സൗത്ത് ആഫ്രിക്കയ്ക്കെതിരായ ഏകദിന പരമ്പര ഇന്ത്യ സ്വന്തമാക്കിയിരുന്നു. സീരീസ് ഡിസൈഡറില് പ്രോട്ടിയാസ് ഉയര്ത്തിയ 270 റണ്സിന്റെ വിജയലക്ഷ്യം 39.5 ഓവറില് ഇന്ത്യ മറികടന്നാണ് ഇന്ത്യ വിജയം സ്വന്തമാക്കിയത്.
പരമ്പരയില് തകര്പ്പന് പ്രകടനമാണ് സൂപ്പര് താരം വിരാട് കോഹ്ലി കാഴ്ചവെച്ചത്. രണ്ട് സെഞ്ച്വറിയും ഒരു അര്ധ സെഞ്ച്വറിയും ഉള്പ്പെടെ 302 റണ്സാണ് താരം പരമ്പരയില് നിന്ന് സ്വന്തമാക്കിയത്. മാത്രമല്ല അന്താരാഷ്ട്ര ക്രിക്കറ്റില് 84ാം സെഞ്ച്വറി പൂര്ത്തിയാക്കാനും വിരാടിന് സാധിച്ചിരുന്നു.
ഇതോടെ മറ്റൊരു മിന്നും നേട്ടത്തിലും വിരാട് തന്റെ പേര് എഴുതിച്ചേര്ത്തിരിക്കുകയാണ്. ഒരു അന്താരാഷ്ട്ര ക്രിക്കറ്റ് ഫോര്മാറ്റിലെ ഒരേ ബാറ്റിങ് പൊസിഷനില് നിന്ന് ഏറ്റവും കൂടുതല് സെഞ്ച്വറി നേടുന്ന താരമെന്ന നേട്ടമാണ് വിരാട് സ്വന്തമാക്കിയത്. ഈ നേട്ടത്തില് ഇതിഹാസ താരം സച്ചിന് ടെന്ഡുല്ക്കറിനെ മറികടന്നാണ് താരം ഈ നേട്ടത്തിലെത്തിയത്. മൂന്നാം നമ്പറില് ഇറങ്ങിയാണ് വിരാട് സെഞ്ച്വറികള് വാരിക്കൂട്ടിയത്.
സച്ചിന് ടെന്ഡുല്ക്കര് – നാലാം നമ്പര് – 44 (ടെസ്റ്റ്)
അതേസമയം അന്താരാഷ്ട്ര ക്രിക്കറ്റില് ഏറ്റവും കൂടുതല് സെഞ്ച്വറിയടിച്ച താരമെന്ന സച്ചിന്റെ റെക്കോഡിനൊപ്പമെത്താന് വിരാടിന് ഇനി 16 സെഞ്ച്വറിരളാണ് ആവശ്യമുള്ളത്. 100 സെഞ്ച്വറികള് സച്ചിന് നേടിയപ്പോള് റെക്കോഡ് ലിസ്റ്റിലെ രണ്ടാമന് വിരാട് കോഹ്ലി 84 സെഞ്ച്വറികളും നേടി. നിലവില് ഏകദിനത്തില് മാത്രം കളിക്കുന്ന വിരാടിന് സച്ചിന്റെ റെക്കോഡിനൊപ്പമെത്താന് കഴിയുമോ എന്നത് വലിയൊരു ചോദ്യചിഹ്നമാണ്.
ഇനി ഇന്ത്യയുടെ മുന്നിലുള്ളത് പ്രോട്ടിയാസിനെതിരെയുള്ള അഞ്ച് മത്സരങ്ങള് അടങ്ങുന്ന പരമ്പരയാണ്. ഡിസംബര് ഒമ്പതിന് ഒഡീഷയിലെ ബരാബതി സ്റ്റേഡിയത്തിലാണ് ആദ്യ മത്സരം അരങ്ങേറുന്നത്.
Content Highlight: Virat Kohli Surpass Sachin Tendulkar In a Great Record Achievement
