Categories
boby-chemmannur  

വി.എസ്. കൂടം കുളത്തേയ്ക്കില്ല; സാമുവല്‍ രാജ്

Tamil Nadu untouchabilit Eradication front

സാമുവല്‍ രാജ്/മനേഷ്

 സി.പി.ഐ.എം പാര്‍ട്ടി കോണ്‍ഗ്രസ് പാര്‍ട്ടി നേതാക്കള്‍ ഒത്തുചേരുന്ന വേദി മാത്രമല്ല വിവിധ സംസ്ഥാനങ്ങളില്‍ ജനകീയ പോരാട്ടങ്ങള്‍ക്ക് നേതൃത്വം നല്‍കുന്നവരുടെ സംഗമ സ്ഥലം കൂടിയാണ്. തമിഴ്‌നാട്ടില്‍ ജാതിവിരുദ്ധ പോരാട്ടങ്ങള്‍ക്ക് നേതൃത്വം നല്‍കിയ നേതാവാണ് സാമുവല്‍ രാജ്. സി.പി.ഐ.എം-ന്റെ നേതൃത്വത്തിലുള്ള തമിഴ്‌നാട് അണ്‍ടച്ചബിലിറ്റി ഇറാഡിക്കേഷന്‍ ഫ്രണ്ടിന്റെ ജനറല്‍സെക്രട്ടറി കൂടിയായ സാമുവല്‍ രാജ്,   തമിഴ്‌നാട്ടില്‍ ഇപ്പോഴും നിലനില്‍ക്കുന്ന ജാതി വിവേചനങ്ങളെക്കുറിച്ചും അതിനെതിരെ നടക്കുന്ന പോരാട്ടങ്ങളെക്കുറിച്ചും ഒപ്പം മുല്ലപ്പെരിയാര്‍, കൂടുംകുളം വിഷയങ്ങളെക്കുറിച്ചും അദ്ദേഹം ഡൂള്‍ന്യൂസ് പ്രതിനിധി മനേഷുമായി സംസാരിക്കുന്നു.

തമിഴ്‌നാട് അണ്‍ടച്ചബലിറ്റി ഇറാഡിക്കേഷന്‍ ഫ്രണ്ട് രൂപീകരിക്കാനുണ്ടായ സാഹചര്യം എന്താണ്?

2008 മെയില്‍ സി.പി.ഐ.എമ്മിന്റെ നേതൃത്വത്തില്‍ സാമൂഹിക നീതി ഉറപ്പുവരുത്തുന്നതിനായി സ്ഥാപിച്ചതാണ് തമിഴ്‌നാട് അണ്‍ടച്ചബലിറ്റി ഇറാഡിക്കേഷന്‍ ഫ്രണ്ട്. തമിഴ്‌നാട്ടിലെ പട്ടിക ജാതി/പട്ടിക വര്‍ഗ്ഗ ജനവിഭാഗങ്ങളുടെ അവസ്ഥ ഇന്നും പരിതാപകരമാണ്. അണ്‍ടച്ചബലിറ്റി ഇറാഡിക്കേഷന്‍ ഫ്രണ്ട് എന്ന സംഘടന ആദ്യം ചെയ്തത് പട്ടിക ജാതി/പട്ടിക വര്‍ഗ ജനവിഭാഗങ്ങള്‍ നേരിടുന്ന ജാതീയമായ അടിച്ചമര്‍ത്തലുകളും വേര്‍തിരിവുകളും നേരിട്ടുമനസ്സിലാക്കി. അവര്‍ നേരിടുന്ന യഥാര്‍ഥ വിഷയങ്ങള്‍ തിരിച്ചറിയുകയും അതിന്റെ വ്യാപ്തി എത്രത്തോളം ഉണ്ടെന്ന് മനസ്സിലാക്കുന്നതിനു വേണ്ടി 22 ജില്ലകളിലായി ഞങ്ങള്‍ ഒരു സര്‍വേ നടത്തുകയുണ്ടായി. ആ സര്‍വേ ഫലം ഞെട്ടിക്കുന്നതായിരുന്നു. തമിഴ്‌നാട്ടില്‍ ഇന്നും എണ്‍പത്തിരണ്ടോളം വിവിധ ജാതീയ അയിത്തങ്ങള്‍ നിലനില്‍ക്കുന്നതായി ഞങ്ങള്‍ക്ക് കണ്ടത്താന്‍ കഴിഞ്ഞു. അതോടൊപ്പം തന്നെ പുറംലോകം അറിയാത്ത ജതീയമായിട്ടുള്ള ഒരുപാട് കുറ്റകൃത്യങ്ങളും അടിച്ചമര്‍ത്തലുകളും കണ്ടെത്തുകയുണ്ടായി. ഇത്തരം വ്യവസ്ഥിതിയെ ഇല്ലായ്മ ചെയ്യുകയെന്ന ഉദ്ദേശത്തോടെയാണ് ഈ സംഘടന രൂപീകരിച്ചത്.

uthapoor caste wall

അണ്‍ടച്ചബലിറ്റി ഇറാഡിക്കേഷന്‍ ഫ്രണ്ടിന്റെ പ്രവര്‍ത്തനം വിജയപ്രദമായിരുന്നോ?

