2025 ഐ.സി.സി വനിതാ ഏകദിന ലോകകപ്പ് ഫൈനലിനുള്ള കാത്തിരിപ്പിലാണ് ആരാധകര്. ഇംഗ്ലണ്ടിനെ തോല്പ്പിച്ചെത്തിയ സൗത്ത് ആഫ്രിക്കയും ഡിഫന്ഡിങ് ചാമ്പ്യന്മാരായിരുന്ന ഓസ്ട്രേലിയെ പരാജയപ്പെടുത്തിയെത്തിയ ഇന്ത്യയുമാണ് കിരീടത്തിനായി പോരാടുന്നത്.
ഇരു ടീമുകളും ആദ്യ കിരീടമാണ് ലക്ഷ്യമിടുന്നത്. പ്രോട്ടിയാസ് തങ്ങളുടെ ക്രിക്കറ്റ് ചരിത്രത്തിലെ ആദ്യ ഫൈനല് കളിക്കുമ്പോള് മൂന്നാം ഫൈനലിനാണ് ഇന്ത്യ ഇറങ്ങുന്നത്. ഫൈനലില് വിജയിക്കുന്നത് ആര് തന്നെയാണെങ്കിലും പുതിയ ചാമ്പ്യന്മാര് പിറവിയെടുക്കും.
ലോകകപ്പ് ചരിത്രം പരിശോധിക്കുമ്പോള് ഈ ഫൈനല് പോരാട്ടത്തിന് പ്രത്യേകതകളും ഏറെയാണ്. 1973ല് ആരംഭിച്ച ടൂര്ണമെന്റില് ഇതാദ്യമായാണ് ഓസ്ട്രേലിയയോ ഇംഗ്ലണ്ടോ ഇല്ലാത്ത ഫൈനല് സംഭവിക്കുന്നത്.
മാരിസന് കാപ്പ് ഫൈഫറുമായി തിളങ്ങി. ഇതോടെ വനിതാ ലോകകപ്പില് ഏറ്റവുമധികം വിക്കറ്റ് വീഴ്ത്തുന്ന താരങ്ങളുടെ പട്ടികയില് ക്രിക്കറ്റ് ഇതിഹാസം ജുലന് ഗോസ്വാമിയെ മറികടന്ന് ഒന്നാമതെത്തി.
വനിതാ ഏകദിന ഫോര്മാറ്റിന്റെ ചരിത്രം തന്നെ തിരുത്തിക്കുറിച്ചാണ് ഇന്ത്യ രണ്ടാം സെമിയില് ഓസ്ട്രേലിയയെ പരാജയപ്പെടുത്തിയത്. വനിതാ ഏകദിനത്തിലെ ഏറ്റവുമുയര്ന്ന സക്സസ്ഫുള് റണ് ചെയ്സിന്റെ റെക്കോഡ് സ്വന്തമാക്കിയായിരുന്നു ഇന്ത്യയുടെ ഫൈനല് പ്രവേശം.
ഓസ്ട്രേലിയ ഉയര്ത്തിയ 339 റണ്സിന്റെ വിജയലക്ഷ്യം ഒമ്പത് പന്ത് ശേഷിക്കെ ഇന്ത്യ മറികടക്കുകയായിരുന്നു. ജെമീമ റോഡ്രിഗസിന്റെ സെഞ്ച്വറിയുടെയും ക്യാപ്റ്റന് ഹര്മന്പ്രീത് കൗറിന്റെ മികച്ച പ്രകടനവുമാണ് ഇന്ത്യയ്ക്ക് വിജയം സമ്മാനിച്ചത്.
അതേസമയം, തുല്യശക്തികളുടെ പോരാട്ടത്തിനാണ് ഇന്നത്തെ ഫൈനല് സാക്ഷ്യം വഹിക്കൊനാരുങ്ങുത്. ഇരു ടീമിന്റെയും ക്യാപ്റ്റന്മാരുടെ കരുത്തില് തന്നെയാണ് ആരാധകരുടെ പ്രതീക്ഷ. ഒപ്പം ഇന്ത്യയുടെയും പ്രോട്ടിയാസിന്റെയും ബൗളര്മാരും ഓള് റൗണ്ടര്മാരും മികച്ച ഫോമിലാണ് എന്നതിലാല് തന്നെ പോരാട്ടങ്ങളുടെ പോരാട്ടത്തില് വിജയികളെ പ്രവചിക്കുക ഒട്ടും എളുപ്പമാകില്ല.
Content Highlight: The first ICC Women’s ODI World Cup final without England or Australia
