ബീജിങ്: പാക് അധീന കശ്മീരിലെ ഗില്ജിത് പ്രദേശത്ത് ചൈനീസ് സൈന്യത്തിന്റെ സാന്നിധ്യമുണ്ടെന്ന വാര്ത്തയില് ഇന്ത്യ ചൈനയെ ആശങ്കയറിയിച്ചു. ചൈനയിലെ ഇന്ത്യന് അംബാസിഡര് എസ് ജയശങ്കര് ആണ് ചൈനയില് നടന്ന ചര്ച്ചയ്ക്കിടെ ഇന്ത്യയുടെ ആശങ്ക അറിയിച്ചത്.
പാക് അധീന കശ്മീരില് 11,000 ലധികം വരുന്ന ചൈനീസ് സൈന്യത്തെ വിന്യസിച്ചിട്ടുണ്ടെന്ന് ചൈനീസ് വാര്ത്താ ഏജന്സിയായ സിന്ഹുവ റിപ്പോര്ട്ടു ചെയ്തിരുന്നു. എന്നാല് വാര്ത്ത അടിസ്ഥാനരഹിതമാണെന്ന് പാക്കിസ്താനും ചൈനയും വ്യക്തമാക്കിയിരുന്നു. കനത്ത മഴയിലും മണ്ണിടിച്ചിലിലും തകര്ന്ന പ്രദേശത്തെ ആളുകള്ക്ക് സഹായമെത്തിക്കാനായി ചൈനീസ് സൈന്യം നിയോഗിച്ച സംഘമാണ് അവിടെയുള്ളതെന്നും ചൈന വ്യക്തമാക്കിയിരുന്നു.
തുടര്ന്ന് സ്ഥിതിഗതികള് നിരീക്ഷിച്ചുവരുകയാണെന്ന് ഇന്ത്യന് വിദേശകാര്യ മന്ത്രാലയം പറഞ്ഞിരുന്നു. സുരക്ഷാ കാര്യങ്ങള്ക്കായുള്ള മന്ത്രിതല സമിതിയെ സന്ദര്ശിച്ചതിനു ശേഷമായിരുന്നു ഇന്ത്യന് അംബാസിഡര് ബീജിംങിലേക്ക് തിരിച്ചത്.
