Categories
boby-chemmannur  

മിളകുകൊടികള്‍

VS. Anilkumar's Keraleeyam Column, on school life

കേരളീയം/വി.എസ് അനില്‍കുമാര്‍

വിഖ്യാത കവിയും നൊബേല്‍ സമ്മാനശുപാര്‍ശിതനുമായ സച്ചിദാനന്ദന്‍ ‘പ്രവാസിശബ്ദം’ മാസികയുടെ ഓണപ്പതിപ്പില്‍ മറുനാടന്‍ മലയാളി എഴുത്തുകാരെക്കുറിച്ച് എഴുതിയ ലേഖനത്തിന്റെ പേരുകാണാഞ്ഞ് ഞാന്‍ ഗദ്ഗദകണ്ഠനും കോപാകുലനുമായിത്തീര്‍ന്നു. മറുനാട്ടിലൂടെ വിനോദയാത്ര പോയവരെപ്പോലും പരാമര്‍ശിച്ചിട്ടുണ്ട് എന്ന് കണ്ടതോടെ ഗദ്ഗദം പിന്നെ വലിയ വായിലുള്ള നിലവിളിയായി. ആരായാലും കരഞ്ഞുപോകും. സാര്‍,തന്നെ തന്നെ ആദ്യം പ്രതിഷ്ഠിച്ചുകൊണ്ട് വി.കെ.എന്‍,കാക്കനാടന്‍,ഒ.വി. വിജയന്‍,എം.മുകുന്ദന്‍ തുടങ്ങിയ ‘രണ്ടാംനിര’ എഴുത്തുകാരിലൂടെ ഡോണ മയൂര,ദേവസേന, നസീര്‍ എന്നിങ്ങനെയാണ് പട്ടികയുടെ നീളം. വിഖ്യാത മഹാകവിയുടെ ആ ലിസ്റ്റിലാണ് പെടാതെ പോയത്. കണ്ണുകളില്‍ നമ്മള്‍ സൂക്ഷിച്ചുവെച്ചിരിക്കുന്ന കണ്ണുനീരുകള്‍ പിന്നെ എന്തിനാണ്? കലങ്ങിയ കണ്ണുകളോടെ പട്ടിക ഒന്നുകൂടെ നോക്കി. ടി.പി രാജീവന്‍,മാങ്ങാട് രത്‌നാകരന്‍ എന്നിവരെയും കാണാനില്ല. സച്ചി,സച്ചി എന്നുപറഞ്ഞുകൊണ്ട് ദില്ലിയില്‍ കൂടെ കിടന്നവരല്ലേ. അവര്‍ കണ്ട രാപ്പനി അവര്‍ പറയട്ടെ.

സച്ചിദാനന്ദന്‍ SACHITHANANDANസച്ചിദാനന്ദന് എന്നെ അറിയായ്കയൊന്നുമുണ്ടാവില്ല. ഈ ലേഖനം വരുന്നതിന് കുറച്ച് മാസം മുമ്പ് കണ്ണൂര്‍ സര്‍വകലാശാലയുടെ ഒരു പരിപാടിക്ക് നീലേശ്വരം കാമ്പസില്‍ വെച്ചാണ് ജീവിതത്തില്‍ ആദ്യമായി മഹാകവിയെ ഞാന്‍ കാണുന്നത്. പരിചയപ്പെട്ടതോടെ അച്ഛനെക്കുറിച്ച് ചോദിച്ചു. അമ്മ കൊടുങ്ങല്ലൂരുണ്ടോ എന്ന് അന്വേഷിച്ചു. മുപ്പതു കൊല്ലം മുമ്പ് സുകുമാര്‍ അഴീക്കോടും ഇങ്ങനെയായിരുന്നു. ‘വിജയന് സുഖം തന്നെയല്ലേ അന്വേഷണം പറയണം’ എന്നുപറഞ്ഞ്, ഒരു പ്രത്യേകതരം ചിരിയോടെ കോഴിക്കോട് സര്‍വകലാശാലയില്‍ എനിയ്ക്ക് ഗവേഷണം ചെയ്യാന്‍ അനുമതി നിഷേധിച്ചു. ഗവേഷണങ്ങളുടെ ചരിത്രത്തില്‍ അതുവരെയോ അതിനുശേഷമോ ഇല്ലാത്ത ഒരു കാരണവും പറഞ്ഞു. ഗവേഷണത്തിന് അക്കൊല്ലം ഫ്രഷ് എം.എക്കാരെ എടുക്കുന്നില്ലത്രേ! ഇങ്ങനെയെന്തോ ചളിഞ്ഞ കാരണവും പറഞ്ഞ് എം.എ റഹ്മാനെയും സാംസ്‌കാരിക നായകന്‍ പുറത്താക്കി. റഹ്മാന്റെ ആദ്യത്തെ സിനിമ ലണ്ടന്‍ ഫിലിം ഫെസ്റ്റിവലില്‍ കാണിച്ചു. ഞാന്‍ എം.ഫില്‍ ചെയ്യാന്‍ മദിരാശിക്ക് വണ്ടികയറി. കാലിക്കറ്റ് സര്‍വകലാശാല വകുപ്പ് മേധാവിയുടെ തള്ളിക്കളയലാണ് മദിരാശി സര്‍വകലാശാലയില്‍ പഠിക്കാനുള്ള തീരുമാനമെടുത്തതിന് ഒരു കാരണം.

