കിവികളുടെ ചിറകരിയാൻ സഞ്ജു; ചരിത്ര നേട്ടത്തിനരികെ ചേട്ടൻ

വെസ്റ്റ് ഇൻഡീസിന്റെ ഇന്ത്യൻ പര്യടനത്തിന് ശേഷം ഓൾ ഫോർമാറ്റ് പരമ്പരകൾക്കായി ഇന്ത്യ ന്യൂസിലാൻഡിലേക്ക് പറക്കാൻ ഒരുങ്ങുകയാണ്. അഞ്ച് ടി-20യും അഞ്ച് ഏകദിനവും രണ്ട് ടെസ്റ്റുമാണ് ഇന്ത്യ ന്യൂസിലാൻഡിലെത്തി കളിക്കുക.

ഒക്ടോബർ 22നാണ് ടി-20 പരമ്പരക്ക് തുടക്കമാവുന്നത്. മലയാളി സൂപ്പർ താരം സഞ്ജു സാംസണും ടീമിൽ ഇടം നേടിയിട്ടിട്ടുണ്ട്. കരീബിയൻ പടക്കെതിരെ നടത്തിയ മികച്ച പ്രകടനം ന്യൂസിലാൻഡിലും സഞ്ജു ആവർത്തിക്കുമെന്നാണ് ആരാധകർ പ്രതീക്ഷിക്കുന്നത്.

ന്യൂസിലാൻഡിനെതിരെ തിളങ്ങിയാൽ കുട്ടി ക്രിക്കറ്റിൽ ഒരു പുതിയ നാഴികക്കല്ലും സഞ്ജുവിന് സ്വന്തമാക്കാൻ സാധിക്കും. ടി-20യിൽ 450 സിക്സുകൾ പൂർത്തിയാക്കാനുള്ള അവസരമാണ് സഞ്ജുവിന്റെ മുന്നിലുള്ളത്. ഇതുവരെ ടി-20യിൽ 439 സിക്സുകൾ നേടിയ സഞ്ജുവിന് 11 തവണ കൂടി ഗാലറിയിൽ പന്തെത്തിക്കാൻ സാധിച്ചാൽ ഈ അവിസ്മരണീയ നേട്ടത്തിലേക്ക് നടന്നു കയറാൻ സാധിക്കും.

ഇന്ത്യയുടെ ക്രിക്കറ്റ് ചരിത്രത്തിൽ രണ്ട് താരങ്ങൾ മാത്രമാണ് ടി-20യിൽ 450 സിക്സുകൾ നേടിയിട്ടുള്ളൂ. രോഹിത് ശർമയും വിരാട് കോഹ്‌ലിയും. ഈ ഇതിഹാസങ്ങൾക്ക് ശേഷം മൂന്നാമനായി സഞ്ജുവിനും തന്റെ പേര് സിക്സുകളുടെ റെക്കോർഡിൽ എഴുതിച്ചേർക്കാൻ സാധിക്കും.

ഇന്ത്യ, കേരളം രാജസ്ഥാൻ റോയൽസ്, ദൽഹി ഡെയർ ഡെവിൾസ്, ചെന്നൈ സൂപ്പർ കിങ്‌സ് എന്നീ ടീമുകൾക്ക് വേണ്ടിയാണ് സഞ്ജു ടി-20 യിൽ കളത്തിലിറങ്ങിയിട്ടുള്ളത്.

വെസ്റ്റ് ഇൻഡീസിനെതിരെ നടന്ന അഞ്ച് ടി-20 മത്സരങ്ങളുടെ പരമ്പരയിൽ മലയാളി താരം ഇന്നും പ്രകടനമായിരുന്നു നടത്തിയിരുന്നത്. രണ്ട് അർധ സെഞ്ച്വറികളായിരുന്നു സഞ്ജുവിന്റെ ബാറ്റിൽ നിന്നും പിറന്നത്.

റാഞ്ചിയിൽ നടന്ന മത്സരത്തിൽ 41 പന്തിൽ 82 റൺസാണ് സഞ്ജു അടിച്ചെടുത്തത്. ഒമ്പത് ഫോറും നാല് സിക്‌സറും അടക്കം 200.00 സ്‌ട്രൈക് റേറ്റിലായിരുന്നു മലയാളി താരത്തിന്റെ പ്രകടനം.

പിന്നീട് ഹൈദരാബാദിലും സഞ്ജു ഫിഫ്റ്റി നേടി തിളങ്ങി. മത്സരത്തിൽ 23 പന്തിൽ നിന്ന് നാല് സിക്‌സും ആറ് ഫോറും ഉൾപ്പെടെ 56 റൺസ് നേടിയാണ് സഞ്ജു തിളങ്ങിയത്. 243.48 എന്ന മികച്ച സ്‌ട്രൈക്ക് റേറ്റിലായിരുന്നു സഞ്ജുവിന്റെ ആക്രമണ ബാറ്റിങ്. ഈ മിന്നും പ്രകടനം കിവീസിനെതിരെയും സഞ്ജു ആവർത്തിക്കുമെന്നാണ് ആരാധകർ ഉറച്ചുവിശ്വസിക്കുന്നത്.

ന്യൂസിലാൻഡ് പരമ്പരക്കുള്ള ഇന്ത്യൻ ടി-20 സ്‌ക്വാഡ്

ശ്രേയസ് അയ്യർ (ക്യാപ്റ്റൻ), അഭിഷേക് ശർമ, സഞ്ജു സാംസൺ (വിക്കറ്റ് കീപ്പർ), ഇഷാൻ കിഷൻ (വിക്കറ്റ് കീപ്പർ), വൈഭവ് സൂര്യവംശി, തിലക് വർമ (വൈസ് ക്യാപ്റ്റൻ), അക്സർ പട്ടേൽ, ശിവം ദുബെ, നിതീഷ് കുമാർ റെഡ്ഡി, നമൻ ധിർ, മായങ്ക് യാദവ്, പ്രിൻസ് യാദവ്, അർഷ്ദീപ് സിങ്, ഭുവനേശ്വർ കുമാർ, വരുൺ ചക്രവർത്തി, കുൽദീപ് യാദവ്.

ടി-20 പരമ്പര ഷെഡ്യൂൾ

ആദ്യ മത്സരം: ഒക്ടോബർ 22 – ക്രൈസ്റ്റ് ചർച്ച്

രണ്ടാം മത്സരം: ഒക്ടോബർ 24 – ക്രൈസ്റ്റ് ചർച്ച്

മൂന്നാം മത്സരം: ഒക്ടോബർ 27 – വെല്ലിങ്ടൺ

നാലാം മത്സരം: ഒക്ടോബർ 30 – ഓക്ലാൻഡ്

അവസാന മത്സരം: നവംബർ 1 – ഹാമിൽടൺ

Content Highlight: Sanju Samson need 11 six to create a new milestone in T20 format