സംഘടനയുടെ ഏറ്റവും വലിയ വിജയമായി ഞങ്ങള്‍ കാണുന്നത് മധുരയ്ക്കടുത്തുള്ള ഉദ്ദവ്പൂരിലെ ജാതി മതില്‍ പൊളിക്കാന്‍ കഴിഞ്ഞു എന്നതാണ്. ദളിതര്‍ പ്രവേശിക്കാതിരിക്കാന്‍ വേണ്ടി റോഡിനു കുറുകെ നിര്‍മ്മിച്ച ഏകദേശം ഒന്നര കിലോമീറ്റര്‍ നീളവും പന്ത്രണ്ടടി ഉയരവുമുള്ള ഒരു മതിലായിരുന്നു ഇത്. ഈ മതില്‍ ദളിതരായ ജനവിഭാഗങ്ങളെ പൊതു നിരത്തിലേയ്ക്ക് പോലും പ്രവേശിക്കുന്നതിനെ തടഞ്ഞിരുന്നു. ഞങ്ങള്‍ പ്രാദേശിക ഭരണകൂടത്തിനും സംസ്ഥാന സര്‍ക്കാരിനും പരാതി നല്‍കി. പ്രക്ഷോഭങ്ങള്‍ ആരംഭിച്ചു. എന്നാല്‍ പ്രാദേശിക ഭരണകൂടത്തിന്റെയോ സംസ്ഥാന സര്‍ക്കാരിന്റെയോ ഭാഗത്തുനിന്ന് മതില്‍ പൊളിക്കാനുള്ള നടപടിയും ഉണ്ടായില്ല. തുടര്‍ന്ന് സ: പ്രകാശ് കാരാട്ടിന്റെ നേതൃത്വത്തില്‍ നടന്ന വന്‍പിച്ച ബഹുജന പ്രക്ഷോഭത്തിന്റെ ഭാഗമായി ആ മതിലിന്റെ റോഡിലേക്ക് കടക്കുന്ന ഭാഗം മാത്രം പൊളിച്ചു മാറ്റാന്‍ ഭരണകൂടം തയ്യാറായി. ഈ മുന്നേറ്റത്തിന്റെ ഫലമായി ഞങ്ങള്‍ക്ക് ഇതുവരെ 7 ജാതി മതിലുകള്‍ പൊളിക്കാനും 11 ഹിന്ദു ക്ഷേത്രങ്ങളില്‍ ദളിതര്‍ക്ക് പ്രവേശനം നേടിയെടുക്കാനും ഒരു ജാതി ഉരുക്കുകവാടം പൊളിക്കുന്നതിനും സാധിച്ചു. സമരം കൂടുതല്‍ പ്രദേശങ്ങളിലേയ്ക്ക് വ്യാപിപ്പിക്കുന്നതിനും അത് ഊര്‍ജ്ജം നല്‍കി.
e.v. Rama swami naikker
പെരിയാര്‍ ഇ.വി. രാമസ്വാമി നായ്ക്കരുടെ നേതൃത്വത്തില്‍ ബ്രാഹ്മണ മേധാവിത്വത്തിനും ജാതീയ വിവേചനങ്ങള്‍ ക്കുമെതിരെ സമരങ്ങള്‍ നടക്കുകയും വിജയിക്കുകയും ചെയ്തിട്ടുണ്ടല്ലോ. എന്നിട്ടും എന്തുകൊണ്ടാണ് ദളിത് ജനവിഭാഗങ്ങള്‍ക്കുവേണ്ടി ഇത്തരമൊരു മൂവ്‌മെന്റ് അനിവാര്യമായിത്തീരുന്നു?

ജാതിവ്യസ്ഥക്കെതിരെ പോരാടിയ വലിയ മനുഷ്യനായിരുന്നു തന്തൈ പെരിയാര്‍. അദ്ദേഹത്തിന്റെ കലഘട്ടത്തില്‍ ബ്രാഹ്മണ മേല്‍ക്കോയ്മയ്‌ക്കെതിരെയാണ് പോരാടിയത്. അതിന്റെ ഭാഗമായി താഴ്ന്ന ജാതിയില്‍പ്പട്ട ജനവിഭാഗങ്ങള്‍ക്ക് ഒട്ടനവധി അവകാശങ്ങളും സംവരണമുള്‍പ്പടെയുള്ള ആനുകൂല്യങ്ങളും നേടിയെടുക്കാന്‍ കഴിഞ്ഞെന്നു മാത്രമല്ല ജീവിത നിലവാരം ഉയര്‍ത്താനും സാധിച്ചു. എന്നാല്‍ ഇന്നത്തെ സ്ഥിതി ഇതല്ല. ഇന്ന് ബ്രഹ്മണ മേധാവിത്വത്തിനെതിരെയല്ല സമരം ചെയ്യുന്നത്. മറിച്ച് പണ്ട് സമരം ചെയ്ത് സംവരണം ഉള്‍പ്പടെയുള്ള അവകാശങ്ങള്‍ നേടിയെടുത്ത മറ്റു ജാതിക്കാര്‍ ദളിതര്‍ക്കുമേല്‍ നടത്തുന്ന ആധിപത്യത്തിനും പീഡനങ്ങള്‍ക്കുമെതിരെയാണ്.

ഞങ്ങളോടൊപ്പം ചെറുതും വലുതുമായി അറുപതോളം ദളിത് സംഘടനകളും യൂത്ത് മൂവ്‌മെന്റും ട്രേഡുയൂണിയന്‍ സംഘടനകളും 16 വര്‍ഷത്തോളമായി പി.രാമമൂര്‍ത്ത്, ശ്രീനിവാസ റാവു എന്നിവരുടെ നേതൃത്വത്തില്‍ പ്രവര്‍കത്തിക്കുന്ന ജസ്റ്റിസ് പാര്‍ട്ടിയും ഒരുമിച്ച് പ്രവര്‍ത്തികര്‍കുന്നുണ്ട്. ഇത്തരം ജനാധിപത്യ ശ്രമങ്ങളാണ്, ദളികതര്‍ക്കുവേണ്ടി എന്തെങ്കിലുമൊക്കെ ചെയ്യാന്‍ ഗവണ്‍മെന്റുകളെ നിര്‍ബന്ധിതരാക്കിയത്.

പെരിയാറിന്റെ ആശയങ്ങളും മതേതര കാഴ്ച്ചപ്പാടുകളും ഉയര്‍ത്തിപ്പിടിക്കുന്നുവെന്ന അവകാശപ്പെടുന്ന ഡി.എം.കെ ഉള്‍പ്പടെയുള്ള രാഷ്ട്രീയ പാര്‍ട്ടികളുടെ ഈ വിഷയത്തോടുള്ള സമീപനമെന്താണ്?
untouchability
ഡി.എം.കെ എന്നല്ല ഒരു രാഷ്ട്രിയ പാര്‍ട്ടിയും പ്രതികരിക്കില്ല കാരണം ജനസംഖ്യ അനുപാതത്തില്‍ നോക്കുകയാണ് എങ്കില്‍ പട്ടികജാതി പട്ടികവര്‍ഗ്ഗ ജനസമൂഹത്തെക്കാളും മറ്റു പിന്നോക്ക ജാതികളുടെ അംഗസംഖ്യ കൂടുതല്‍ ആണ്. ഡി.എം.കെ., അണ്ണാ ഡി.എം.കെ എന്നീ കക്ഷികളുടെ ഭൂരിഗം അംഗങ്ങളും ദളിതരൊഴികെയുള്ള പിന്നോക്ക ജനവിഭാഗങ്ങളില്‍ പ്പെട്ടവരാണ്. മാത്രവുമല്ല പട്ടികജാതി/പട്ടികവര്‍ഗ്ഗ വിഭാഗങ്ങള്‍ വോട്ട് ബാങ്ക് അല്ല, മറ്റു ജനവിഭാഗങ്ങളാകട്ടെ ശക്തമായ ഒരു വോട്ട് ബാങ്കുമാണ്.

ഇന്ന് തമിഴ് നാട്ടിലെ നിലവിലെ രാഷ്ട്രിയ അന്തരീക്ഷം എന്താണ്?

