ഐ.പി.എല് 2026ന് മുന്നോടിയായുള്ള താരലേലത്തില് എതിരാളികളെയും ആരാധകരെയും ഒരുപോലെ ഞെട്ടിച്ചാണ് ചെന്നൈ സൂപ്പര് കിങ്സ് ഇന്ത്യയുടെ ഭാവി താരങ്ങളെ സ്വന്തമാക്കിയത്. വിക്കറ്റ് കീപ്പര് ബാറ്റര് കാര്ത്തിക് ശര്മയെയും ഇടംകയ്യന് ഓര്ത്തഡോക്സ് സ്പിന്നര് പ്രശാന്ത് വീറിനെയുമാണ് സൂപ്പര് കിങ്സ് തങ്ങളുടെ മടയിലെത്തിച്ചത്.
30 ലക്ഷം അടിസ്ഥാന വിലയുണ്ടായിരുന്ന ഇരുവരെയും 14.20 കോടി രൂപയ്ക്കാണ് സൂപ്പര് കിങ്സ് ടീമിലെത്തിച്ചത്. ഇതോടെ ഐ.പി.എല് ചരിത്രത്തില് ഏറ്റവുമധികം തുക ലഭിക്കുന്ന അണ്ക്യാപ്ഡ് താരങ്ങളായും ഇരുവരും മാറി.
ഇതിനൊപ്പം മറ്റൊരു നേട്ടത്തില് ഇരുവരും ഒന്നും രണ്ടും സ്ഥാനങ്ങളിലും ഇടം പിടിച്ചിരിക്കുകയാണ്. ഐ.പി.എല് ചരിത്രത്തില് പത്ത് കോടിയിലേറെ ലേലത്തില് സ്വന്തമാക്കുന്ന ഏറ്റവും പ്രായം കുറഞ്ഞ താരമെന്ന നേട്ടമാണ് ഇരുവരും സ്വന്തമാക്കിയത്. 19കാരനായ കാര്ത്തിക് ശര്മയാണ് ഈ പട്ടികയില് ഒന്നാമന്.
(താരം – പ്രായം – ടീം – വര്ഷം – തുക എന്നീ ക്രമത്തില്)
കാര്ത്തിക് ശര്മ – 19 വയസും 234 ദിവസവും – സി.എസ്.കെ – 2026 – 14.20 കോടി
പ്രശാന്ത് വീര് – 20 വയസും 22 ദിവസവും – സി.എസ്.കെ – 2026 – 14.20 കോടി
കാമറൂണ് ഗ്രീന് – 23 വയസും 203 ദിവസവും – എം.ഐ. – 2023 – 17.50 കോടി
ഇഷാന് കിഷന് – 23 വയസും 209 ദിവസവും – എം.ഐ – 2022 – 15.25 കോടി
ഹാരി ബ്രൂക്ക് – 23 വയസും 303 ദിവസവും – എസ്. ആര്.എച്ച് – 2023 – 13.25 കോടി
(*ലേല ദിവസത്തിലെ പ്രായം)
രാജസ്ഥാനില് നിന്നുള്ള വിക്കറ്റ് കീപ്പര് ബാറ്ററാണ് കാര്ത്തിക് ശര്മ. ആഭ്യന്തര തലത്തില് മികച്ച പ്രകടനം കാഴ്ചവെച്ചതോടെയാണ് സി.എസ്.കെയുടെ റഡാറില് കാര്ത്തിക് ഇടം നേടിയത്. 164ലധികം സ്ട്രൈക് റേറ്റോടെയാണ് താരം സീസണില് ബാറ്റ് വീശുന്നത്.
രവീന്ദ്ര ജഡേജയുടെ അഭാവത്തില് സി.എസ്.കെ സ്വന്തമാക്കിയ ഇടംകയ്യന് സ്പിന് ഓള് റൗണ്ടറാണ് ഉത്തര്പ്രദേശിന്റെ സ്വന്തം പ്രശാന്ത് വീര്. യു.പി. ടി-20 ലീഗിലും സയ്യിദ് മുഷ്താഖ് അലി ട്രോഫിയിലും തിളങ്ങിയതോടെയാണ് താരത്തിന്റെ തലവര തെളിഞ്ഞത്.
(താരം – അടിസ്ഥാന വില – വിന്നിങ് ബിഡ് എന്നീ ക്രമത്തില്)
കാര്ത്തിക് ശര്മ** – 30 ലക്ഷം – 14.20 കോടി
പ്രശാന്ത് വീര്** – 30 ലക്ഷം – 14.20 കോടി
രാഹുല് ചഹര് – ഒരു കോടി – 5.20 കോടി
മാറ്റ് ഹെന്റി – 2 കോടി – 2 കോടി
അകീല് ഹൊസൈന് – 2 കോടി – 2 കോടി
മാറ്റ് ഷോര്ട്ട് – 1.5 കോടി – 1.5 കോടി
സാക്രി ഫോള്ക്സ് – 75 ലക്ഷം – 75 ലക്ഷം
സര്ഫറാസ് ഖാന് – 75 ലക്ഷം – 75 ലക്ഷം
അമന് ഖാന്** – 30 ലക്ഷം – 40 ലക്ഷം
(**അണ്ക്യാപ്ഡ് താരങ്ങള്)
Content Highlight: Youngest players going for 10 crore+ at an IPL auction