എസ്.എ20യിലെ എല് ക്ലാസിക്കോ പോരാട്ടത്തിനാണ് ക്രിക്കറ്റ് ലോകം സാക്ഷ്യം വഹിക്കാന് ഒരുങ്ങുന്നത്. ശനിയാഴ്ച നടക്കുന്ന രണ്ടാം മത്സരത്തില് ജോബെര്ഗ് സൂപ്പര് കിങ്സ് എം.ഐ കേപ് ടൗണിനെ നേരിടും. ഇന്ത്യന് സമയം രാത്രി ഒമ്പത് മണിക്ക് വാണ്ടറേഴ്സ് സ്റ്റേഡിയത്തിലാണ് മത്സരം അരങ്ങേറുന്നത്.
ഐ.പി.എല്ലിലെ ചെന്നൈ സൂപ്പര് കിങ്സിന്റെയും മുംബൈ ഇന്ത്യന്സിന്റെയും ടീമുകളാണ് ജോബെര്ഗ് സൂപ്പര് കിങ്സും എം.ഐ കേപ് ടൗണും. ഇന്ത്യന് പ്രീമിയര് ലീഗിലെന്ന പോലെ എസ്.എ20യിലും ഇരു ടീമുകളുടെയും ഹെഡ് ടു ഹെഡ് ബാറ്റിലിനും ആരാധകര് ഏറെയാണ്.
ടൂര്ണമെന്റില് ഇതുവരെ പരസ്പരമേറ്റുമുട്ടിയ നാല് മത്സരത്തില് ഇരു ടീമുകളും രണ്ട് മത്സരം വീതം വിജയിച്ചിരുന്നു.
മികച്ച സ്ക്വാഡുമായാണ് ഇരു ടീമുകളും ഇത്തവണ കിരീടം ലക്ഷ്യമിട്ടിറങ്ങുന്നത്. ഇരുവര്ക്കും ഇതുവരെ എസ്.എ20യുടെ കപ്പുയര്ത്താന് സാധിച്ചിട്ടില്ല.
സൗത്ത് ആഫ്രിക്കന് സൂപ്പര് താരം ഫാഫ് ഡു പ്ലെസിയുടെ നേതൃത്വത്തിലാണ് സൂപ്പര് കിങ്സ് ടൂര്ണമെന്റില് തങ്ങളുടെ ആദ്യ മത്സരത്തിനിറങ്ങുന്നത്. ഡെവോണ് കോണ്വേ, ഇമ്രാന് താഹിര്, മതീശ പതിരാന, മഹീഷ് തീക്ഷണ എന്നിവരടക്കം മികച്ച താരനിരയാണ് സൂപ്പര് കിങ്സിനുള്ളത്.
അതേസമയം, ടൂര്ണമെന്റില് തങ്ങളുടെ ആദ്യ മത്സരം വിജയിച്ചതിന്റെ സകല ആത്മവിശ്വാസവുമായാണ് എം.ഐ കേപ് ടൗണ് രണ്ടാം മത്സരത്തിനിറങ്ങുന്നത്. ഡിഫന്ഡിങ് ചാമ്പ്യന്മാരായ സറൈസേഴ്സ് ഈസ്റ്റേണ് കേപ്പിനെതിരെ ഗംഭീര വിജയമാണ് റാഷിദ് ഖാന് നയിച്ച കേപ് ടൗണ് സ്വന്തമാക്കിയത്.
സെന്റ് ജോര്ജ്സ് ഓവലില് നടന്ന മത്സരത്തില് 97 റണ്സിന്റെ മികച്ച വിജയമാണ് ടീം സ്വന്തമാക്കിയത്. കേപ് ടൗണ് ഉയര്ത്തിയ 175 റണ്സിന്റെ വിജയലക്ഷ്യം പിന്തുടര്ന്നിറങ്ങിയ ഓറഞ്ച് ആര്മി 77 റണ്സിന് പുറത്തായി.
അഞ്ച് വിക്കറ്റ് നേടിയ ഡെലാനോ പോട്ഗീറ്ററിന്റെ കരുത്തിലാണ് എം.ഐ വിജയം സ്വന്തമാക്കിയത്. സൂപ്പര് കിങ്സിനെതിരെയും പോട്ഗീറ്ററടക്കമുള്ള ബൗളര്മാരുടെ കരുത്തിനെ തന്നെയാണ് എം.ഐ ആശ്രയിക്കുന്നത്.
ഫാഫ് ഡു പ്ലെസി (ക്യാപ്റ്റന്), ലൂയീസ് ഡു പ്ലൂയി, സിബോനെലോ മഖാന്യ, ഡേവിഡ് വീസ്, ഡഗ്വ ബ്രേസ്വെല്, ഇവാന് ജോണ്സ്, ജെ.പി. കിങ്, മോയിന് അലി, വിഹാന് ലൂബെ, ഡെവോണ് കോണ്ഡവേ (വിക്കറ്റ് കീപ്പര്), ഡോണോവന് ഫെരേര (വിക്കറ്റ് കീപ്പര്), ജോണി ബെയര്സ്റ്റോ (വിക്കറ്റ് കീപ്പര്), ബ്യൂറന് ഹെന്ഡ്രിക്സ്, ജെറാള്ഡ് കോട്സിയ, ഹാര്ഡസ് വിയോണ്, ഇമ്രാന് താഹിര്, ലുതോ സിംപാല, മഹീഷ് തീക്ഷണ, മതീശ പതിരാന, തബ്രായിസ് ഷംസി.
കോളിന് ഇന്ഗ്രം, ഡെവാള്ഡ് ബ്രെവിസ്, റാസി വാന് ഡെര് ഡസന്, റീസ ഹെന്ഡ്രിക്സ്, സെദ്ദിഖുള്ള അടല്, അസ്മത്തുള്ള ഒമര്സായ്, കോര്ബിന് ബോഷ്, ഡെലാനോ പോട്ഗീറ്റര്, ജോര്ജ് ലിന്ഡെ, തോമസ് കാബെര്, ക്രിസ് ബെന്ജമിന് (വിക്കറ്റ് കീപ്പര്), കോണര് എസ്റ്റര്ഹൂയ്സന് (വിക്കറ്റ് കീപ്പര്), റിയാന് റിക്കല്ടണ് (വിക്കറ്റ് കീപ്പര്), ഡെയ്ന് പീഡ്, കഗീസോ റബാദ, നുവാന് തുഷാര, റാഷിദ് ഖാന് (ക്യാപ്റ്റന്), ട്രെന്റ് ബോള്ട്ട്, ട്രിസ്റ്റണ് ലൂസ്.
Content Highlight: SA20: Joburg Super Kings vs MI Cape Town