സ്വന്തം കവിത ഉദ്ധരിച്ച് താന്‍ കൊള്ളാവുന്നവനാ എന്ന് സച്ചിദാന്ദന് പറയാമെങ്കില്‍ ആണ്ടി വലിയ അടിക്കാരനാണെന്ന് ആണ്ടിക്കു തന്നെ വിളിച്ചു പറയാം.  അതില്‍ ഒരു ചമ്മല്‍ തോന്നേണ്ട കാര്യമൊന്നുമില്ല.

അങ്ങനെ ഞാന്‍ മദിരാശിയില്‍ എത്തുന്നു. ആദ്യ മഹാനഗരാനുഭവം ‘നഗരാന്തരം’ എന്ന പേരില്‍ ഒരു കഥയായി. പഠനത്തിന്റെ ഒരു വര്‍ഷം,അധ്യാപനത്തിന്റെ പന്ത്രണ്ടു വര്‍ഷം. രണ്ടും കൂടി പതിമൂന്നു വര്‍ഷം ഞാന്‍ മദിരാശിയിലുണ്ടായിരുന്നു. ഈ കാലത്താണ് ‘മദിരാശിപ്പിത്തലാട്ടം’ മുതല്‍ നമ്മള്‍ സാഹിത്യത്തിലറിയുന്ന നാട് ചെന്നൈയെന്ന പുതിയ പേര് സ്വീകരിച്ചത്. കരുണാനിധിയും ജയലളിതയും മാറി മാറി ഭരിച്ച ചെന്നൈയിലും തമിഴ്‌നാട്ടിലെ പല സ്ഥലങ്ങള്‍ കണ്ടുകൊണ്ടും ഞാന്‍ ഒരു വ്യാഴവട്ടത്തിലധികം അവിടെ ജീവിച്ചു. ശരിക്കും ജീവിച്ചു. എന്റെ ജീവിതത്തിനും കഥയെഴുത്തിനും മഹാനഗരവാസം പുതിയ ദിശാബോധം നല്‍കി.

സ്വന്തം കവിത ഉദ്ധരിച്ച് താന്‍ കൊള്ളാവുന്നവനാ എന്ന് സച്ചിദാന്ദന് പറയാമെങ്കില്‍ ആണ്ടി വലിയ അടിക്കാരനാണെന്ന് ആണ്ടിക്കു തന്നെ വിളിച്ചു പറയാം. വി.എസ് അനില്‍കുമാര്‍ വലിയൊരു പ്രവാസി എഴുത്തുകാരനാണെന്ന് അയാള്‍ക്കും വിളിച്ചു പറയാം. അതില്‍ ഒരു ചമ്മല്‍ തോന്നേണ്ട കാര്യമൊന്നുമില്ല. കാരണം ഇതൊക്കെ എല്ലാവര്‍ക്കും ബാധകമാണ്.