ഡി.എം.കെയുടെ അഴിമതിയിലും സ്വജന പക്ഷപതത്തിലും മടുത്ത ജനങ്ങളും സി.പി.ഐ.എം അടക്കമുള്ള എല്ല പ്രതിപക്ഷവും ഒന്നടങ്കം എ.ഐ.എ.ഡി.എം.കെയെ പിന്തുണച്ചതിന്റെ ഭാഗമായി അവര്‍ വന്‍ ഭൂരിപക്ഷത്തില്‍ അധികാരത്തില്‍ വരികയും ജയലളിത മുഖ്യമന്ത്രി ആകുകയും ചെയ്തു. എന്നാല്‍ കഴിഞ്ഞ ഏട്ടു മാസത്തെ പ്രവര്‍ത്തനം വിലയിരുത്തുകയാണെങ്കില്‍ ഈ സര്‍ക്കാര്‍ ഒരു മികച്ച സര്‍ക്കാരാണ് എന്ന് പറയുവാന്‍ സാധിക്കുകയില്ല. ഈ സര്‍ക്കാരിന്റെ കാലത്ത് വില കുത്തനെ ഉയര്‍ന്നുകൊണ്ടിരിക്കുകയാണ്.് സര്‍വ്വ സാധനങ്ങള്‍ക്കും ഇന്ന് തൊട്ടാല്‍ പൊള്ളുന്ന വിലയാണ്. ഇത് പിടിച്ചു നിര്‍ത്താന്‍ ഈ സര്‍ക്കാരിനു കഴിയുന്നില്ല. സര്‍ക്കാര്‍ പുതിയ തൊഴിലവസരങ്ങള്‍ സൃഷ്ടിക്കുന്നില്ലയെന്നുമാത്രമല്ല പഞ്ചായത്തിലെ ‘മക്കള്‍ നല്ല പണിയാളര്‍’ എന്ന 13000 വരുന്ന സര്‍ക്കാര്‍ ജീവനക്കാരെ മുന്‍സര്‍ക്കാര്‍ നിയമിച്ചു എന്ന ഓറ്റ കാരണം കൊണ്ട് പിരിച്ചുവിടുകയും ചെയ്തു.

തമിഴ് നാട്ടിലെ സി.പി.എമ്മിന്റെ പ്രവര്‍ത്തനത്തെ താങ്കള്‍ എങ്ങനെ വിലയിരുത്തുന്നു?
സി.പി.ഐ.എം പതുക്കെ പതുക്കെ വളരുകയാണ്. താഴ്ന്ന ജാതിക്കാരെ അവരുടെ അവകാശങ്ങള്‍ നേടി എടുക്കുന്നതിനു സംഘടിപ്പിച്ച് കൂടെ നിര്‍ത്തുന്ന ഏക പാര്‍ട്ടി സി.പി.ഐ.എം ആയതുകൊണ്ടുതന്നെ സകല പത്ര മാധ്യമങ്ങളും പാര്‍ട്ടിക്ക് എതിരാണ്. എല്ല ദിവസവും ഏതെങ്കിലും ഒരു പ്രക്ഷോഭം സി.പി.ഐ.എം അവിടെ നടത്താറുണ്ട്. അതിന്റെ ഭാഗമായി വലിയ ഒരു ജനവിഭാഗത്തെ പാര്‍ട്ടിയുമായി അടുപ്പിക്കാന്‍ ഇതിനോടകം കഴിഞ്ഞിട്ടുണ്ട്.

ഈ അടുത്തകാലത്ത് പാര്‍ട്ടിയുടെ തമിഴ്‌നാട് ഘടകം പ്രതിസന്ധികളെ നേരിട്ടിരുന്നു. വരദരാജന്റെ ആത്മഹത്യയടക്കമുള്ള വിഷയങ്ങളുണ്ടായി. യഥാര്‍ത്ഥത്തില്‍ എന്തായിരുന്നു വരദരാജന്‍ ഇഷ്യുവിന്റെ ഉള്ളടക്കം?

ക്ഷമിക്കുക. ഈ വിഷയത്തില്‍ ഒന്നും പറയാനില്ല.

മുല്ലപെരിയാര്‍ വിഷയത്തില്‍ പാര്‍ട്ടിയുടെ നിലപാട് എന്താണ്?

മുല്ലപെരിയാറിലെ വെള്ളം കൊണ്ടു മാത്രമാണ് തമിഴ്‌നാട്ടിലെ 7 ഓളം ജില്ലകള്‍ നിലനിന്നു പോകുന്നത്. അതുകൊണ്ടുതന്നെ ആ വെള്ളം തമിഴ്‌നാടിനു വളരെ അധികം ആവശ്യമുള്ളതുമാണ്. അതുകൊണ്ടുതന്നെ അതിലെ വെള്ളം ആ ജില്ലകളിലെ മനുഷ്യരുടെ ജീവിതപ്രശ്‌നമാണ്. രണ്ടു സര്‍ക്കാരുകളും മേശക്കു ചുറ്റും ഇരുന്നു ഈ വിഷയം രമ്യമായി പരിഹരിക്കണം.
koodamkulam struggle

സി.പി.ഐ.എം കൂടംകുളം പ്രക്ഷോഭത്തെ പിന്തങ്ങുന്നുണ്ടോ?

ഇല്ല. കൂടംകുളം സമരത്ത സി.പി.ഐ.എം അനുകൂലിക്കുന്നില്ല. അവിടെ ജോലി ഭൂരിഭാഗവും തീര്‍ന്നു. കറന്റ് എല്ലാവര്‍ക്കും വേണം. അവിടെ താമസിക്കുന്ന ജനങ്ങളുടെ സുരക്ഷ ഉറപ്പകിയ ശേഷം കൂടംകുളം പ്രവര്‍ത്തിച്ചു തുടങ്ങണം. ഈ പദ്ധതി 123 കരാറിനപു മുമ്പ് തുടങ്ങിയതാണ്.

വി.എസ്. കൂടംകുളം സമരത്തിന് ഐക്യദാര്‍ഢ്യം പ്രഖ്യാപിച്ചു അവിടെ വരും എന്ന് കേള്‍ക്കുന്നല്ലോ?

ഇല്ല. പാര്‍ട്ടിനേതൃത്വം അദ്ദേഹത്തെ വിളിപ്പിച്ചു. ‘ഞാന്‍ അങ്ങനെ പറഞ്ഞിട്ടില്ല’ എന്നാണ് അദ്ദേഹം പറഞ്ഞത്. മാധ്യമത്തിനു മുമ്പില്‍ അദ്ദേഹം ആ പ്രസ്ഥാവന നിരാകരിക്കും. പാര്‍ട്ടി കോണ്‍ഗ്രസിനുശേഷം അദ്ദേഹം കൂടംകുളം സന്ദര്‍ശിക്കില്ല.

