വനിതാ ഏകദിനത്തില് ചരിത്രം കുറിച്ച് ഇന്ത്യന് താരം സ്മൃതി മന്ഥാന. ഒരു കലണ്ടര് വര്ഷം 1000 റണ്സ് തികക്കുന്ന ആദ്യ താരമായിരിക്കുകയാണ് ഇന്ത്യന് വൈസ് ക്യാപ്റ്റന്. ഐ.സി.സി വനിതാ ഏകദിന ലോകക്കപ്പില് ഓസ്ട്രേലിയക്കെതിരായ മത്സരത്തിലാണ് താരം ഈ നേട്ടത്തിലെത്തിയത്.
മത്സരത്തില് താരം 18 റണ്സ് നേടിയതോടെയാണ് മന്ഥാന ഈ നാഴികക്കല്ല് പിന്നിട്ടത്. അടുത്ത പന്തുകളില് ഫോറും സിക്സും അടിച്ചാണ് താരത്തിന്റെ ഈ ചരിത നേട്ടം. ഇന്ന് 17 മത്സരങ്ങളില് നിന്ന് 982 റണ്സ് എന്ന നിലയിലാണ് താരം കങ്കാരുക്കള്ക്കെതിരെ ബാറ്റിങ്ങിന് ഇറങ്ങിയത്.
𝗔 𝗺𝗼𝗻𝘂𝗺𝗲𝗻𝘁𝗮𝗹 𝗳𝗲𝗮𝘁 🙌
Smriti Mandhana now becomes the first batter to cross 1️⃣0️⃣0️⃣0️⃣ runs in ODIs (in Women’s Cricket) in a calendar year 👏
Updates ▶ https://t.co/VP5FlL2S6Y#TeamIndia | #WomenInBlue | #CWC25 | #INDvAUS | @mandhana_smriti pic.twitter.com/eNq0uYasiT
— BCCI Women (@BCCIWomen) October 12, 2025
ടൂര്ണമെന്റില് സൗത്ത് ആഫ്രിക്കക്കെതിരായ മത്സരത്തിലെ പ്രകടനത്തോടെ മന്ഥാന വനിത ഏകദിനത്തില് ഒരു കലണ്ടര് വര്ഷം ഏറ്റവും കൂടുതല് റണ്സ് നേടുന്ന താരമായിരുന്നു. ഓസ്ട്രേലിയന് ഇതിഹാസം ബെലിന്ഡ ക്ലാര്ക്കിനെ മറികടന്നായിരുന്നു ഈ നേട്ടം. ആ മത്സരത്തില് ഇന്ത്യന് ഓപ്പണര് 32 പന്തില് 23 റണ്സാണ് നേടിയത്.
(താരം – ടീം – മത്സരങ്ങള് – റണ്സ് – വര്ഷം എന്നീ ക്രമത്തില്)
സ്മൃതി മന്ഥാന – ഇന്ത്യ – 18 – 1000 – 2025*
ബെലിന്ഡ ക്ലാര്ക് – ഓസ്ട്രേലിയ – 16 – 970 – 1997
ലോറ വോള്വാര്ഡ് – സൗത്ത് ആഫ്രിക്ക – 18 – 882 – 2022
ഡെബ്ബി ഹോക്ലി – ന്യൂസിലന്ഡ് -16 – 880 – 1997
ആമി സാറ്റെര്ത്ത്വൈറ്റ് – ന്യൂസിലാന്ഡ് – 15 – 853 – 2016
Fluent 🤝 Effortless
Pratika Rawal gets to her first 5️⃣0️⃣ in #CWC25 🔥
1️⃣0️⃣0️⃣ up for #TeamIndia with the openers going strong 💪
Updates ▶ https://t.co/VP5FlL3pWw#WomenInBlue | #INDvAUS pic.twitter.com/SmvucsgRj8
— BCCI Women (@BCCIWomen) October 12, 2025
അതേസമയം, ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യ നിലവില് ഒരു വിക്കറ്റ് നഷ്ടത്തില് 177 റണ്സ് നേടിയിട്ടുണ്ട്. പ്രതിക റാവല് (91 പന്തില് 73*), ഹാര്ലിന് ഡിയോള് (11 പന്തില് 13*) എന്നിവരാണ് ക്രീസിലുളളത്.
ചരിത്രം സൃഷ്ടിച്ച മന്ഥാനയുടെ വിക്കറ്റാണ് ഇന്ത്യയ്ക്ക് നഷ്ടമായത്. 66 പന്തില് 80 റണ്സ് എടുത്താണ് താരം മടങ്ങിയത്. മൂന്ന് സിക്സും ഒമ്പത് ഫോറും അടങ്ങുന്നതായിരുന്നു താരത്തിന്റെ ഇന്നിങ്സ്. സോഫി മോളിനക്സാണ് ഇടം കൈയ്യന് ബാറ്ററുടെ വിക്കറ്റെടുത്തത്.
Content Highlight: Smriti Mandhana became first cricketer to complete 1000 runs in Women ODI history