ധര്‍മ്മടം എന്ന ഗ്രാമത്തിലും മദിരാശി മഹാനഗരത്തിലും അടിസ്ഥാനപരമായി ജീവിതം സമാനമായ അനുഭവങ്ങള്‍ പങ്കിടുന്നുവെങ്കിലും അതിന്റെ പ്രകടനങ്ങളായ കാഴ്ചകളും ശബ്ദങ്ങളും മണങ്ങളുമെല്ലാം വ്യത്യസ്തതകള്‍ ഉണ്ടാക്കിത്തന്നുകൊണ്ടിരുന്നു. മുത്തഴകിയുടെ ഡാവുകള്‍, ടി.നഗറിലെ കൊതുകുകള്‍, കാവല്‍ക്കള്ളന്‍, എണ്ണിയെണ്ണിക്കുറയുന്നത്, വ്യംഗമില്ലാത്ത കാര്യങ്ങള്‍, പൂന്താനം, പ്രയാസപ്പങ്ക്, എന്തിന്റെയോ അഞ്ഞൂറു വര്‍ഷങ്ങള്‍, മറുപടി, മദ്ധ്യേയിങ്ങനെ കാണുന്ന നേരത്ത്… കരുണാമയനേ, സച്ചിദാനന്ദാ, തൃശൂര് ഭാഷയില്‍ പറഞ്ഞാല്‍ എന്തോരം കഥകളാ ഞാനെഴുതിക്കൂട്ട്യേ…! പിന്നെ നഗരതുയരം,നഗരമഴ എന്നിങ്ങനെ ഞാനാദ്യം കവിതയില്‍ കൈ വെച്ചതും ചെന്നൈയില്‍ വെച്ചുതന്നെ. നോവലെറ്റുകള്‍, യാത്രാവിവരണങ്ങള്‍, ലേഖനങ്ങള്‍, അനുവക്കുറിപ്പുകള്‍ ഞങ്ങടെ വടക്കന്‍ ഭാഷയില്‍ പറഞ്ഞാല്‍ ഊയ്യെന്റെമ്മേ, ഇദ് തൊപ്പനെ ഇണ്ടല്ലോ എന്നാവും.

ഞാനാരാ മോന്‍! മദിരാശി പ്രവര്‍ത്തനതട്ടകമായ, ഇപ്പോഴത്തെ സി.ഐ.ടി.യു. അഖില്യോ പ്രസിഡന്റ എ.കെ. പത്മനാഭന്‍ എന്ന എ.കെ.പി., ആദ്യം കണ്ടപ്പോള്‍ പറഞ്ഞു. ‘മദിരാശിയുടെചില മുക്കും മൂലയും എഴുതുന്നയാളെ കാണാനിരിക്കുകയായിരുന്നു.’ അതൊരു നല്ല അഭിനന്ദനമായി ഞാന്‍ സൂക്ഷിച്ചുവെച്ചു. പുസ്തകങ്ങളും ആഴ്ചപ്പതിപ്പുകളും വായിക്കും എന്നൊരു ദോഷം എ.കെ.പി.ക്ക് ഉണ്ടായിരുന്നു.

അന്നൊക്കെ നല്ലതണ്ടും തടിയുമുണ്ടായിരുന്നതുകൊണ്ട് ഈ ആണ്ടി വിവര്‍ത്തനത്തിലും സര്‍വ്വശക്തമായി കൈവയ്ക്കുകയുണ്ടായി. ഞാനും കൂട്ടുകാരനായ ബാലു എന്ന ഭാരതീപുത്രനും ചേര്‍ന്ന് കവിതാവിവര്‍ത്തനത്തില്‍ ഏര്‍പ്പെട്ടു. ഇന്ദ്രന്‍, പഴമലൈ, ഭാരതീപുത്രന്‍, മനുഷ്യപുത്രന്‍, കല്ല്യാണ്‍ജി, തുടങ്ങിയ കവികളുടെ കവിതകള്‍ മലയാളത്തിലേക്ക് മൊഴിമാറ്റം നടത്തുകയുണ്ടായി. അതുപോലെ മലയാളത്തിലെ പതിനഞ്ചു കവികളുടെ മുപ്പതു കവിതകള്‍ തമിഴിലേക്ക് വിവര്‍ത്തനം ചെയ്ത് ‘മിളകുകൊടികള്‍’ എന്ന പേരില്‍ 1991ല്‍ ഒരു പുസ്തകമിറക്കുകയുണ്ടായി.

