ഇന്ത്യക്കെതിരെ കളത്തിലിറങ്ങുന്നതിന് മുമ്പേ വെസ്റ്റ് ഇന്‍ഡീസിന് കിട്ടിയത് എട്ടിന്റെ പണി!

ഇന്ത്യക്കെതിരെ വരാനിരിക്കുന്ന രണ്ട് ടെസ്റ്റ് മത്സരങ്ങളടങ്ങുന്ന പരമ്പരയ്ക്ക് മുന്നോടിയി വെസ്റ്റ് ഇന്‍ഡീസിന് വമ്പന്‍ തിരിച്ചടി. ടീമിലെ രണ്ട് ഫാസ്റ്റ് ബൗളര്‍മാരാണ് പുറത്തായിരിക്കുന്നത്. ഷമര്‍ ജോസഫ്, അല്‍സാരി ജോസഫ് എന്നിവരാണ് പരിക്കിനെ തുടര്‍ന്ന് ടീമില്‍ നിന്ന് പുറത്തായത്. ടീമിന്റെ പ്രധാന ബൗളര്‍മാരുടെ വിടവ് വിന്‍ഡീസിന് വലിയ തിരിച്ചടിയാണ് നല്‍കിയിരിക്കുന്നത്. വെസ്റ്റ് ഇന്‍ഡീസ് ക്രിക്കറ്റ് ഒരു ഔദ്യോഗിക പ്രസ്താവനയിലാണ് വിവരം അറിയിച്ചത്.

അല്‍സാരി ജോസഫിന് കടുത്ത പുറം വേദനയുണ്ടായതുകൊണ്ടാണ് ടീമില്‍ നിന്ന് മാറ്റിയത്. മാത്രമല്ല താരത്തിന് പകരമായി ജെഡിയ ബ്ലേഡ്‌സാണ് വിന്‍ഡീസിന് പകരക്കാരമായി ഇറങ്ങിയത്. മാത്രമല്ല ഫിറ്റ് നസ് പ്രശ്‌നങ്ങള്‍ കാരണം ഓള്‍റൗണ്ടര്‍ ജേസണ്‍ ഹോള്‍ഡറേയും വിന്‍ഡീസിന് ടീമിലെടുക്കാന്‍ സാധിച്ചിരുന്നില്ല. ഓസ്‌ട്രേലിയക്കെതിരെ കഴിഞ്ഞ ടെസ്റ്റ് മത്സരങ്ങളില്‍ അല്‍സാരി ജോസഫും ഷമര്‍ ജോസഫും മികച്ച പ്രകടനം നടത്തിയിരുന്നു.

അതേസമയം ഇന്ത്യയും വെസ്റ്റ് ഇന്‍ഡീസും തമ്മിലുള്ള പരമ്പര ഒക്ടോബര്‍ രണ്ടിനാണ് ആരംഭിക്കുന്നത്. ഗുജറാത്തിലെ അഹമ്മദാബാദ് സ്റ്റേഡിയത്തിലാണ് ആദ്യ മത്സരം ആരംഭിക്കുന്നത്. രണ്ടാം ടെസ്റ്റ് ഒക്ടോബര്‍ 10 മുതല്‍ 14 വരെ അരുണ്‍ ജെയ്റ്റ്‌ലി സ്റ്റേഡിയത്തിലാണ് നടക്കുന്നത്.

വെസ്റ്റ് ഇന്‍ഡീസ് സ്‌ക്വാഡ്

റോസ്റ്റണ്‍ ചേസ് (ക്യാപ്റ്റന്‍), ജോമെല്‍ വാരിക്കന്‍ (വൈസ് ക്യാപ്റ്റന്‍), കെവ്‌ലോണ്‍ ആന്‍ഡേഴ്‌സണ്‍, അലിക്ക് അത്തനാസ്, ജോണ്‍ കാംബെല്‍, ടാഗെനറൈന്‍ ചന്ദര്‍പോള്‍, ജസ്റ്റിന്‍ ഗ്രീവ്‌സ്, ഷായ് ഹോപ്പ്, ടെവിന്‍ ഇംലാച്ച്, അല്‍സാരി ജോസഫ്, ഷാമര്‍ ജോസഫ്, ബ്രന്‍ഡന്‍ കിങ്, ആന്‍ഡേഴ്‌സണ്‍ ഫിലിപ്പ്, ഖാരി പിയറി, ജെയ്ഡന്‍ സീല്‍സ്

ഇന്ത്യന്‍ സ്‌ക്വാഡ്

ശുഭ്മാന്‍ ഗില്‍ (ക്യാപ്റ്റന്‍), യശസ്വി ജെയ്‌സ്വാള്‍, കെ.എല്‍. രാഹുല്‍, സായ് സുദര്‍ശന്‍, ദേവദത്ത് പടിക്കല്‍, ധ്രുവ് ജുറേല്‍ (വിക്കറ്റ് കീപ്പര്‍), രവീന്ദ്ര ജഡേജ (വൈസ് ക്യാപ്റ്റന്‍), വാഷിങ്ടണ്‍ സുന്ദര്‍, ജസ്പ്രീത് ബുംറ, അക്‌സര്‍ പട്ടേല്‍, നിതീഷ് കുമാര്‍ റെഡ്ഡി, എന്‍ ജഗദീശന്‍ (വിക്കറ്റ് കീപ്പര്‍), മപഹമ്മദ് സിറാജ്, പ്രസിദ് കൃഷ്ണ, കുല്‍ദീപ് യാദവ്

Content Highlight: West Indies suffer a major setback ahead of the Indian Test series