Categories
boby-chemmannur  
City flover 125.2  

അസിന് കേരളസര്‍ക്കാരിന്റെ ആദരം

മുംബൈ: മലയാള സിനിമയിലൂടെയാണ് ചലച്ചിത്രരംഗത്തെത്തിയതെങ്കിലും അസിന്റെ ഭാഗ്യം തെളിഞ്ഞത് തമിഴകത്തായിരുന്നു. പിന്നീട് ബോളിവുഡില്‍ വരെ തിളങ്ങിയ അസിനെ കേരളസര്‍ക്കാര്‍ ആദരിക്കുകയാണിപ്പോള്‍.

കഴിഞ്ഞദിവസം തിരുവനന്തപുരത്ത് നടന്ന ചടങ്ങിലാണ് കേരളസര്‍ക്കാര്‍ ചലച്ചിത്ര രംഗത്ത് അസിന്‍ നല്‍കിയ സംഭാവനകള്‍ എടുത്ത് പറഞ്ഞ് നടിയെ ആദരിച്ചത്.

പ്രശസ്തര്‍ അണിനിരന്ന വേദിയില്‍ കേരളാസാരിയുടുത്താണ് അസിന്‍ പ്രത്യക്ഷപ്പെട്ടത്. രക്ഷിതാക്കളും ഒപ്പമുണ്ടായിരുന്നു.

‘ ഈ അവസരത്തില്‍ എനിക്ക് അഭിമാനം തോന്നുന്നു. സ്വന്തം നാട്ടില്‍ നിന്നും ഒരു അവാര്‍ഡ് നേടുകയെന്നത് വലിയ കാര്യമാണ്. ഈ വര്‍ഷത്തിനിടയില്‍ നിരവധി അവാര്‍ഡ് വേദികളില്‍ പങ്കെടുക്കുകയും പുരസ്‌കാരങ്ങള്‍ സ്വന്തമാക്കുകയും ചെയ്‌തെങ്കിലും ഈ അവാര്‍ഡ് എനിക്കേറെ പ്രിയപ്പെട്ടതാണ്. എന്റെ കുടുംബത്തിനും ഇത് പ്രാധാന്യമുള്ളതാണ്. ‘  ചടങ്ങില്‍ പങ്കെടുത്തുകൊണ്ട് അസിന്‍ പറഞ്ഞു.

കൊച്ചിയിലാണ് അസിന്‍ ജനിച്ചതും വളര്‍ന്നതും. മലയാള ചിത്രം നരേന്ദ്രന്‍ മകന്‍ ജയകാന്തന്‍ വക എന്ന ചിത്രത്തിലൂടെയാണ് അസിന്‍ സിനിമയിലെത്തിയത്. പിന്നീട് തമിഴകത്ത് നിരവധി ചിത്രങ്ങളില്‍ വേഷമിട്ടു. 2008 ഗജനിയുടെ ഹിന്ദി പതിപ്പിലൂടെ അസിന്‍ ബോളിവുഡിലും സ്റ്റാറായി.