‘മിളകുകൊടികള്‍’ എന്നാല്‍ കുരുമുളകു വള്ളികള്‍ എന്നര്‍ത്ഥം. മലയാള കവിതയാകുമ്പോള്‍ ഈ പേരാണ് നല്ലത് എന്ന് ബാലുവാണ് പറഞ്ഞത്. തമിഴിലെ മിക ആക്ഷേപഹാസ്യകവിയായ മീരാ എന്ന മി. രാജേന്ദ്രന്റെ അന്നം പതികമാണ് പുസ്തകം പ്രസിദ്ധീകരിച്ചത്. ഇതാ, 2011ല്‍ അതിന് രണ്ടാം പതിപ്പും വന്നു. മുഖിത്രം വരഞ്ഞത് ആദിമൂലം.

Azheekode, സുകുമാര്‍  അഴീക്കോടു എ. അയ്യപ്പന്‍, ബാലചന്ദ്രന്‍ ചുള്ളിക്കാട്, രാവുണ്ണി, ഉമേഷ് ബാബു.കെസി., സാവിത്രി രാജീവന്‍, കുരീപ്പുഴ ശ്രീകുമാര്‍,ടി.പി. രാജീവന്‍, വിജയലക്ഷ്മി, ജോസ് വെമ്മേലി, അനിതാ തമ്പി, അന്‍വര്‍ അലി, മണമ്പൂര്‍ രാജന്‍ ബാബു, മാങ്ങാട് രത്‌നാകരന്‍, നാലപ്പാടം പത്മനാഭന്‍, സനില്‍ദാസ് ഐ.സി. എന്നിവരുടെ രണ്ടുവീതം കവിതകള്‍ മുഴുവന്‍ വിവര്‍ത്തനം ചെയ്യാന്‍ രണ്ടു വര്‍ഷം വേണ്ടി വന്നു. ഇത്രയും നീണ്ടുപോയതിനു പലകാരണങ്ങള്‍ ഉണ്ട്. ഇടയിലുള്ള ദീര്‍ഘവും ഹ്രസ്വവുമായ ഒഴിവുകാലങ്ങള്‍, മൂന്നു മാസം നീണ്ടു നിന്നു ഒരു അധ്യാപക സമരം, വിവര്‍ത്തനത്തിനിടയിലെ അസ്വാരസ്യങ്ങള്‍ അങ്ങനെ പലതും. സമരത്തില്‍ ഞാന്‍ സമരക്കാരനും ബാലു സമര വിരുദ്ധനുമായിരുന്നു. അതുകൊണ്ട് ആ കാലങ്ങളില്‍ കൂടിച്ചേരാന്‍ കഴിഞ്ഞില്ല.

വിവര്‍ത്തനത്തിലെ അനേകമായ പൊല്ലാപ്പുകളെ നേരിട്ടറിഞ്ഞ ദിവസങ്ങളാണവ. ഓരോ വാക്കും പറഞ്ഞ് വിശദീകരിച്ച് തത്തുല്യമായ തമിഴ് വാക്ക് കണ്ടുപിടിച്ചുകൊണ്ടാണ് മുന്നോട്ടു പോയിരുന്നത്.ചില നേരങ്ങളില്‍ ചില വാക്കുകളില്‍ ഞങ്ങള്‍ ഉടക്കും. ഒരുതരത്തിലുള്ള ഒത്തുതീര്‍പ്പിനും രണ്ടു പേരും തയ്യാറാവില്ല. പണി നിലയ്ക്കും. ചിലപ്പോള്‍ മൊഴിമാറ്റം നിര്‍ത്തി ചര്‍ച്ചയാവും, ജീവിതത്തെക്കുറി്ച്ച്,സാഹിത്യത്തെക്കുറിച്ച്. മലയാളത്തേയും കേരളത്തേയും ബാലു വല്ലാതെ സ്‌നേഹിച്ചു.

