ടി.എന്.പി.എല്ലില് നെല്ലായ് റോയല് കിങ്സിനെ പരാജയപ്പെടുത്തി സെയ്ചെം മധുരൈ പാന്തേഴ്സിന് തകര്പ്പന് വിജയം. സേലം ക്രിക്കറ്റ് ഫൗണ്ടേഷന് സ്റ്റേഡിയത്തില് നടന്ന മത്സരത്തില് പത്ത് റണ്സിന്റെ വിജയമാണ് പാന്തേഴ്സ് സ്വന്തമാക്കിയത്. 19ാം ഓവറില് ഹാട്രിക് അടക്കം നാല് വിക്കറ്റ് വീഴ്ത്തിയ സൂര്യ ആനന്ദിന്റെ കരുത്തിലാണ് പാന്തേഴ്സ് വിജയിച്ചുകയറിയത്.
മത്സരത്തില് ആദ്യം ബാറ്റ് ചെയ്ത പാന്തേഴ്സ് നിശ്ചിത ഓവറില് ഒമ്പത് വിക്കറ്റ് നഷ്ടത്തില് 168 റണ്സ് നേടി. മറുപടി ബാറ്റിങ്ങിനിറങ്ങിയ റോയല് കിങ്സിന് 18.5 ഓവറില് 158 റണ്സ് മാത്രമാണ് കണ്ടെത്താന് സാധിച്ചത്.
𝗧𝗵𝗲 𝗿𝗲𝗮𝗹 𝗜𝗺𝗽𝗮𝗰𝘁 𝗣𝗹𝗮𝘆𝗲𝗿 – 𝗦𝘂𝗿𝘆𝗮!🔥
SMP won by 10 runs! 🏏#SiechemMaduraiPanthers #PoduSakkaPodu #TNPL2025 pic.twitter.com/FnhNodCUwz— Siechem Madurai Panthers (@maduraipanthers) June 18, 2025
ടോസ് നഷ്ടപ്പെട്ട് ബാറ്റിങ്ങിനിറങ്ങിയ പാന്തേഴ്സ് ബി. അനിരുദ്ധ് സീത രാം, അതീഖ് ഉര് റഹ്മാന് എന്നിവരുടെ കരുത്തിലാണ് മോശമല്ലാത്ത സ്കോറിലെത്തിയത്. അനിരുദ്ധ് 37 പന്തില് 48 റണ്സ് നേടിയപ്പോള് 27 പന്തില് 36 റണ്സാണ് അതീഖ് സ്കോര് ബോര്ഡിലേക്ക് ചേര്ത്തുവെച്ചത്. എട്ട് പന്തില് 24 റണ്സ് നേടിയ ഗുര്ജാപ്നീത് സിങ്ങിന്റെ പ്രകടനവും പാന്തേഴ്സ് നിരയില് നിര്ണായകമായി.
𝐌𝐫.𝐑𝐞𝐥𝐢𝐚𝐛𝐥𝐞 𝐚𝐭 𝐭𝐡𝐞 𝐜𝐫𝐞𝐚𝐬𝐞!
Anirudh Sitaram with a classy 48(37) ⚡#SiechemMaduraiPanthers #PoduSakkaPodu #TNPL2025 pic.twitter.com/AF9bO83sN9— Siechem Madurai Panthers (@maduraipanthers) June 19, 2025
