‘ഈ കപ്പലിലുള്ളത് ഗസയിലെ മനുഷ്യര്‍ക്ക് ഒന്നുമാകില്ലെന്ന് ഞങ്ങള്‍ക്കറിയാം. ഇത് വളരെ പരിമിതമായ സഹായമാണ്. എത്ര പ്രതിസന്ധി നേരിട്ടാലും പരിശ്രമിച്ച് കൊണ്ടിരിക്കണം. ഇത്തരം പ്രവര്‍ത്തനങ്ങള്‍ നിര്‍ത്തുന്ന സമയം നമ്മളിലെ മനുഷ്യത്വം നഷ്ടപ്പെടും. ഞങ്ങളുടെ ഈ ദൗത്യം വളരെ അപകടം നിറഞ്ഞതുമാണ്. എന്നാല്‍ വംശഹത്യ ചെയ്യപ്പെടുന്ന ജീവിതങ്ങള്‍ക്ക് മുന്നില്‍ ലോകം മുഴുവന്‍ പുലര്‍ത്തുന്ന മൗനത്തോളം അപകടകരമല്ല ഇത്,’ കാലാവസ്ഥാ പ്രവര്‍ത്തക ഗ്രെറ്റ തെന്‍ബെര്‍ഗിന്റെ വാക്കുകളാണിവ.

തെന്‍ബെര്‍ഗ് ചൂണ്ടിക്കാട്ടിയതുപോലെ ഗസയിലെ ഫലസ്തീനികള്‍ക്കെതിരായ ഇസ്രഈല്‍ ആക്രമണങ്ങളിലും ഉപരോധങ്ങളിലും ലോകം മുഴുവന്‍ മൗനം പുലര്‍ത്തുമ്പോള്‍, തികഞ്ഞ നിശ്ചയദാര്‍ഢ്യത്തോടെ ഫലസ്തീന്‍ തീരത്തേക്ക് സഹായങ്ങളുമായി തിരിച്ചിരിക്കുകയാണ് തെന്‍ബെര്‍ഗ് അടക്കമുള്ള 12 അംഗസംഘം.

Content Highlight: Who are the fighters in the Freedom Flotilla?