സമാനമായ വാക്കുകള്‍ വ്യത്യസ്തമായ അര്‍ത്ഥത്തെക്കുറിക്കുന്നതു ശ്രദ്ധിക്കണം. വ്യവസായം തമിഴില്‍ കൃഷിയാണ്. അട്ടഹാസമായി കൊണ്ടാടി എന്നാല്‍ കോലാഹലമായി എന്നോ ഗംഭീരമായി എന്നോ അര്‍ത്ഥം. തമിഴില്‍ തിരിസൊല്‍, ഇയര്‍സൊല്‍ എന്ന് രണ്ടുവിധം വാക്കുകള്‍ ഉണ്ട്. എല്ലാവര്‍ക്കും മനസ്സിലാവുന്നത് ഇയര്‍സൊല്‍. കവിതയിലും സാഹിത്യത്തിലും മാത്രം കാണാവുന്നത് തിരിസൊല്‍. തമിഴില്‍ കിളിയെന്നാല്‍ തത്തയാണ്. കിളി എല്ലാവര്‍ക്കും മനസ്സിലാവും. തത്ത കവിതയിലേകാണൂ. അതുപോലെ കടല്‍ ഇയര്‍സൊല്ലും ആഴി തിരിസൊല്ലുമാണ്. വേലിയിറക്കം എന്ന വാക്ക് അതുപോലെ തമിഴില്‍ ഉപയോഗിക്കാം. പക്ഷെ എല്ലാവര്‍ക്കും മനസ്സിലാവില്ല. കാരണം വേലി (സമുദ്രം)എന്ന വാക്ക് പഴയ തമിഴില്‍ ഉള്ളതും ഇപ്പോള്‍ അധികം പേര്‍ക്ക് അറിയാത്തതുമായ വാക്കാണ്. തമിഴും മലയാളവും വളരെ അടുത്തു കിടക്കുന്നെങ്കിലും വിവര്‍ത്തനത്തില്‍ ഒരുപാട് തടസ്സങ്ങള്‍ കിടക്കുന്നുണ്ട്. ചില ദിവസങ്ങളില്‍ ഞങ്ങള്‍ തല്ലിപ്പിരിഞ്ഞു. എങ്കിലും മൃച്ഛകടികത്തിലെ കള്ളന്‍ ബ്രാഹ്മണന്‍ പറഞ്ഞപോലെ ‘പുലരുമ്പോള്‍ ആരും കുറ്റം പറയാത്ത രീതിയില്‍’ ഞാനും ബാലുവും പുസ്തകമിറക്കി.

കെ. സി. നാരായണന്‍ ഒരു കഥ പറയും. മാതൃഭൂമി ആഴ്ചപ്പതിപ്പില്‍ ഒരു വിഖ്യാതന്റെ ആത്മകഥ വരുന്നു. ഇന്നത്തെപ്പോലെ ഡി.ടി.പിയൊന്നുമല്ല. അു നിരത്തലാണ്. ഒന്നാം അദ്ധ്യായത്തിന്റെ നാലാം പേജ് ആയപ്പോഴേക്കും കമ്പോസിറ്റര്‍ ചേട്ടന്‍ വന്നു പറഞ്ഞുവത്രെ.: ‘സര്‍, ‘ഞ’ തീര്‍ന്നു പോയി.’ അത്രയധികം ‘ഞാന്‍’ വാചകങ്ങളിലുണ്ടായിരുന്നു എന്നര്‍ത്ഥം. ഇവിടെയും ഡി.ടി.പി. അല്ലെങ്കില്‍ ‘ഞ’ തീര്‍ന്നു പോയേനെ. അതില്‍ വലിയ കുറ്റവും കുറവും കാണേണ്ടതില്ല.

വെറുതെ ഒരാള്‍ കയറി നമ്മളെയൊക്കെ ചരിത്രത്തില്‍ നിന്ന് പുറത്താക്കാന്‍ നോക്കുമ്പോഴാണല്ലോ, ഈ ‘ഞ’ എഴുന്നേറ്റു നിന്ന് അതിനെ തടുക്കുക. അതുവേണം. തടുക്കണം, വേണമെങ്കില്‍ തല തിരിച്ചിടണം, തകര്‍ക്കണം. അല്ലെങ്കില്‍ പിന്നെ ഭാഷയിലെന്തിനാണൊരു ‘ഞ’?

