Categories

പരസ്യം വേണ്ടെന്ന് കമലും രജനിയും

ഇട്ടുമൂടാന്‍ പണം തരാമെന്ന് പറഞ്ഞാലും പരസ്യചിത്രങ്ങളില്‍ അഭിനയിക്കില്ലെന്ന് കോളിവുഡ് സൂപ്പര്‍സ്റ്റാറുകളായ രജനീകാന്തും കമലഹാസനും. ലക്ഷങ്ങളും കോടികളും വാഗ്ദാനം നല്‍കി നാഷണല്‍, ഇന്റര്‍നാഷണല്‍ ബ്രാന്‍ഡുകളും ഇവരുടെ വീടിനു മുന്നില്‍ ക്യൂനില്‍ക്കുന്ന സാഹചര്യത്തിലാണ് താരരാജാക്കന്‍മാരുടെ ഈ പ്രഖ്യാപനം. കോടികള്‍ വാദ്ഗാനം നല്‍കി പരസ്യചിത്രങ്ങളിലേക്ക് കരാര്‍ ചെയ്യാന്‍ വേണ്ടിയെത്തുന്നവരെ കാണാന്‍ പോലും ഇവര്‍ തയ്യാറാവുന്നില്ലെന്നാണ് അറിയുന്നത്.

പഴയ കാലത്തെല്ലാം പരസ്യചിത്രങ്ങളില്‍ അഭിനയിച്ചിരുന്നത് മോഡലുകളായിരുന്നു. എന്നാല്‍ പരസ്യമാര്‍ക്കറ്റില്‍ താരങ്ങള്‍ക്കാണ് ഇപ്പോള്‍ ഡിമാന്റ്. മമ്മൂട്ടി, മോഹന്‍ലാല്‍, പൃഥ്വിരാജ്, അമിതാഭ് ബച്ചന്‍, അഭിഷേക് തുടങ്ങിയ പ്രമുഖരെല്ലാം കോടികളാണ് ഓരോ വര്‍ഷത്തിലും പരസ്യചിത്രങ്ങളിലൂടെ നേടുന്നത്. പരസ്യങ്ങളുടെ കാര്യത്തില്‍ നടിമാരും ഒട്ടും പിറകിലല്ല. സൂപ്പര്‍ താരങ്ങളെ ലഭിക്കാന്‍ എത്ര പൈസ വേണമെങ്കിലും എറിയാന്‍ കമ്പനികള്‍ തയ്യാറുമാണ്. ഈ സാഹചര്യത്തിലാണ് കമലും രജനിയും ആ പണം വേണ്ടെന്ന് പറഞ്ഞ് പരസ്യമായി രംഗത്തെത്തിയിരിക്കുന്നത്.

വിശ്വാസ്യതയും ധാര്‍മികയും നോക്കാതെ താരങ്ങള്‍ പരസ്യചിത്രങ്ങളില്‍ അഭിനയിക്കുന്നത് ഏറെ വിവാദങ്ങള്‍ക്ക് വഴിവെച്ചിരുന്നു. വൈകിട്ടെന്താ പരിപാടിയെന്ന് ചോദിച്ച് മോഹന്‍ലാല്‍ മദ്യക്കമ്പനിയുടെ പരസ്യത്തില്‍ പ്രത്യക്ഷപ്പെട്ടത് സുകുമാര്‍ അഴീക്കോട് പരസ്യമായി വിമര്‍ശിച്ചിരുന്നു. ആപ്പില്‍ എ ഡേ കണ്‍സ്ട്രക്ഷന്‍ കമ്പനിക്ക് വേണ്ടി ഗായിക ചിത്ര പരസ്യത്തില്‍ അഭിനയിച്ചതും മണിചെയിന്‍ കമ്പനിയായ നാനോ എക്‌സലിനുവേണ്ടി അവതാരിക രഞ്ജിനി ഹരിദാസ് പ്രത്യക്ഷപ്പെട്ടതും വിമര്‍ശനങ്ങള്‍ക്ക് വഴിവെച്ചിരുന്നു.

സിനിമകളില്‍ നിന്ന് തന്നെ ഓരോ വര്‍ഷവും കോടികള്‍ കൊയ്‌തെടുക്കുന്ന സൂപ്പര്‍താരങ്ങള്‍ മുന്നും പിന്നും നോക്കാതെ പരസ്യചിത്രങ്ങളിലൂടെ പണം കൊയ്യുന്നത് വിമര്‍ശിക്കപ്പെടേണ്ടത് തന്നെയാണ്. അങ്ങനെ നോക്കുമ്പോള്‍ കമലും രജനിയുമാണ് താരം.

