ശ്രീലങ്ക ആതിഥേയത്വം വഹിക്കുന്ന ട്രൈനേഷന് സീരിസ് ഫൈനല് കൊളംബോയിലെ ആര്. പ്രേമദാസ സ്റ്റേഡിയത്തില് തുടരുകയാണ്. കലാശപ്പോരാട്ടത്തില് ഇന്ത്യയെയാണ് ആതിഥേയരായ ലങ്ക നേരിടുന്നത്.
മത്സരത്തില് ടോസ് നേടി ബാറ്റിങ് തെരഞ്ഞെടുത്ത ഇന്ത്യ വൈസ് ക്യാപ്റ്റന് സ്മൃതി മന്ഥാനയുടെ സെഞ്ച്വറി കരുത്തില് റണ്മല പടുത്തുയര്ത്തിയിരിക്കുകയാണ്. നിശ്ചിത ഓവറില് ഏഴ് വിക്കറ്റ് നഷ്ടത്തില് 324 റണ്സാണ് ഇന്ത്യ സ്വന്തമാക്കിയത്.
3⃣4⃣2⃣/7⃣
🔹 India’s fifth highest total in women’s cricket 👌
🔹 India’s highest total against Sri Lanka in Sri Lanka in women’s cricket 🙌
ക്യാപ്റ്റന് ചമാരി അത്തപ്പത്തുവടക്കം ലങ്കന് നിരയില് പന്തെറിഞ്ഞ എല്ലാ ബൗളര്മാരെയും ഒരുപോലെ ആക്രമിച്ചാണ് ഇന്ത്യ സ്കോര് പടുത്തുയര്ത്തിയത്. നാല് ലങ്കന് ബൗളര്മാര് 60ന് മേല് റണ്സ് വഴങ്ങുകയും ചെയ്തു.
ഇതോടെ ഒരു മോശം റെക്കോഡും ശ്രീലങ്കയുടെ പേരില് കുറിക്കപ്പെട്ടു. ഇന്ത്യയ്ക്കെതിരായ വനിതാ ഏകദിനത്തില് ഏറ്റവുമധികം ബൗളര്മാര് 60ലധികം റണ്സ് വിട്ടുകൊടുത്ത ടീമുകളില് രണ്ടാം സ്ഥാനത്താണ് ലങ്കയെത്തിയിരിക്കുന്നത്. സുഗന്ധിക ഒറ്റ റണ്സ് കൂടി വഴങ്ങിയിരുന്നെങ്കില് ഈ മോശം റെക്കോഡില് ലങ്ക ഒന്നാം സ്ഥാനത്തെത്തുമായിരുന്നു.
ഇന്ത്യയ്ക്കെതിരായ വനിതാ ഏകദിനത്തില് ഏറ്റവുമധികം ബൗളര്മാര് 60+ സ്കോര് വഴങ്ങിയ ടീം
(ടീം – എത്ര ബൗളര്മാര് 60+ സ്കോര് വഴങ്ങി – വേദി – വര്ഷം എന്നീ ക്രമത്തില്)
അതേസമയം, മറുപടി ബാറ്റിങ്ങിനിറങ്ങിയ ആതിഥേയര് 12 ഓവര് പിന്നിടുമ്പോള് ഒരു വിക്കറ്റ് നഷ്ടത്തില് 58 എന്ന നിലയിലാണ്. ബ്രോണ്സ് ഡക്കായി മടങ്ങിയ ഹാസിനി പെരേരയുടെ വിക്കറ്റാണ് ആതിഥേയര്ക്ക് നഷ്ടമായത്.