Related article:

അഞ്ച് കാലുള്ള അദ്ധ്യാപകന്‍

കടപ്പാട്: മലയാളനാട്‌

Key Words: Milakukodikal VS Anilkumars article Keraleeyam, Sachithanandan,Sachi mash, Azheekode, Sukumar Azhikode, Cultural Criticism, V S Anilkumar

Malayalam News

Kerala News in English

Tagged with:

Warning: include(comments_old.php) [function.include]: failed to open stream: No such file or directory in /home/kerala/public_html/wp-content/themes/swap_responsive_new/comments.php on line 1

Warning: include(comments_old.php) [function.include]: failed to open stream: No such file or directory in /home/kerala/public_html/wp-content/themes/swap_responsive_new/comments.php on line 1

Warning: include() [function.include]: Failed opening 'comments_old.php' for inclusion (include_path='.:/usr/lib/php:/usr/local/lib/php') in /home/kerala/public_html/wp-content/themes/swap_responsive_new/comments.php on line 1
ചാനല്‍ ചര്‍ച്ചക്കിടെ കിസ് ഓഫ് ലവ് പ്രവര്‍ത്തകര്‍ക്കു നേരെ യുവമോര്‍ച്ച കയ്യേറ്റശ്രമം

കൊച്ചി: മാതൃഭൂമി ചാനലിലെ  ചര്‍ച്ചക്കിടെ കിസ് ഓഫ് ലവ് പ്രവര്‍ത്തകര്‍ക്കുനേരെ യുവമോര്‍ച്ച പ്രവര്‍ത്തകര്‍ കയ്യേറ്റശ്രമം നടത്തി. ക്യാമറയ്ക്ക് മുമ്പില്‍ വെച്ച് പരിപാടി ഷൂട്ട് ചെയ്തു കൊണ്ടിരിക്കുന്നതിനിടെ ആണ് സംഭവം. പരിപാടിയില്‍ പങ്കെടുത്ത ഡീന്‍ കുര്യാക്കോസ് ഉള്‍പ്പെടെ ഉള്ള നേതാക്കള്‍ക്ക് മുമ്പില്‍ വെച്ചായിരുന്നു യുവമോര്‍ച്ച 'സദാചാര പോലീസ്' ആകാന്‍ ശ്രമം നടത്തിയത്. ക്യാമറക്ക് മുന്നില്‍ വെച്ച് പരസ്യമായി ചുംബിക്കാന്‍ ധൈര്യമുണ്ടോ എന്ന ചാനല്‍ അവതാരകയുടെ ചോദ്യത്തെത്തുടര്‍ന്ന് ചര്‍ച്ചയില്‍ പങ്കെടുത്ത രാഹുല്‍ ഭാര്യ രശ്മിക്ക്  കവിളത്ത് ചുംബനം നല്‍കിയതിനെ തുടര്‍ന്നാണ്  യുവമോര്‍ച്ചയുടെ കയ്യേറ്റ ശ്രമം ഉണ്ടായത്. വെറുതെ വിടില്ല ആക്രോശത്തോടുകൂടിയായിരുന്നു ഇവര്‍ പ്രവര്‍ത്തകര്‍ക്കുനേരെ ഇവരുടെ ആക്രമം. ഇവര്‍ക്കു നേരെ കോണ്‍ഗ്രസ് പ്രവര്‍ത്തകരും മുമ്പ് അക്രമണമഴിച്ചു വിട്ടിരുന്നു.

