ഐപിഎല്ലിലെ നിര്ണായക മത്സരത്തില് ചെന്നൈ സൂപ്പര് കിങ്സും ദല്ഹി ക്യാപിറ്റല്സും നേര്ക്കുനേര് ഏറ്റുമുട്ടുകയാണ്. ക്യാപിറ്റല്സിന്റെ തട്ടകമായ ദല്ഹി അരുണ് ജെയ്റ്റ്ലി സ്റ്റേഡിയത്തില് നടക്കുന്ന മത്സരത്തില് ടോസ് നേടിയ ദല്ഹി ക്യാപിറ്റല്സ് നായകന് അക്സര് പട്ടേല് ബാറ്റിങ് തെരഞ്ഞെടുത്തു.
ഈ മത്സരത്തിലും ടോസ് നഷ്ടമായതോടെ ക്യാപ്റ്റനായുള്ള ആദ്യ 29 മത്സരങ്ങളില് ഏറ്റവും കൂടുതല് തവണ ടോസ് നഷ്ടമാവുന്ന ക്യാപ്റ്റനായും ഋതുരാജ് ഗെയ്ക്വാദ് മാറി. ആദ്യ 29 മത്സരങ്ങള് പിന്നിട്ടപ്പോള് 21 തവണയാണ് ചെന്നൈ നായകന് ടോസ് നഷ്ടമായത്. 20 തവണ ഈ നിര്ഭാഗ്യം തേടിയെത്തിയ കെ.എല് രാഹുലാണ് ഗെയ്ക്വാദിന്റെ പുറകിലുള്ളത്. ശുഭ്മന് ഗില്ലിന് 19 തവണയും സഞ്ജു സാംസണ് 18 തവണയും ടോസ് നഷ്ടമായി.
ഋതുരാജ് ഗെയ്ക്വാദ്. Photo: Chennai Super Kings/ x.com
അതേസമയം പ്ലേ ഓഫ് സാധ്യതകള് നിലനിര്ത്തണമെങ്കില് ഇരു ടീമുകള്ക്കും വിജയം അനിവാര്യമാണ്. കഴിഞ്ഞ മത്സരത്തില് മുംബൈ ഇന്ത്യന്സിനെ വീഴ്ത്തിയാണ് സി.എസ്.കെ ദല്ഹിയെ നേരിടാനെത്തുന്നത്. മറുഭാഗത്ത് രാജസ്ഥാന് റോയല്സിനെ തകര്ത്താണ് ദല്ഹി ക്യാപ്പിറ്റല്സ് എത്തുന്നത്.
ചെന്നൈ സൂപ്പര് കിങ്സ് പ്ലെയിങ് ഇലവന്
സഞ്ജു സാംസണ് (വിക്കറ്റ് കീപ്പര്) ഋതുരാജ് ഗെയ്ക്വാദ് (ക്യാപ്റ്റന്), ആയുഷ് മാത്രെ, സര്ഫറാസ് ഖാന്, ശിവം ദുബെ, ഡെവാള്ഡ് ബ്രെവിസ്, ജെയ്മി ഓവര്ട്ടണ്, നൂര് അഹമ്മദ്, അന്ഷുല് കാംബോജ്, ഗുര്ജ്നീത് സിങ്, ഖലീല് അഹമ്മദ്.
ദല്ഹി ക്യാപ്പിറ്റല്സ് പ്ലെയിങ് ഇലവന്
പാത്തും നിസ്സങ്ക, കെ.എല് രാഹുല് (വിക്കറ്റ് കീപ്പര്), സമീര് റിസ്വി, അക്സര് പട്ടേല് (ക്യാപ്റ്റന്), ഡേവിഡ് മില്ലര്, ട്രിസ്റ്റന് സ്റ്റബ്സ്, ഔഖിബ് നബി ദാര്, ലുങ്കി എന്ഗിഡി, കുല്ദീപ് യാദവ്, ടി. നടരാജന്, മുകേഷ് കുമാര്.
Content Highlight: Ruturaj Gaikwad create a unwanted record as a captain in IPL