നമ്മുടെ സങ്കടങ്ങളും ആഗ്രഹങ്ങളൊക്കെ ദൈവത്തോട് പറയാനല്ലേ നമ്മൾ അമ്പലത്തിൽ പോകുന്നത്. ദൈവം തിരിച്ച് മറുപടിയൊന്നും തന്നില്ലെങ്കിലും സാരമില്ല, പോയി കാര്യങ്ങളൊക്കെ പറഞ്ഞ് മനസൊക്കെ ഒന്ന് ശാന്തമാക്കി തിരിച്ചുവരും അല്ലേ. എന്നാൽ ദൈവം ഇനി തിരിച്ച് മറുപടി തരാൻ തുടങ്ങിയാലോ? ഏയ് അതൊക്കെ നടക്കുമോ? ഇനി അത്ഭുതം വല്ലതുമാണോ എന്നാവും അല്ലെ ചിന്തിക്കുന്നത്? എന്നാൽ കേട്ടോളു.. ഇനി മുതൽ ദൈവം മറുപടി തരും. പക്ഷേ അതിന് നമ്മൾ മലേഷ്യയിൽ പോകണമെന്ന് മാത്രം. അങ്ങ് ദൂരെ തെക്കൻ മലേഷ്യയിലെ ജോഹോറിലെ ടിയാൻഹോ ക്ഷേത്രത്തിലാണ് സംസാരിക്കുന്ന ഈ ദൈവം ഉള്ളത്.