മുംബൈ: ജോണ് എബ്രഹാമിനെക്കുറിച്ച നിങ്ങള്ക്കെന്തറിയാം? നല്ല സുന്ദരമായ ചിരിയുള്ള, കാണാന് കൊള്ളാവുന്നു ഒരു ചെറുപ്പക്കാരന്, ബിപാഷാ ബസുവിന്റെ കാമുകന്, അല്പ്പം മലയാളി ബന്ധമൊക്കെയുണ്ട്. അപ്പവും മീന്കറിയും പുട്ടും പഴവുമൊക്കെ ഈ യുവാവിന് ഇഷ്ടമാണ്… ബൈക്കും ഫുട്ബോള് കളിയും ഇദ്ദേഹത്തിന് ജീവന്റെ ജീവനാണ്. പിന്നെയെന്തൊക്കെ അറിയാം. ഹൂം… പെണ്കുട്ടികളുടെ കണ്ണിലുണ്ണി. അങ്ങിനെ പോകുന്നു ജോണ് എബ്രഹാമിന്റെ ഗുണഗണങ്ങള്.
ജോണ് പോലുമറിയാതെ ഒരു കലാകാരന് ആ യുവാവിന്റെ ഉള്ളില് ഉറങ്ങിക്കിടക്കുന്ന കാര്യം ആരും അറിഞ്ഞില്ല. തന്റെ ഏറ്റവും പുതിയ ചിത്രമായ ഝൂട്ടാ ഹി സഹിയുടെ സെറ്റിലാണ് ചെക്കന് താന് ഒരു കലാകാരനാണ് എന്ന് മനസിലാക്കിയത്. ജോണിന്റെ കഥാപത്രത്തെക്കുറിച്ച് സംവിധായകന് അബ്ബാസ് ടൈറേവാല പറഞ്ഞു കൊടുക്കുകയായിരുന്നു. ചെറിയ കടലാസില് ജോണ് തന്റെ കഥാപാത്രത്തെ വരച്ചു, അതില് ഒരോ ഭാവങ്ങള് പാകത്തിനു ചേര്ത്തു. ചര്ച്ചയ്ക്കു ശേഷം താന് കുത്തികോറിയിട്ട ചിത്രം കണ്ട് ജോണ് പോലും ഞെട്ടിയത്രെ. അത്രയ്ക്കും മനോഹരമായിരുന്നു കഥപാത്രത്തിന്റെ സ്കെച്ചെന്നാണ് അബ്ബാസിന്റെ വാദം. ചിത്രത്തിന് ഉടന് തന്നെ പേരുമിട്ടു അബ്ബാസ്, ഝൂട്ടാ ജോണ്.
അപ്രതീക്ഷതമായാണ് തന്റെയീ കഴിവ് പുറത്തു വന്നതെന്ന് ജോണ്. കഴിഞ്ഞ കുറെ വര്ഷങ്ങളായി താന് ചെയ്യുന്ന സെക്സി കഥാപാത്രങ്ങളുമായി യാതൊരു ബന്ധവുമില്ലാത്തയാളാണ് ഝൂട്ടാ ഹി സഹിയില നായകനായ സിദ്ദ്. തമാശയിഷ്ടപ്പെടുന്ന, കുറെ കൂട്ടുകാരുള്ള യുവാവാണ് സിദ്ദ്. എന്നാല് വരച്ചുവന്നപ്പോള് ചിത്രത്തിലെ കഥാപാത്രം തന്നെക്കാള് സുന്ദരനായെന്ന് പറയാന് ജോണിന് മടിയില്ല.
സ്കെച്ച് കോമിക് സീരീസായി കൊണ്ടുവരാനുള്ള ചര്ച്ചകളും നടക്കുണ്ട്. എന്നാല് അതൊക്കെ സംസാരിക്കാന് ഇനിയും നേരമുണ്ടെന്നാണ് ഈ ക്യൂട് സ്റ്റാറിന്റെ മറുപടി.