ലോകമാകമാനം നുക്ലിയാര്‍ പ്ലാന്റിനെതിരെ സമരം ചെയ്യുമ്പോള്‍ സി.പി.ഐ.എം പോലുള്ള പാര്‍ട്ടിക്ക് എങ്ങനെ അതിനെ അനുകൂലിക്കാന്‍ കഴിയും?

ഇല്ല. സി.പി.ഐ.എം ആണവ വൈദ്യുതിക്ക് എതിരല്ല. 123 എഗ്രിമെന്റിനാണ് എതിര്.

koodamkulam v.s.സി.പി.ഐയും സി.പി.ഐ.എംമും ഇടത് ഐക്യത്തെപറ്റിപ്പറയുമ്പോള്‍ തന്നെ സി.പി.ഐ സ്വത്വ രാഷ്ട്രീയത്തെ അംഗീകരിക്കുന്ന നിലപാടിലാണ് എത്തി നില്‍ക്കുന്നതെന്ന് ഈ അടുത്ത കാലത്തായി ജാതി സംഘടനകളെ അംഗീകരിക്കണമെന്നും അവഗണിക്കാ നാവില്ലെന്നും സി.പി.ഐ അഖിലേന്ത്യാ റിപ്പോര്‍ട്ട് പ്രഖ്യാപിക്കുന്നതില്‍ നിന്നും മനസ്സിലാക്കാം. ജാതി വിരുദ്ധ പോരാട്ടങ്ങള്‍ക്ക് നേതൃത്വം നല്‍കുന്ന ഒരാളെന്ന നിലയില്‍ താങ്കള്‍ ഇതിനെ എങ്ങനെ നോക്കി കാണുന്നു?

ചില വിഷയങ്ങളില്‍ ഐക്യമുണ്ട്. ചിലതില്‍ വ്യത്യാസങ്ങളുമുണ്ട്. തമിഴ്‌നാട്ടില്‍ സി.പി.ഐ സി.പി.ഐ.എമിനൊപ്പം ജാതി വിരുദ്ധ പോരാട്ടത്തിലുണ്ട്. ഇവിടെ അവരുടെ രേഖകളും അങ്ങനെ ജാതിവിരുദ്ധമായ നിലപാടു തന്നെയാണ്. അതാണ് ഞങ്ങളുടെ അനുഭവം.



