ഇന്ത്യയും ഓസ്ട്രേലിയയും തമ്മിലുള്ള നാലാം ടി-20 മത്സരം നടക്കുകയാണ്. കരാരയിലെ ഹെറിറ്റേജ് ബാങ്ക് സ്റ്റേഡിയത്തിലാണ് മത്സരം നടക്കുന്നത്. മത്സരത്തില് ടോസ് നേടിയ ഓസീസ് ഇന്ത്യയെ ബാറ്റിങ്ങിന് അയച്ചിരിക്കുകയാണ്. നിലവില് മത്സരത്തില് 17 ഓവര് പൂര്ത്തിയായപ്പോള് ആറ് വിക്കറ്റ് നഷ്ടത്തില് 137 റണ്സാണ് ഇന്ത്യ നേടിയത്.
അഭിഷേക് ശര്മയേയാണ് ഇന്ത്യയ്ക്ക് ആദ്യം നഷ്ടമായത്. ടീം 56 റണ്സ് നേടി നില്ക്കവെയാണ് അഭിഷേക് പുറത്തായത്. 21 പന്തില് മൂന്ന് ഫോറും ഒരു സിക്സും ഉള്പ്പെടെ 28 റണ്സാണ് താരം നേടിയത്. ശേഷം ഇറങ്ങിയ ശിവം ദുബെ 18 പന്തില് 22നും മടങ്ങി. വൈസ് ക്യാപ്റ്റന് ശുഭ്മന് ഗില് 39 പന്തില് നാല് ഫോറും ഒരു സിക്സും ഉള്പ്പെടെ 46 റണ്സിനാണ് കൂടാരം കയറിയത്.
ക്യാപ്റ്റന് സൂര്യകുമാര് യാദവ് 10 പന്തില് നിന്ന് രണ്ട് സിക്സര് ഉള്പ്പെടെ 20 റണ്സ് നേടിയാണ് പുറത്തായത്. 200 സ്ട്രൈക്ക് റേറ്റിലാണ് താരം ബാറ്റ് വീശിയത്. ഇതോടെ ഒരു തകര്പ്പന് റെക്കോഡും ഇന്ത്യ സൂര്യ നേടിയിരിക്കുകയാണ്. അന്താരാഷ്ട്ര ടി-20യിലെ ഒരു ഇന്നിങ്സില് ഏറ്റവും കൂടുതല് തവണ 200+ സട്രൈക്ക് റേറ്റുള്ള താരമാകാനാണ് സൂര്യക്ക് സാധിച്ചത്.
സൂര്യകുമാര് യാദവ് (ഇന്ത്യ) – 21
ആന്ദ്രെ റസല് (വെസ്റ്റ് ഇന്ഡീസ്) – 21
ഷാഹിദ് അഫ്രീദി (പാകിസ്ഥാന്) – 21
മിച്ചല് മാര്ഷ് (ക്യാപ്റ്റന്), മാത്യു ഷോര്ട്ട്, ജോഷ് ഇംഗ്ലിസ് (വിക്കറ്റ് കീപ്പര്), ടിം ഡേവിഡ്, ജോഷ് ഫിലിപ്പ്, മാര്ക്കസ് സ്റ്റോയിനിസ്, ഗ്ലെന് മാക്സ്വെല്, ബെന് ഡ്വാര്ഷിസ്, സേവ്യര് ബാര്ട്ട്ലെറ്റ്, നഥാന് എല്ലിസ്, ആദം സാംപ
അഭിഷേക് ശര്മ, ശുഭ്മന് ഗില്, സൂര്യകുമാര് യാദവ് (ക്യാപ്റ്റന്), തിലക് വര്മ, അക്സര് പട്ടേല്, വാഷിങ്ടണ് സുന്ദര്, ജിതേഷ് ശര്മ (വിക്കറ്റ് കീപ്പര്), ശിവം ദുബെ, അര്ഷ്ദീപ് സിങ്, വരുണ് ചക്രവര്ത്തി, ജസ്പ്രീത് ബുംറ
Content Highlight: Suryakumar Yadav In Great Record Achievement In T-20i
