ഇംഗ്ലണ്ടിന്റെ ഇന്ത്യന് പര്യടനത്തിലെ നാലാം മത്സരത്തിലും സൂപ്പര് താരം സഞ്ജു സാംസണ് നിരാശനാക്കിയിരിക്കുകയാണ്. മഹാരാഷ്ട്ര ക്രിക്കറ്റ് അസോസിയേഷന് സ്റ്റേഡിയത്തില് നടക്കുന്ന മത്സരത്തില് മൂന്ന് പന്ത് നേരിട്ട് ഒറ്റ റണ്സിനാണ് സഞ്ജു പുറത്തായത്.
ആദ്യ മൂന്ന് മത്സരത്തിലും സ്റ്റാര് പേസര് ജോഫ്രാ ആര്ച്ചറിന് വിക്കറ്റ് നല്കി മടങ്ങിയ സഞ്ജു നാലാം മത്സരത്തില് സാഖിബ് മഹ്മൂദിനാണ് വിക്കറ്റ് നല്കിയത്.
4TH T20I. WICKET! 1.1: Sanju Samson 1(3) ct Brydon Carse b Saqib Mahmood, India 12/1 https://t.co/RmBLGBKcGd #INDvENG @IDFCFIRSTBank
— BCCI (@BCCI) January 31, 2025
എം.സി.എയിലും ഒറ്റയക്കത്തിന് മടങ്ങിയതോടെ ഒരു മോശം റെക്കോഡും സഞ്ജുവിനെ തേടിയെത്തി. അന്താരാഷ്ട്ര ടി-20ഐയില് തുടര്ച്ചയായ മൂന്നോ അതിലധികമോ മത്സരങ്ങളില് ഒറ്റയക്കത്തിന് പുറത്താകുന്ന ഓപ്പണര്മാരുടെ പട്ടികയിലാണ് സഞ്ജുവിന് ഇടം ലഭിച്ചത്.

ഇതിഹാസ താരം വിരേന്ദര് സേവാഗും വിരാട് കോഹ്ലിയും ശുഭ്മന് ഗില്ലും അടക്കമുള്ള താരങ്ങള് ഈ ലിസ്റ്റിന്റെ ഭാഗമാണ്.
അന്താരാഷ്ട്ര ടി-20യില് തുടര്ച്ചയായി മൂന്നോ അതിലധികമോ മത്സരങ്ങളില് ഒറ്റയക്കത്തിന് പുറത്താകുന്ന ഇന്ത്യന് ഓപ്പണര്മാര്
(താരം – സ്കോര് എന്നീ ക്രമത്തില്)
വിരേന്ദര് സേവാഗ് – 9, 5, 0, 1
മുരളി വിജയ് – 0, 2, 7, 5
കെ.എല്. രാഹുല് – 0, 1, 0, 0
കെ.എല്. രാഹുല് – 4, 9, 9
ഇഷാന് കിഷന് – 2, 1, 4
ശുഭ്മന് ഗില് – 3, 7, 6
ശുഭ്മന് ഗില് – 9, 0, 8
വിരാട് കോഹ്ലി – 1, 4, 0
അഭിഷേക് ശര്മ – 4, 7, 4
സഞ്ജു സാംസണ്* – 5, 3, 1
അതേസമയം, മത്സരത്തില് 11 ഓവര് പിന്നിടുമ്പോള് 79 റണ്സിന് അഞ്ച് വിക്കറ്റ് എന്ന നിലയിലാണ് ഇന്ത്യ. 26 പന്തില് 30 റണ്സ് നേടിയ റിങ്കു സിങ്ങിന്റെ വിക്കറ്റാണ് ഇന്ത്യയ്ക്ക് അവസാനമായി നഷ്ടമായത്.
ബ്രൈഡന് കാര്സിന്റെ പന്തില് സൂപ്പര് താരം ആദില് റഷീദിന് ക്യാച്ച് നല്കിയായിരുന്നു താരത്തിന്റെ മടക്കം.
4TH T20I. WICKET! 10.4: Rinku Singh 30(26) ct Adil Rashid b Brydon Carse, India 79/5 https://t.co/RmBLGBKcGd #INDvENG @IDFCFIRSTBank
— BCCI (@BCCI) January 31, 2025
12 പന്തില് 13 റണ്സുമായി ശിവം ദുബെയും രണ്ട് പന്ത് നേരിട്ട് റണ്ണൊന്നുമെടുക്കാതെ ഹര്ദിക് പാണ്ഡ്യയുമാണ് ഇന്ത്യയ്ക്കായി ക്രീസില്.
ഇന്ത്യ പ്ലെയിങ് ഇലവന്
സഞ്ജു സാംസണ് (വിക്കറ്റ് കീപ്പര്), അഭിഷേക് ശര്മ, തിലക് വര്മ, സൂര്യകുമാര് യാദവ് (ക്യാപ്റ്റന്), ഹര്ദിക് പാണ്ഡ്യ, ശിവം ദുബെ, റിങ്കു സിങ്, അക്സര് പട്ടേല്, അര്ഷ്ദീപ് സിങ്, വരുണ് ചക്രവര്ത്തി, രവി ബിഷ്ണോയ്.
ഇംഗ്ലണ്ട് പ്ലെയിങ് ഇലവന്
ഫില് സാള്ട്ട് (വിക്കറ്റ് കീപ്പര്), ബെന് ഡക്കറ്റ്, ജോസ് ബട്ലര് (ക്യാപ്റ്റന്), ജേകബ് ബേഥല്, ലിയാം ലിവിങ്സ്റ്റണ്, ഹാരി ബ്രൂക്ക്, ജെയ്മി ഓവര്ട്ടണ്, ബ്രൈഡന് കാര്സ്, ജോഫ്രാ ആര്ച്ചര്, ആദില് റഷീദ്, സാഖിബ് മഹ്മൂദ്.
Content Highlight: Sanju Samson enters the list of Indian Openers to Score 3 or more Consecutive Single Digits in T20I