ഇടത് ഐക്യം നിലവില്‍; കേന്ദ്രസര്‍ക്കാറിനെതിരെ ഒരാഴ്ചത്തെ പ്രതിഷേധത്തിന് ആഹ്വാനം

ന്യൂദല്‍ഹി: ഇടത് ഐക്യം വിപുലീകരിക്കുന്നതിനായി സി.പി.ഐ.എം വിളിച്ചു ചേര്‍ത്ത ഇടതുപാര്‍ട്ടികളുടെ യോഗം ദല്‍ഹിയില്‍ ചേര്‍ന്നു. സി.പി.ഐ.എമ്മിന് പുറമേ സി.പി.ഐ, ആര്‍.എസ്.പി, ഫോര്‍വേര്‍ഡ് ബ്ലോക്ക്, സി.പി.ഐ.എം.എല്‍(ലിബറേഷന്‍), എസ്.യു.സി.ഐ എന്നീപാര്‍ട്ടികളാണ് യോഗത്തില്‍ പങ്കെടുത്തത്. ദല്‍ഹി സി.പി.ഐ.എം ആസ്ഥാനത്താണ് യോഗം നടന്നത്. ബി.ജെ.പി സര്‍ക്കാരിന്റെ സാമ്പത്തിക നയങ്ങള്‍ എതിര്‍ക്കുക, വര്‍ഗീയതയ്‌ക്കെതിരെ പ്രതിരോധം സൃഷ്ടിക്കുക എന്നിവയായിരുന്നു യോഗത്തിന്റെ മുഖ്യ അജണ്ഡ. വിലക്കയറ്റം, തൊഴിലുറപ്പ് പദ്ധതിയില്‍ വെള്ളം ചേര്‍ക്കാനുള്ള ശ്രമം, ആര്‍.എസ്.എസിന്റെയും ബി.ജെ.പിയുടെയും വര്‍ഗീയ നയങ്ങള്‍ എന്നിവയ്‌ക്കെതിരെ ഒരുമിച്ച് പോരാടുമെന്ന് യോഗത്തിന് ശേഷം ഇടത് പാര്‍ട്ടികള്‍ പറഞ്ഞു. ഇതിന്റെ ആദ്യപടിയായി ഒരാഴ്ച നീണ്ട പ്രതിഷേധ പരിപാടികള്‍ക്കാണ് രൂപം നല്‍കിയത്. ഈമാസം എട്ട് മുതല്‍ 14 വരെയാണ് പ്രതിഷേധ പരിപാടികള്‍ നടക്കുക. ദേശീയ സംസ്ഥാന തലത്തില്‍ എല്ലാ ഇടത് പാര്‍ട്ടികളും ഈ പ്രതിഷേധങ്ങളില്‍ പങ്കാളികളാവണമെന്ന് യോഗം ആവശ്യപ്പെട്ടു. ഇതിന് ശേഷം വര്‍ഗീയതയ്‌ക്കെതിരെ ദേശീയ തലത്തില്‍ ഇടതുപാര്‍ട്ടികളുടെ കണ്‍വെന്‍ഷന്‍ സംഘടിപ്പിക്കുമെന്ന് സി.പി.ഐ.എം ജനറല്‍ സെക്രട്ടറി പ്രകാശ് കാരാട്ട് പറഞ്ഞു. പ്രതിഷേധ പരിപാടികള്‍ക്ക് ശേഷം ഈ കണ്‍വെന്‍ഷന്റെ തിയ്യതി അറിയിക്കുമെന്നും അദ്ദേഹം വ്യക്തമാക്കി. വര്‍ഗീയതയ്‌ക്കെതിരെയുള്ള ഇടത് ഐക്യം സംബന്ധിച്ച ചര്‍ച്ചകള്‍ കുറച്ചുനാളുകളായി പുരോഗമിക്കുകയാണ്. ഇതിന്റെ ഭാഗമായി 17 പ്രമുഖ ഇടത് പാര്‍ട്ടികളുടെ നേതാക്കളുമായി സി.പി.ഐ.എം കൂടിക്കാഴ്ച നടത്തുകയും ചെയ്തിരുന്നു. ഈ ചര്‍ച്ചകളുടെ തുടര്‍ച്ചയായാണ് ഇന്ന് ദല്‍ഹിയില്‍ യോഗം ചേര്‍ന്നിരിക്കുന്നത്. 40 വര്‍ഷത്തെ രാഷ്ട്രീയ പോര് മറന്നാണ് എസ്.യു.സി.ഐ സി.പി.ഐ.എമ്മിനൊപ്പം യോഗത്തിനെത്തിയിരിക്കുന്നത്. 1967ല്‍ സി.പി.ഐ.എം ബംഗാളില്‍ അധികാരത്തിലെത്തിയപ്പോള്‍ മന്ത്രിസഭയില്‍ എസ്.യു.സി.ഐയും ഉണ്ടായിരുന്നു. എന്നാല്‍ ഈ ബന്ധം 1974 മുതല്‍ തകരാന്‍ തുടങ്ങി. ജയപ്രകാശ് നാരായണന്‍ സോഷ്യലിസ്റ്റ് മുന്നേറ്റത്തെച്ചൊല്ലിയുടെ ഭിന്നതയാണ് അകല്‍ച്ചയ്ക്ക് കാരണമായത്. ജയപ്രകാശ് നാരായണന്റെ പ്രക്ഷോഭത്തില്‍ ഇടതുപക്ഷവും ചേരണമെന്ന എസ്.യു.സി.ഐയുടെ ആവശ്യം സി.പി.ഐ.എം തള്ളിയതാണ് കാരണം. ബംഗാളില്‍ ഇടതുപക്ഷത്തിന്റെ അടിത്തറ തകര്‍ത്ത സിംഗൂര്‍, നന്ദിഗ്രാം സമരങ്ങള്‍ക്ക് മുന്നില്‍ എസ്.യു.സി.ഐ ഉണ്ടായിരുന്നു. 2007ലെ നന്ദിഗ്രാം പോലീസ് വെവെപ്പിന് ശേഷം അവര്‍ തൃണമൂല്‍ കോണ്‍ഗ്രസുമായി ഐക്യത്തിലെത്തുകയും ചെയ്തിരുന്നു. എന്നാല്‍ ഈ അഭിപ്രായ ഭിന്നതകളെല്ലാം മറന്നാണ് ഇടത് ഐക്യത്തിനായി ഇരുപാര്‍ട്ടികളും മുന്നോട്ടുവന്നിരിക്കുന്നത്. എസ്.യു.സി.ഐയെ ഇടത് ഐക്യത്തിലേക്ക് ക്ഷണിക്കുന്നതിനായി സി.പി.ഐ.എം ജനറല്‍ സെക്രട്ടറി പ്രകാശ് കാരാട്ട് എസ്.യു.സി.ഐ ആസ്ഥാനത്തെത്തി ചര്‍ച്ച നടത്തിയിരുന്നു. ഇടത് ഭരണകാലത്ത് 161 എസ്.യു.സി.ഐ പ്രവര്‍ത്തകര്‍ കൊല്ലപ്പെട്ടിട്ടുണ്ട്, എന്നാല്‍ ഇപ്പോഴത്തേത് പ്രശ്‌നാധിഷ്ഠിതമായ ഐക്യപ്പെടല്‍ മാത്രമാണെന്നാണ് എസ്.യു.സി.ഐ ചര്‍ച്ചയ്ക്ക് ശേഷം പ്രതികരിച്ചത്. കേരളത്തില്‍ റവല്യൂഷണറി മാര്‍ക്‌സിസ്റ്റ് പാര്‍ട്ടിയ്‌ക്കൊപ്പമാണ് എസ്.യു.സി.ഐ. ദേശീയാടിസ്ഥാനത്തിലെ സഖ്യം കേരളത്തിലും ബംഗാളിലും ബാധകമല്ലെന്ന് എസ്.യു.സി.ഐ സംസ്ഥാന ഘടകം പ്രസ്താവനയിലൂടെ പറഞ്ഞിരുന്നു. കേരളത്തില്‍ നിലവിലുള്ള സഖ്യം തുടരുമെന്നുമായിരുന്നു അറിയിച്ചിരുന്നത്. ആര്‍.എസ്.പി കേരളഘടകം യോഗത്തില്‍ പങ്കുചേര്‍ന്നിട്ടില്ല. ഇടത് ഐക്യത്തില്‍ കേരളഘടകവും പങ്കുചേരണമെന്ന് ആര്‍.എസ്.പി ദേശീയ നേതൃത്വം ആവശ്യപ്പെട്ടിട്ടുണ്ട്.