കോടതി വിധിയെ നിയമപരമായി നേരിടും : ഉമ്മന്‍ചാണ്ടി

തിരുവനന്തപുരം: ബാര്‍ കേസില്‍ സിംഗിള്‍ ബഞ്ച് വിധിക്കുണ്ടായ ഹൈക്കോടതിയുടെ സ്‌റ്റേ സര്‍ക്കാര്‍ നിയമപരമായി നേരിടുമെന്ന് മുഖ്യമന്ത്രി ഉമ്മന്‍ചാണ്ടി. സിംഗിള്‍ ബഞ്ച് വിധി സ്‌റ്റേ ചെയ്ത ഹൈക്കോടതി വിധി സര്‍ക്കാരിന് തിരിച്ചടിയായെന്ന വാദങ്ങളോട് പ്രതികരിക്കുകയായിരുന്നു അദ്ദേഹം. കോടതി വിധി സര്‍ക്കാരിന് തിരിച്ചടിയല്ല. അതു പോലെ വിമര്‍ശനത്തില്‍ ഭയമില്ലെന്നും മദ്യനയത്തില്‍ സര്‍ക്കാരിന് ഉറച്ച ബോധ്യമുണ്ടെന്നും ഉമ്മന്‍ചാണ്ടി കൂട്ടിച്ചേര്‍ത്തു. ഇന്നലെയാണ് 250 ബാറുകള്‍ അടച്ചു പൂട്ടാനുള്ള സിംഗിള്‍ ബഞ്ച് വിധി വന്നത്. സര്‍ക്കാരിന്റെ മദ്യനയത്തെ ഭാഗികമായി മാത്രം അംഗീകരിക്കുന്നതായിരുന്നു ഈ വിധി. ഇതേ തുടര്‍ന്ന് ബാറുകള്‍ അടച്ചു പൂട്ടാനുള്ള നടപടികള്‍ സര്‍ക്കാര്‍ ആരംഭിച്ചിരുന്നു. സിംഗിള്‍ ബഞ്ച് വിധിക്കെതിരെ ബാറുടമകള്‍ സമര്‍പ്പിച്ച ഹരജിയിലാണ് ഹൈക്കോടതി വിധി പറഞ്ഞത്. അതേസമയം സിംഗിള്‍ ബഞ്ച് തീരുമാനത്തെതുടര്‍ന്ന് പൂട്ടിയ ബാറുകള്‍ വീണ്ടും തുറന്നുതുടങ്ങി.

സീറ്റ് വിഭജന തര്‍ക്കം: ജാര്‍ഖണ്ഡില്‍ കോണ്‍ഗ്രസ്-ജെ.എം.എം സഖ്യം പിരിഞ്ഞു

റാഞ്ചി: രാഷ്ട്രീയ കൂടുമാറ്റങ്ങളുടെ സ്ഥിരം വേദിയായ ജാര്‍ഖണ്ഡില്‍ വീണ്ടും മുന്നണി തകര്‍ച്ച. സീറ്റ് വിഭന തര്‍ക്കത്തെ തുടര്‍ന്ന് കോണ്‍ഗ്രസ്-ജെ.എം.എം പിരിഞ്ഞു. നവംബറില്‍ വരാനിരിക്കുന്ന നിയമസഭാ തിരഞ്ഞെടുപ്പില്‍ ആകെയുള്ള 81 സീറ്റിലും ഒറ്റക്ക് മത്സരിക്കാനാണ് ഇരു പാര്‍ട്ടികളുടെയും തീരുമാനം. ദല്‍ഹിയില്‍ വച്ച് നിരവധി ഒത്ത് തീര്‍പ്പ് ചര്‍ച്ചകള്‍ നടന്നിരുന്നെങ്കിലും സഖ്യം പിരിയാന്‍ തീരുമാനമാകുകയായിരുന്നു. അവസാന നിമിഷം കോണ്‍ഗ്രസ് തങ്ങളെ ചതിച്ചതാണെന്ന് സഖ്യം പിരിഞ്ഞു കൊണ്ട് ജെ.എം.എം നേതാവും ജാര്‍ഖണ്ഡ് മുഖ്യമന്ത്രിയുമായ ഹേമന്ത് സോറന്‍ പറഞ്ഞു. ചര്‍ച്ചക്കിടെ 45 സീറ്റ് ആവശ്യപെട്ടതിനു പുറമെ മറ്റ് കക്ഷികളായ ജെ.ഡി.യു,ആര്‍.ജെ.ഡി എന്നിവരെ ബാക്കി വരുന്ന 36 സീറ്റുകളില്‍ ഉള്‍പെടുത്താനും കോണ്‍ഗ്രസ് ആവശ്യപെട്ടിരുന്നു.കോണ്‍ഗ്രസിന്റെ ഈ ആവശ്യത്തെ ജെ.എം.എം നിരാകരിച്ചിരുന്നു. കൂടാതെ ജംതാര,ഘട്‌സില,പാകുര്‍ എന്നീ സീറ്റുകള്‍ കോണ്‍ഗ്രസിന് വിട്ടു കൊടുക്കാനും ജെ.എം.എം തയാറായിരുന്നില്ല. മഹാരാഷ്ട്ര, ഹരിയാന തിരഞ്ഞെടുപ്പുകളുടെ പശ്ചാത്തലത്തില്‍ സംസ്ഥാനത്ത് ഒറ്റക്ക് മത്സരിക്കണമെന്ന നിലപാടിലായിരുന്നു ജാര്‍ഖണ്ഡിലെ കോണ്‍ഗ്രസ് നേതാക്കള്‍.ശിവസേന, ഐ.എന്‍.എല്‍.ഡി എന്നീ കക്ഷികളെ പോലെ ജനങ്ങള്‍ പ്രാദേശിക കക്ഷികളെ തള്ളിക്കളയും എന്ന വിലയിരുത്തല്‍ ആണ് ബി.ജെ.പി ക്കെതിരെ ഒറ്റക്ക് മത്സരിക്കാന്‍ കോണ്‍ഗ്രസിനെ പ്രേരിപ്പിച്ചത്. അതേ സമയം ബാബുലാല്‍ മറാണ്ടിയുടെ ജാര്‍ഖണ്ഡ് വികാസ് മോര്‍ച്ച, ജെ.ഡി.യു, ആര്‍.ജെ.ഡി എന്നീ കക്ഷികളെ കൂടെ കൂട്ടാന്‍ കോണ്‍ഗ്രസില്‍ തീരുമാനമായിട്ടുണ്ട്. കഴിഞ്ഞ ലോകസഭാ തിരഞ്ഞെടുപ്പില്‍ കനത്ത പരാജയമാണ് കോണ്‍ഗ്രസ് നേരിട്ടിരുന്നത്. ആകെയുള്ള 14 സീറ്റില്‍ 12 ഉം ബി.ജെ.പി നേടിയിരുന്നു.

