കളിയിലെ താരമായതോടെ ടെസ്റ്റ് പ്ലെയിങ് നേഷനുകളില് ഏറ്റവുമധികം ടി-20ഐ പ്ലയര് ഓഫ് ദി മാച്ച് പുരസ്കാരം സ്വന്തമാക്കുന്ന താരമെന്ന നേട്ടത്തില് റാസ ഒന്നാം സ്ഥാനത്ത് തുടരുകയാണ്. ഇത് 19ാം തവണയാണ് റാസ അന്താരാഷ്ട്ര ടി-20യില് പ്ലെയര് ഓഫ് ദി മാച്ച് പുരസ്കാരം സ്വന്തമാക്കുന്നത്.
അന്താരാഷ്ട്ര ടി-20യില് ഏറ്റവുമധികം പ്ലെയര് ഓഫ് ദി മാച്ച് പുരസ്കാരം നേടിയ താരങ്ങള് (ടെസ്റ്റ് പ്ലെയിങ് നേഷന്)
(താരം – ടീം – ഇന്നിങ്സ് – പി.ഒ.ടി.എം എന്നീ ക്രമത്തില്)
എന്നാല് ഏറ്റവുമധികം അന്താരാഷ്ട്ര ടി-20 മത്സരങ്ങളില് പ്ലെയര് ഓഫ് ദി മാച്ച് നേടിയ താരങ്ങളുടെ പട്ടികയെടുക്കുമ്പോള് റാസ രണ്ടാം സ്ഥാനത്താണ്. മലേഷ്യന് താരം വിരണ്ദീപ് സിങ്ങാണ് ഈ നേട്ടത്തില് ഒന്നാമത്. 104 മത്സരത്തില് 22 തവണയാണ് വിരണ്ദീപ് അന്താരാഷ്ട്ര കുട്ടിക്രിക്കറ്റില് കളിയിലെ താരമായത്.
ശ്രീലങ്കയ്ക്കായി വാനിന്ദു ഹസരങ്ക മൂന്ന് വിക്കറ്റുമായി തിളങ്ങി. ഇഷാന് മലിംഗ രണ്ട് വിക്കറ്റെടുത്തപ്പോള് ദുഷ്മന്ത ചമീരയും മഹീഷ് തീക്ഷണയും ഓരോ വിക്കറ്റ് വീതവും സ്വന്തമാക്കി.
മറുപടി ബാറ്റിങ്ങിനിറങ്ങിയ ലങ്കയ്ക്ക് തുടക്കം പാളി. ആദ്യ മൂന്ന് താരങ്ങളും ഒറ്റയക്കത്തിനും നാലാം നമ്പറില് ക്രീസിലെത്തിയ ഭാനുക രാജപക്സ 11 റണ്സിനും പുറത്തായി.
ക്യാപ്റ്റന് ദാസുന് ഷണക മാത്രമാണ് ചെറുത്തുനില്പിനെങ്കിലും ശ്രമിച്ചത്. 25 പന്ത് നേരിട്ട താരം 34ന് പുറത്തായി. ഷണകയ്ക്കും രാജപക്സയ്ക്കും പുറമെ എല്ലാവരും രണ്ടക്കം കാണാതെയാണ് പവലിയനിലേക്ക് തിരിച്ചുനടന്നത്.
ഒടുവില് 20 ഓവറില് ലങ്ക 95ന് പുറത്തായി. സിംബാബ് വേയ്ക്കായി ബ്രാഡ് ഇവന്സ് മൂന്ന് വിക്കറ്റും റിച്ചാര്ഡ് എന്ഗരാവ രണ്ട് വിക്കറ്റും സ്വന്തമാക്കി. ഗ്രെയം ക്രീമര്, ടിനോടെന്ഡ മപോസ, സിക്കന്ദര് റാസ, റയാന് ബേള് എന്നിവര് ഓരോ വിക്കറ്റും വീഴ്ത്തി.
Content Highlight: Sikandar Raza won 19th T20I POTM award