മാണിയെ വിശ്വാസമെന്ന് വി.എം സുധീരന്‍

തിരുവനന്തപുരം: ബാര്‍ തുറയ്ക്കാന്‍ കോഴ വാങ്ങിയെന്ന ധനമന്ത്രി കെ.എം മാണിയ്‌ക്കെതിരായ ആരോപണത്തില്‍ കഴമ്പില്ലെന്ന് കെ.പി.സി.സി അധ്യക്ഷന്‍ വി.എം സുധീരന്‍. മാണിയെ കെ.പി.സി.സിക്ക് വിശ്വാസമാണെന്നും സുധീരന്‍ പറഞ്ഞു. യു.ഡി.എഫിന്റെ മദ്യനയം കൊണ്ടുവരുന്നതില്‍ നിര്‍ണായക പങ്കുവഹിച്ചയാളാണ് കെ.എം മാണി. മദ്യവിമുക്ത കേരളം എന്ന ലക്ഷ്യം നേടാനായി സുപ്രധാന പങ്കുവഹിച്ചയാളാണ് കെ.എം മാണി. മാണിയ്‌ക്കെതിരെ ഉയര്‍ന്നിരിക്കുന്ന ഈ ആരോപണങ്ങള്‍ യു.ഡി.എഫില്‍ ഭിന്നതയുണ്ടാക്കാനുള്ള ശ്രമത്തിന്റെ ഭാഗമാണോയെന്ന് സംശയമുണ്ടെന്നും സുധീരന്‍ പറഞ്ഞു. വര്‍ഷങ്ങളായി ഭരണ, രാഷ്ട്രീയ രംഗത്ത് പ്രവര്‍ത്തിച്ചയാളാണ് മാണി. അദ്ദേഹത്തിനെതിരെ ഉയര്‍ന്നിരിക്കുന്ന ഈ ആരോപണങ്ങള്‍ ആരും വിശ്വസിക്കില്ലെന്നും സുധീരന്‍ അഭിപ്രായപ്പെട്ടു. മാണിയ്‌ക്കെതിരെയുള്ള ആരോപണങ്ങളില്‍ അദ്ദേഹം വിശദീകരണം നല്‍കണമെന്ന ടി.എന്‍ പ്രതാപന്‍ എം.എല്‍.എയുടെയും കോണ്‍ഗ്രസ് നേതാവ് രാജ്‌മോഹന്‍ ഉണ്ണിത്താന്റെയും പ്രതികരണത്തെ സുധീരന്‍ തള്ളി. ഇങ്ങനെയൊരു പ്രതികരണം നടത്തിയതായി തനിക്ക് അറിയില്ല. എന്നാല്‍ ഈ വാര്‍ത്ത ശരിയാണെങ്കില്‍ ഏത് സാഹചര്യത്തിലാണ് ഇത്തരമൊരു പ്രതികരണം ഇവരില്‍ നിന്ന് വന്നതെന്ന് അറിയില്ല. അത് തീര്‍ത്തും ഒഴിവാക്കേണ്ടതായിരുന്നെന്നും സുധീരന്‍ പറഞ്ഞു. ബാര്‍ തുറന്ന് പ്രവര്‍ത്തിക്കുന്നതിനായി കെ.എം മാണി 5 കോടി രൂപ കോഴ ആവശ്യപ്പെട്ടുവെന്നാണ് ബാര്‍ അസോസിയേഷന്‍ പ്രതിനിധി ബിജു രമേശ് വെളിപ്പെടുത്തിയത്. ഗൗരവമായ ആരോപണമാണിത്. തനിക്കെതിരെയുള്ള ആരോപണത്തില്‍ ഗൂഢാലോചനയുണ്ടെന്നാണ് കെ.എം മാണി പ്രതികരിച്ചത്. ഈ വിഷയത്തില്‍ കോണ്‍ഗ്രസില്‍ നിന്നും യു.ഡി.എഫിന്റെ മറ്റ് ഘടകകക്ഷികളില്‍ നിന്നും മാണിക്ക് ശക്തമായ പിന്തുണയാണ് ലഭിച്ചത്. മാണിയ്‌ക്കെതിരെയുള്ള ആരോപണം വസ്തുതാവിരുദ്ധമാണെന്ന അഭിപ്രായമാണ് മുഖ്യമന്ത്രി ഉമ്മന്‍ചാണ്ടി, യു.ഡി.എഫ് കണ്‍വീനര്‍ പി.പി. തങ്കച്ചന്‍, മന്ത്രി കെ.ബാബു തുടങ്ങിയവര്‍ പ്രകടിപ്പിച്ചത്.

സ്വര്‍ണവില കുറഞ്ഞു; പവന് 20,000 ത്തില്‍ താഴെയായി

കൊച്ചി: സ്വര്‍ണ വില പവന് ഇരുപതിനായിരത്തില്‍ താഴെയെത്തി. പവന് 320 രൂപയാണ് കുറഞ്ഞത്. 19,680 രൂപയാണ് ഇന്നത്തെ വില. ഇന്നലെ പവന് 20,000 രൂപയായിരുന്നു വില. ഗ്രാമിന് 40 രൂപ താഴ്ന്ന് 2,460 രൂപയിലെത്തി. ആഗോളവിപണിയില്‍ ഡോളര്‍ കരുത്താര്‍ജിച്ചതാണ് സ്വര്‍ണത്തിന് തിരിച്ചടിയായത്. യു.എസ് ഫെഡറല്‍ റിസര്‍വ് കടപ്പത്രം വാങ്ങല്‍ പദ്ധതി അവസാനിപ്പിച്ചതും സമ്പദ്ഘടനയുടെ കരുത്തില്‍ വിശ്വാസം പ്രകടിപ്പിച്ചതും ഡോളറിന് നേട്ടമായി. ലോകത്തിലെ ഏറ്റവും വലിയ സ്വര്‍ണ അധിഷ്ഠിത എക്‌സ്‌ചേഞ്ച് ട്രേഡഡ് ഫണ്ടായ എസ്.പി.ഡി.ആര്‍ ഗോള്‍ഡ് ട്രസ്റ്റിലെ നിക്ഷേപം ആറുവര്‍ഷത്തിനിടയ്‌ക്കെ ഏറ്റവും താഴ്ന്ന നിലയിലെത്തി.

രതി നിറഞ്ഞൊഴുകുന്ന ശില്‍പ്പങ്ങള്‍ : ക്ഷേത്ര രതിശില്‍പങ്ങളുടെ ആല്‍ബം


അവര്‍ക്കൊരിക്കലും വികാരപ്രകടനങ്ങള്‍ 'അശ്ലീല'മോ 'പാപ'മോ ആയിരുന്നില്ല. പരസ്യമായ ചുംബനത്തെയും ആലിംഗനത്തെയും മോശമായും അവര്‍ കരുതിയിരുന്നോ..? ഇന്ത്യന്‍ ഭൂതകാലത്തിലും വിശിഷ്യ ജാതിഘടനക്കുള്ളില്‍ തന്നെ ലൈംഗികതയും ബഹുഭാര്യത്വവും ബഹുഭര്‍തൃത്വവും വിവിധ തരത്തിലുള്ള ലൈംഗികതയും നിലനിന്നിട്ടുണ്ടെന്ന് ചരിത്ര വസ്തുതകള്‍. രതി ആര്‍ദ്രമാണെന്ന് നമ്മോട് പറയുന്ന പൂര്‍വ്വികരുടെ സന്ദേശങ്ങളാണ് ഈ പോസ്റ്റിലെ ചിത്രങ്ങള്‍.. അവയിലൂടെ ഒരു ചെറിയ യാത്ര...


