ഐ.സി.സി ചാമ്പ്യന്സ് ട്രോഫി സ്ക്വാഡില് സൂപ്പര് താരം സൂര്യകുമാര് യാദവിന് ഇടം ലഭിക്കാത്തതില് പ്രതികരണവുമായി മുന് ഇന്ത്യന് സൂപ്പര് താരം സുരേഷ് റെയ്ന. സൂര്യകുമാറിന്റെ സാന്നിധ്യം ഇന്ത്യന് നിരയില് നിര്ണായകമാകുമെന്നും എതിരാളികള്ക്കുമേല് ആധിപത്യം സൃഷ്ടിക്കാന് സൂര്യകുമാറിന്റെ വ്യത്യസ്തമായ ബാറ്റിങ് ശൈലിക്ക് സാധിക്കുമെന്നും റെയ്ന പറഞ്ഞു.
സ്റ്റാര് സ്പോര്ട്സിലെ ചര്ച്ചയിലാണ് റെയ്ന ഇക്കാര്യം പറഞ്ഞത്.
‘ഇന്ത്യയുടെ മിഡില് ഓര്ഡറില് സൂര്യകുമാറിന്റെ സാന്നിധ്യമുണ്ടായിരുന്നെങ്കില് ഉറപ്പായും അതൊരു എക്സ് ഫാക്ടറായി മാറിയേനെ. ഉറപ്പായും അവന് ഇല്ലാത്തത് ഇന്ത്യയ്ക്ക് വലിയ തിരിച്ചടിയാകും. ഇതോടെ നിലവില് മികച്ച ഫോമിലല്ലാത്ത ടോപ് ഓര്ഡറിന് റണ്സ് നേടാനുള്ള ഉത്തരവാദിത്തം കൂടുകയാണ്,’ റെയ്ന പറഞ്ഞു.
അതേസമയം, ഇംഗ്ലണ്ടിന്റെ ഇന്ത്യന് പര്യടനത്തിലെ ടി-20 പരമ്പരയ്ക്കുള്ള മുന്നൊരുക്കത്തിലാണ് ഇന്ത്യന് ടീം. സൂര്യകുമാര് യാദവിന്റെ നേതൃത്വത്തിലാണ് ഇന്ത്യ ഇംഗ്ലണ്ടിനെ നേരിടുക. അഞ്ച് മത്സരങ്ങളുടെ പരമ്പരയാണ് ഇംഗ്ലണ്ട് ഇന്ത്യയിലെത്തി കളിക്കുക.
ജനുവരി 22നാണ് പരമ്പരയിലെ ആദ്യ മത്സരം. കൊല്ക്കത്തയിലെ ഈഡന് ഗാര്ഡന്സാണ് വേദി.
ഇംഗ്ലണ്ടിന്റെ ഇന്ത്യന് പര്യടനത്തിലെ ടി-20 പരമ്പര
ആദ്യ മത്സരം: ജനുവരി 22, ബുധന് – ഈഡന് ഗാര്ഡന്സ്
രണ്ടാം മത്സരം: ജനുവരി 25 – എം.എ ചിദംബരം സ്റ്റേഡിയം
മൂന്നാം മത്സരം: ജനുവരി 28 – സൗരാഷ്ട്ര ക്രിക്കറ്റ് അസോസിയേഷന് സ്റ്റേഡിയം
നാലാം മത്സരം: ജനുവരി 31 – മഹാരാഷ്ട്ര ക്രിക്കറ്റ് അസോസിയേഷന് സ്റ്റേഡിയം
