മലയാളികള്ക്ക് ഇന്നും ഏറെ പ്രിയപ്പെട്ട നടിയാണ് സുഹാസിനി. 1980ല് നെഞ്ചത്തൈ കിള്ളാതെ എന്ന തമിഴ് ചിത്രത്തിലൂടെയാണ് സുഹാസിനി തന്റെ സിനിമാ കരിയര് ആരംഭിക്കുന്നത്. 1983ല് പുറത്തിറങ്ങിയ കൂടെവിടെ എന്ന ചിത്രത്തിലൂടെയാണ് നടി മലയാള സിനിമയിലേക്കെത്തിയത്.
ഇത്രയും വര്ഷങ്ങള്ക്കിടയില് മണി രത്നത്തിന്റെ ഒരു സിനിമയില് പോലും അഭിനയിക്കാത്തത് എന്തുകൊണ്ടാണ് എന്ന ചോദ്യത്തിന് മറുപടി പറയുകയാണ് സുഹാസിനി. ഗലാട്ട തമിഴിന് നല്കിയ അഭിമുഖത്തില് സംസാരിക്കുകയായിരുന്നു നടി.
‘ആ ചോദ്യത്തിനുള്ള ഉത്തരം മണിയാണ് പറയേണ്ടത്. എന്നെ മണിയുടെ ആദ്യ സിനിമയിലേക്ക് വിളിച്ചിരുന്നു. പല്ലവി അനു പല്ലവി എന്ന സിനിമയായിരുന്നു അത്. പക്ഷെ അതില് എന്തോ കാരണം കൊണ്ട് ഞാന് അഭിനയിക്കില്ലെന്ന് പറയുകയായിരുന്നു.
പിന്നെ അഞ്ജലി എന്ന സിനിമയില് ഒരു ചാന്സ് ഉണ്ടായിരുന്നു. പക്ഷെ അപ്പോഴേക്കും രേവതി കോംപ്രമൈസായി തിരികെ വന്നു. രേവതിക്ക് അന്ന് എന്തോ ഒരു ഡേറ്റ് പ്രശ്നം ഉണ്ടായിരുന്നു. അതില് ഞാന് അഭിനയിക്കേണ്ടതായിരുന്നു,’ സുഹാസിനി പറയുന്നു.
Content Highlight: Suhasini Talk About Why She Didn’t Act Any Mani Ratnam Movies