ഇന്ത്യയുടെ പൂര്‍വ്വകാലത്തില്‍ പ്രണയവും ചുംബനവും ലൈംഗികതയുമെല്ലാം നിഷിധമായിരുന്നില്ല. നിലവിലുള്ളതിനേക്കാള്‍ കുറച്ചുകൂടി വിശാലമായ കാഴ്ചപ്പാടാണ് ഈ വിഷയങ്ങളില്‍ നമ്മുടെ പൂര്‍വ്വികര്‍ സ്വീകരിച്ചതെന്ന് വേണം സമീപകാല സംഭവങ്ങളുമായി തട്ടിച്ചു നോക്കുമ്പോള്‍നമുക്ക് മനസ്സിലാക്കാന്‍ കഴിയുന്നത്‌. അവര്‍ക്കൊരിക്കലും വികാരപ്രകടനങ്ങള്‍ 'അശ്ലീല'മോ 'പാപ'മോ ആയിരുന്നില്ല. പരസ്യമായ ചുംബനത്തെയും ആലിംഗനത്തെയും മോശമായും അവര്‍ കരുതിയിരുന്നോ..? ഇന്ത്യന്‍ ഭൂതകാത്തിലും വിശിഷ്യ ജാതിഘടനക്കുള്ളില്‍ തന്നെ ലൈംഗികതയും ബഹുഭാര്യത്വവും ബഹുഭര്‍തൃത്വവും വിവിധ തരത്തിലുള്ള ലൈംഗികതയും നിലനിന്നിട്ടുണ്ടെന്ന് ചരിത്ര വസ്തുതകള്‍. പ്രാചീനകാലത്തെ ശിലാലേഖനങ്ങളും സാഹിത്യരചനകളും കൊത്തുപണികളുമെല്ലാം ഈ വിഷയങ്ങളോടുള്ള ആ തലമുറയുടെ സമീപനത്തെ വരച്ചുകാട്ടുന്നതാണ്. ഇതില്‍ പ്രധാനപ്പെട്ടതാണ് നമ്മുടെ പൗരാണിക ക്ഷേത്രങ്ങളിലെ കൊത്തുപണികള്‍. ലൈംഗികകേളികളും ചേഷ്ടകളും വിഷയമായ മനോണ്‍മയ കൊത്തുപണികള്‍ പല ക്ഷേത്രങ്ങളിലും ഇന്നും നിലനില്‍ക്കുന്നുണ്ട്. അത്തരം ചില ചിത്രങ്ങളെ ഇവിടെ പരിചയപ്പെടുത്തുന്നു. ഇന്ത്യയിലെ പൗരാണിക ക്ഷേത്രങ്ങളിലെ ലൈംഗിക കേളികള്‍ വരച്ചുകാട്ടുന്ന കൊത്തുപണികള്‍ കാണികളില്‍ ആകാംക്ഷയും അത്ഭുതവും ജനിപ്പിക്കുന്നതാണ്. ലൈംഗിക വിദ്യാഭ്യാസം, പ്രകൃതി ദുരന്തങ്ങളെ അകറ്റല്‍, ദേവദാസി സമ്പ്രദായം ഇല്ലാതാക്കല്‍ തുടങ്ങി നിരവധി തിയറികളാണ് ഈ കൊത്തുപണികളുമായി ബന്ധപ്പെട്ട് പ്രചരിക്കുന്നത്. കാരണങ്ങള്‍ എന്തായാലും ഈ ചിത്രങ്ങള്‍ നമ്മളെ വിസ്മയിപ്പിക്കുമെന്നതില്‍ സംശയമില്ല. രതി ആര്‍ദ്രമാണെന്ന് നമ്മോട് പറയുന്ന പൂര്‍വ്വികരുടെ സന്ദേശങ്ങളാണ് ഈ ചിത്രങ്ങള്‍.. അവയിലൂടെ ഒരു ചെറിയ യാത്ര...

മധ്യപ്രദേശിലെ ഖജുരാഹൊ ക്ഷേത്രം

ലൈംഗിക ചിത്രീകരണത്തില്‍ മുന്നില്‍ നില്‍ക്കുന്ന ഇന്ത്യന്‍ ക്ഷേത്രമാണ് ഖജുരാഹൊ. ചണ്ഡേല രാജാക്കന്മാരാണ് ഈ ക്ഷേത്രം നിര്‍മിച്ചിരിക്കുന്നത്. വിവിധ പോസിലുള്ള വ്യത്യസ്ത തരത്തിലുള്ള ലൈംഗിക രംഗങ്ങള്‍ കൊത്തുപണികളില്‍ കാണാം. മനുഷ്യരുടെ ലൈംഗികതയില്‍ ഒട്ടും തന്നെ പിശുക്കു കാണിക്കാത്ത ഒരു കാലഘട്ടത്തിന്റെ ചിത്രീകരണങ്ങളാണ്‌ ഖജുരാഹൊയില്‍. മനുഷ്യര്‍ തമ്മില്‍ മുതല്‍ മനുഷ്യരും മൃഗങ്ങളും വരെയുള്ള ലൈംഗികത പൂത്തുവിരിയുന്നുണ്ട് ഈ കല്ലില്‍കൊത്തിയ കവിതകളില്‍...

വിരുപക്ഷ ക്ഷേത്രം,  ഹംബി, കര്‍ണ്ണാടക

തുംഗഭദ്ര നദിയുടെ കരയില്‍ സ്ഥിതി ചെയ്യുന്ന ഈ ക്ഷേത്രം മനോഹരങ്ങളായ സ്തംഭങ്ങള്‍കൊണ്ട് സമൃദ്ധമാണ്. ശിവന്റെയും അദ്ദേഹത്തിന്റെ അവതാരങ്ങളുടേതുമാണ് ഈ ക്ഷേത്രമെന്ന് പറയാം. 7-ാം നൂറ്റാണ്ടിലാണ് ഇത് നിര്‍മിക്കപ്പെട്ടതെന്ന് കരുതുന്നു. യുനസ്‌കോയുടെ പൈതൃക സൈറ്റുകളിലൊന്നായ ഹംബിയിലെ വിരുപക്ഷ ക്ഷേത്രം പ്രസിദ്ധമാണ്. വിജയനഗര സാമ്രാജ്യത്തിന്റെ തലസ്ഥാന നഗരിയായിരുന്നു ഇത്. തെക്കേ ഇന്ത്യയിലെ ക്ഷേത്ര-ചരിത്ര സ്മാരകങ്ങളില്‍ തിളങ്ങി നില്‍ക്കുന്ന ഹംബി ഒരു തെന്നിന്ത്യന്‍ വിനോദസഞ്ചാര കേന്ദ്രം കൂടിയാണ്. വിരുപക്ഷ ക്ഷേത്രം ഒരു ശിവക്ഷേത്രമാണ്.

മഹാരാഷ്ട്രയിലെ മാര്‍ക്കണ്ഡേശ്വര ക്ഷേത്രം

ഗഡ്ചിരോളിയിലെ നക്‌സല്‍ ജില്ലയ്ക്ക് സമീപമാണ് മാര്‍ക്കണ്ഡേശ്വര ക്ഷേത്രം സ്ഥിതി ചെയ്യുന്നത്. ദാനവര്‍ ഒരു രാത്രികൊണ്ടാണ് ഈ ക്ഷേത്രം നിര്‍മിച്ചതെന്നാണ് വിശ്വാസം. കല്ലുകൊണ്ട് നിര്‍മിച്ച ഈ ക്ഷേത്രത്തില്‍ ഹേമാഡ്പന്ത് ശില്പകലയാണുള്ളത്.

