അങ്ങനെ ആ റെക്കോഡും റൊണാള്‍ഡോക്ക്, കൂട്ടിന് ക്യാപ്റ്റനുമുണ്ടല്ലോ; റോണോക്ക് കഷ്ടകാലം തുടരുന്നു
സ്പോര്‍ട്സ് ഡെസ്‌ക്
Wednesday, 3rd August 2022, 2:42 pm
ഫുട്‌ബോള്‍ ലോകം കണ്ട എക്കാലത്തെയും മികച്ച താരങ്ങളിലൊരാളാണ് പോര്‍ച്ചുഗലിന്റെ ഇതിഹാസ സ്‌ട്രൈക്കര്‍ ക്രിസ്റ്റ്യാനോ റൊണാള്‍ഡൊ. എന്നാല്‍ കഴിഞ്ഞ കുറച്ചുനാളായി അദ്ദേഹത്തെ കഷ്ടകാലം വിടാതെ പിന്തുടരുകയാണ്. ചാമ്പ്യന്‍സ് ലീഗില്‍ നിന്നും പുറത്തായ മാഞ്ചസ്റ്റര്‍ യുണൈറ്റഡില്‍ കളിക്കാന്‍ അദ്ദേഹത്തിന് താല്‍പര്യമില്ലായിരുന്നു. എന്നാല്‍ മറ്റു ക്ലബ്ബുകളൊന്നും അദ്ദേഹത്തിനെ തെരഞ്ഞെടുക്കാന്‍ തയ്യാറായില്ല.
ഇതേ തുടര്‍ന്ന് അദ്ദേഹം മാഞ്ചസ്റ്ററില്‍ തന്നെ തുടരാന്‍ അദ്ദേഹം തയ്യാറാകുകയായിരുന്നു. ഇതെല്ലാം കണക്കുകൂട്ടിയാല്‍ അദ്ദേഹത്തിന് മൊത്തത്തില്‍ കഷ്ടകാലമാണ്.
ഇപ്പോള്‍ വരുന്ന പുതിയ റിപ്പോര്‍ട്ടുകള്‍ പ്രകാരം ട്വിറ്ററില്‍ ഏറ്റവും കൂടുതല്‍ അധിക്ഷേപങ്ങള്‍ ഏല്‍ക്കുന്ന താരം റോണോയാണ്. അദ്ദേഹത്തോടൊപ്പം മാഞ്ചസ്റ്ററിന്റെ നായകന്‍ ഹാരി മഗ്വയറും ആ ലിസ്റ്റിലുണ്ട്.
