടുപ്പു നടപടിക്രമങ്ങള് തുടങ്ങുന്നത്. രാത്രി വൈകിയേ തിരിഞ്ഞെടുപ്പ് ഫലം പുറത്തുവരികയുള്ളൂ.