പാരാലിംപിക്സില് ഇന്ത്യയ്ക്ക് രണ്ടാം സ്വര്ണ്ണം; ജാവലിന് ത്രോയില് ലോക റെക്കോഡ്
സ്പോര്ട്സ് ഡെസ്ക്
Monday, 30th August 2021, 4:58 pm
ടോക്കിയോ: പാരാലിംപിക്സില് ഇന്ത്യയ്ക്ക് രണ്ടാം സ്വര്ണ്ണം. ജാവലിന് ത്രോയില് സുമിത് ആന്റലിലൂടെയാണ് ഇന്ത്യയുടെ സ്വര്ണ്ണനേട്ടം.
ലോകറെക്കോഡോടെയാണ് സുമിതിന്റെ നേട്ടം. 68.95 മീറ്ററാണ് സുമിത് എറിഞ്ഞിട്ടത്.
പാരാലിംപിക്സില് ഇന്ത്യയുടെ ഏഴാം മെഡലാണിത്. 2016 ല് ഇന്ത്യ നാല് മെഡലാണ് നേടിയിരുന്നത്.
നേരത്തെ ഷൂട്ടിംഗിലാണ് ഇന്ത്യ ആദ്യ സ്വര്ണ്ണം നേടിയിരുന്നത്. അവനി ലെഖാരയാണ് ഇന്ത്യയ്ക്ക് അഭിമാന നേട്ടം സമ്മാനിച്ചത്.
10 മീറ്റര് എയര് റൈഫിള് വിഭാഗത്തിലാണു നേട്ടം. പാരാലിംപിക്സില് സ്വര്ണ മെഡല് നേടുന്ന ആദ്യ ഇന്ത്യന് വനിതയെന്ന റെക്കോര്ഡും അവനി സ്വന്തമാക്കി.