പട്‌വാലി ക്ഷേത്രം മധ്യപ്രദേശ്

ചമ്പല്‍ വാലിയിലെ മൊറിന ജില്ലയിലാണ് ഈ ക്ഷേത്രം സ്ഥിതി ചെയ്യുന്നത്. ക്ഷേത്രകവാടത്തിലുള്ള കരുത്തരായ രണ്ട് സിംഹപ്രതിമകളാണ് തീര്‍ത്ഥാടകരെ സ്വീകരിക്കുക. ലൈംഗിക ചിത്രീകരണ കലയുടെ കാര്യത്തില്‍ മിനി ഖജുരാഹൊ എന്ന ഖ്യാതിയാണ് ഈ ക്ഷേത്രത്തിനുള്ളത്.

സൂര്യക്ഷേത്രം ഒറീസ്സ

ഒറീസയിലെ കൊണാര്‍ക്കിലാണ്  സൂര്യക്ഷേത്രം സ്ഥിതി ചെയ്യുന്നത്. ഇവിടെ കാണുന്ന ലൈംഗിക ചിത്രീകരണത്തില്‍ ഏറ്റവും ശ്രദ്ധയാകര്‍ഷിക്കുന്ന ഒന്നാണ് സ്ത്രീയുടെ ജനനേന്ദ്രിയം നക്കുന്ന പട്ടിയുടേത്. സെക്‌സുമായി ബന്ധപ്പെട്ടുണ്ടാകുന്ന അണുബാധയ്ക്ക് നല്ല മരുന്നാണ് പട്ടിയുടെ ഉമിനീലെ ആന്റിബയോട്ടിക് അത്രെ!!!

സൂര്യക്ഷേത്രം ഗുജറാത്ത്

രാവണനെ കൊന്നതിന്റെ പാപത്തില്‍ നിന്നും മുക്തി നേടാനായി രാമന്‍ ഈ സ്ഥലത്ത് ഒരു യജ്ഞം നടത്തിയെന്നാണ് വിശ്വസിക്കുന്നത്. ലൈംഗികകേളികളുടെ വ്യത്യസ്തഭാവങ്ങള്‍ ഇവിടുത്തെ ശില്‍പ്പങ്ങളില്‍ തിളങ്ങി നില്‍ക്കുന്നു...

ഓസിയാന്‍ രാജസ്ഥാന്‍

എ.ഡി 11 ാം നൂറ്റാണ്ടില്‍ നിര്‍മിച്ച ഹിന്ദു, ജൈന ക്ഷേത്രങ്ങളുടെ കൂട്ടമാണ് ഓസിയാന്‍. പ്രണയത്തിന്റെ, കാമത്തിന്റെ ഭാവനകള്‍ ഓസിയാനിലെ ശിപ്പഭംഗികളില്‍ കാണാം...

ഹോയ്‌സാലേശ്വര ക്ഷേത്രം.

പന്ത്രണ്ടാം നൂറ്റാണ്ടിലെ ഹോയ്‌സാലാ സാമ്രാജ്യത്വത്തിന്റെ ഭാഗമാണ്‌ ഹോയ്‌സാലേശ്വര ക്ഷേത്രം. ഹലേബിഡുവില്‍ സ്ഥാപിച്ചിരിക്കുന്ന ക്ഷേത്രം വിഷ്ണുവര്‍ദ്ധന രാജാവിന്റെ കാലത്താണ് നിര്‍മ്മിച്ചത്. വാതില്‍ പുറ ചിത്രീകരണമാണ് ഈ ക്ഷേത്രത്തിന്റെ സവിശേഷത.

കിച്ചകേശ്വരീ ക്ഷേത്രം

കിക്ഷകേശ്വരി ക്ഷേത്രം എന്നും ഇത് അറിയപ്പെടുന്നു. ഭജന രാജാക്കന്‍മാരുടെ തലസ്ഥാനമായ  ഖിച്ചിങ്ങലിലായിരുന്നു ഇത് സ്ഥിതി ചെയ്യുന്നത്. വടക്കന്‍ ഓറീസയിലെ മൂര്‍ഭഞ്ച് ജില്ലയിലാണ് ക്ഷേത്രം സ്ഥിതി ചചെയ്യുന്നത്. ഇത് ഒരു ചാമുണ്ഡേശ്വരി അഥവാ കാളീ ക്ഷേത്രമാണ്.

കൂടല്‍ അഴകര്‍ കോവില്‍

തെക്കേ ഇന്ത്യയിലെ മറ്റൊരു അതിമനോഹര ക്ഷേത്രമാണ് കൂടല്‍ അഴകര്‍ കോവില്‍.  വിഷ്ണു ക്ഷേത്രമാണ് കൂടല്‍ അഴകര്‍. മധുരയിലെ സുന്ദരന്‍ എന്നാണ് കൂടല്‍ അഴകറിന്റെ അര്‍ത്ഥം.

ശാരംഗപാണി ക്ഷേത്രം

വിഷ്ണുവിന് സമര്‍പ്പിതമായ തമിഴ്‌നാട്ടിലെ സുപ്രസിദ്ധ ക്ഷേത്രമാണ് ശാരംഗപാണി ക്ഷേത്രം. തമിഴ്‌നാട്ടിലെ കുംഭകോണത്താണ് ഇത് സ്ഥിതി ചെയ്യുന്നത്. രതിശില്‍പ്പങ്ങളില്‍ വര്‍ണങ്ങളോടുകൂടിയവ ഇവിടത്തെ സവിഷേതയാണ്. പ്രണയാര്‍ദ്രമായ ചിത്രങ്ങളാണ് ശാരംഗപാണി ക്ഷേത്രത്തിലുള്ളത്.

എല്ലോറ, മഹാരാഷ്ട്ര

പുരാതന മനുഷ്യന്റെ കാലാപ്രകാശനത്തിന്റെ ഏറ്റവും മനോഹാരിതതുളുമ്പുന്ന ആര്‍ക്കിയോളജിക്കല്‍ സൈറ്റാണ് എല്ലോറ എന്ന ഗുഹാ ക്ഷേത്രം. ലോക പൈതൃകത്തില്‍ ഇടം നേടിയിട്ടുള്ള ഒന്നുകൂടിയാണ് എല്ലോറ. ബുദ്ധിസ്റ്റ് ജൈനിസ്റ്റ് ശിലാക്ഷേത്രമാണിത്‌.  5-ാം നൂറ്റാണ്ടിലോ 7-ാം നൂറ്റാണ്ടിലോ ആണ് എല്ലോറ നിര്‍മിക്കപ്പെട്ടതെന്ന്‌കരുതപ്പെടുന്നു. പുരാതന വാസ്തു കലയുടെയും ശില്‍പ്പകലയുടെയും അത്ഭുതക്കാഴ്ച്ചയാണ് എല്ലോറ.