5 Responses to “പരസ്യം വേണ്ടെന്ന് കമലും രജനിയും”

  1. JAI

    അതെ അവരാണ് താരം.. പരസ്യത്തില്‍ പറയുന്ന യാതൊരു ഗുണവും കാണിക്കാത്ത ഉത്പന്നങ്ങള്‍ക്ക് മോഡല്‍ ആയി നില്‍ക്കുന്നവര്‍ ഒരുതരത്തില്‍ പറഞ്ഞാല്‍ വഞ്ചന കുറ്റം ആണ് ചെയ്യുന്നത്.. അവരെ കണ്ടു നമ്മള്‍ ഉത്പന്നങ്ങള്‍ വാങ്ങി വഞ്ചിതരാകുന്നു

  2. Indian

    അതേ, അവരാണ് യദാര്‍ത്ഥ ഇന്ത്യന്‍സ്

  3. J.S. ERNAKULAM

    പരസ്യങ്ങളിലൂടെ ജനങ്ങളെ വഞ്ചിക്കുന്ന
    സിനിമ താരങ്ങള്‍ക്കെതിരെ വഞ്ചനാ
    കുറ്റത്തിന് കേസെടുക്കാന്‍
    സര്‍കാര്‍ തയ്യാറാകണം,!

  4. Manojkumar.R

    വളരെ നല്ല തീരുമാനം! നട്ടെല്ലുള്ള സിനിമാതാരങ്ങള്‍ തമിഴ് നാട്ടിലെങ്കിലും ഉണ്ടല്ലോ എന്ന് കരുതി നമുക്ക് അഭിമാനിക്കാം! നമ്മുടെ നാട്ടില്‍ പലരും പരസ്യത്തിന്റെ ബ്രാന്‍ഡ്‌ അമ്പസിടര്‍മരായി പണം കൊയ്യുകയാണ്.ഉല്പന്നങ്ങളുടെ മികവോ ഗുണനിലവാരമോ ഒന്നും ഇവര്‍ക്ക് പ്രശ്നമല്ല! പണം കിട്ടണം അത്ര മാത്രം! അതിനായി ഏതു വിധേനയും വേഷം കെട്ടാന്‍ ഇത്തരക്കാര്‍ റെഡി! തങ്ങള്‍ വെറും അഭിനേതാക്കള്‍ മാത്രം ആണെന്നും അതുകൊണ്ട് അങ്ങിനെയൊക്കെ ചെയ്യേണ്ടി വരുന്നു എന്നുമാണ് ഇവരുടെ ന്യായവാദം!കാശ് കിട്ടിയാല്‍ എന്തും അഭിനയിക്കും!അവരെ സംബന്ധിച്ച് നടന്‍ എന്നത് ഒരു ജോലി മാത്രമാണ്….കലാകാരന്‍ എന്നൊക്കെ പറയാന്‍ അവര്‍ ഇഷ്ടപ്പെടുന്നില്ല!…കലാകാരനായി ഇരുന്നാല്‍ സമൂഹത്തോട് ചില ഉത്തരവതിത്വങ്ങളൊക്കെ ഉണ്ടെന്നെങ്ങനും പറഞ്ഞാല്‍ അത് കുഴപ്പംയെങ്കിലോ എന്ന് ഭയന്നിട്ടനെന്നു തോന്നുന്നു ഇവരൊക്കെ ഇത്തരത്തില്‍ മുന്‍‌കൂര്‍ ജാമ്യം എടുക്കുന്നത്…വെറുതെയല്ലല്ലോ ഇവരൊക്കെ “വൈകീട്ടെന്താ പരിപടിയെന്നൊക്കെ” ചോദിക്കുന്നത്! .ഇതേ രീതിയില്‍ തന്നെ നമ്മുടെ ക്രിക്കര്രു താരങ്ങള്‍ക്കും തോന്നിയിരുന്നെങ്കില്‍!…അഭിനയ പ്രതിഭകള്‍ മാത്രമല്ല തങ്ങള്‍ യഥാര്‍ത്ഥ കലാകാരന്മാര്‍ കൂടിയാണെന്ന് രജനി കാന്തും കമലഹാസനും തെളിയിച്ചിരിക്കുന്നു!അഭിനന്ദനങ്ങള്‍!

  5. rajesh

    മമ്മൂട്ടിയേം ലാലിനെയും പോലെയുള്ള കള്ളനാണയങ്ങളെ ജനം തിരിച്ചറിയട്ടെ
    ഇവനൊക്കെ ഈ രംഗം വിട്ടാൽ പിന്നെ ഒരു പട്ടിപോലും തിരിഞ്ഞുനോക്കില്ല
    കമലും രജനിയുമൊക്കെ എന്നെന്നും നിലനിൽക്കും

LEAVE YOUR COMMENTS

Press ctrl+g to toggle between English and Malayalam.