ഹൈക്കോടതി വിധി ജനതാല്‍പര്യ വിരുദ്ധം: വി.എം സുധീരന്‍

തിരുവനന്തപുരം: ബാറുകള്‍ പൂട്ടാനുള്ള സിംഗിള്‍ ബഞ്ച് വിധി സ്റ്റേ ചെയ്തുകൊണ്ടുള്ള ഹൈക്കോടതി വിധി ജനതാല്‍പര്യ വിരുദ്ധമാണെന്ന് കെ.പി.സി.സി അധ്യക്ഷന്‍ വി.എം സുധീരന്‍ അഭിപ്രായപ്പെട്ടു. മദ്യനയം നടപ്പിലാക്കേണ്ടത് സര്‍ക്കാരിന്റെ ഉത്തരവാധിത്വമാമെന്നും. അതിനായി സര്‍ക്കാര്‍ആവശ്യമായ നടപടികള്‍ സ്വീകരിക്കണമെന്നും സുധീരന്‍ കൂട്ടിച്ചേര്‍ത്തു. 250 ബാറുകള്‍ പൂട്ടിക്കൊണ്ടുള്ള സിംഗിള്‍ ബഞ്ചിന്റെ വിധിയാണ് ഹൈക്കോടതി ഡിവിഷന്‍ ബഞ്ച് സ്്‌റ്റേ ചെയ്തത്. ഇതുപ്രകാരം 250 ബാറുകള്‍ക്കും ഒരുമാസത്തേക്ക് പ്രവര്‍ത്തിക്കാം. സിംഗിള്‍ ബഞ്ചിന്റെ വിധിയെതുടര്‍ന്നുള്ള നടപടിക്രമങ്ങള്‍ സര്‍ക്കാര്‍ ആരംഭിച്ചിരുന്നു. ഈ അവസരത്തിലാണ് ഹൈക്കോടതിയുടെ വിധി. അതേ സമയം കോടതി വിധി തിരിച്ചടിയാണെന്ന് എക്‌സൈസ് മന്ത്രി കെ.ബാബു പറഞ്ഞു.