![?php echo $post['title']; ?>](https://assets.doolnews.com/w/900x473/2025/11/virat-kohli-3.jpg)
സൗത്ത് ആഫ്രിക്കയും ഇന്ത്യയും തമ്മിലുള്ള രണ്ടാം ഏകദിന മത്സരം റായ്പൂരില്‍ പുരോഗമിക്കുകയാണ്. നിലവില്‍ മത്സരത്തില്‍ ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ ഇന്ത്യ 29 ഓവര്‍ പൂര്‍ത്തിയായപ്പോള്‍ രണ്ട് വിക്കറ്റ് നഷ്ട്ത്തില്‍ 198 റണ്‍സാണ് നേടിയത്.
14 റണ്‍സ് നേടിയ രോഹിത്തിനെയും 22 റണ്‍സ് നേടിയ യശസ്വി ജെയ്‌സ്വാളിനെയുമാണ് ഇന്ത്യയ്ക്ക് നഷ്ടമായത്. നിലവില്‍ അര്‍ധ സെഞ്ച്വറി നേടിയ റിതുരാജ് ഗെയ്ക്വാദും വിരാട് കോഹ്‌ലിയുമാണ് ക്രീസിലുള്ളത്. ഗെയ്ക്വാദ് 69 പന്തില്‍ 79 റണ്‍സും വിരാട് 59 പന്തില്‍ 63 റണ്‍സുമാണ് നേടിയത്. 100+ റണ്‍സിന്റെ പാര്‍ട്ണര്‍ഷിപ്പും താരങ്ങള്‍ നേടിയിട്ടുണ്ട്.
Half-century for Ruturaj Gaikwad!
He gets to his 2nd ODI FIFTY 👏👏
1⃣5⃣0⃣ up for #TeamIndia!
Updates ▶️ https://t.co/oBs0Ns6SqR#INDvSA | @IDFCFIRSTBank | @Ruutu1331 pic.twitter.com/WUlruZqfKR
— BCCI (@BCCI) December 3, 2025
അര്‍ധ സെഞ്ച്വറി നേടിയതോടെ ഒരു സൂപ്പര്‍ റെക്കോഡും വിരാട് സ്വന്തമാക്കിയിരിക്കുകയാണ്. സൗത്ത് ആഫ്രിക്കയ്‌ക്കെതിരെ ഏകദിനത്തില്‍ ഏറ്റവും കൂടുതല്‍ തവണ 50+ സ്‌കോര്‍ നേടുന്ന ഇന്ത്യന്‍ താരമെന്ന നേട്ടമാണ് വിരാട് സ്വന്തമാക്കിയത്. ഈ നേട്ടത്തില്‍ മുന്‍ താരം രാഹുല്‍ ദ്രാവിഡിനെ മറികടന്നാണ് വിരാട് ഒന്നാമനായത്.
സൗത്ത് ആഫ്രിക്കയ്‌ക്കെതിരെ ഏകദിനത്തില്‍ ഏറ്റവും കൂടുതല്‍ തവണ 50+ സ്‌കോര്‍ നേടുന്ന ഇന്ത്യന്‍ താരം, എണ്ണം, ഇന്നിങ്‌സ് എന്ന ക്രമത്തില്‍
വിരാട് കോഹ്‌ലി – 15 – 31
രാഹുല്‍ ദ്രാവിഡ് – 14 – 36
സച്ചിന്‍ ടെന്‍ഡുല്‍ക്കര്‍ – 13 – 57
സൗരവ് ഗാംഗുലി – 11 – 29
ശിഖര്‍ ധവാന്‍ – 9 – 23
ഇന്ത്യന്‍ പ്ലെയിങ് ഇലവന്‍
രോഹിത് ശര്‍മ, യശസ്വി ജെയ്‌സ്വാള്‍, വിരാട് കോഹ്‌ലി, റുതുരാജ് ഗെയ്ക്ക്വാദ്, വാഷിങ്ടണ്‍ സുന്ദര്‍, കെ.എല്‍. രാഹുല്‍ (ക്യാപ്റ്റന്‍, വിക്കറ്റ് കീപ്പര്‍), രവീന്ദ്ര ജഡേജ, ഹര്‍ഷിത് റാണ, അര്‍ഷ്ദീപ് സിങ്, കുല്‍ദീപ് യാദവ്, പ്രസിദ്ധ് കൃഷ്ണ
സൗത്ത് ആഫ്രിക്കന്‍ പ്ലെയിങ് ഇലവന്‍
എയ്ഡന്‍ മാര്‍ക്രം, ക്വിന്റണ്‍ ഡി കോക്ക് (വിക്കറ്റ് കീപ്പര്‍), തെംബ ബാവുമ (ക്യാപ്റ്റന്‍), മാത്യൂ ബ്രീറ്റ്‌സ്‌കി, ടോണി ഡി സോര്‍സി, ഡെവാള്‍ഡ് ബ്രെവിസ്, മാര്‍ക്കോ യാന്‍സന്‍, കോര്‍ബിന്‍ ബോഷ്, കേശവ് മഹാരാജ്, നന്ദ്രേ ബര്‍ഗര്‍, ലുങ്കി എന്‍ഗിഡി
Content Highlight: Virat Kohli In Great Record Achievement Against South Africa
