സൗത്ത് ആഫ്രിക്കയ്ക്കെതിരായ രണ്ട് ടെസ്റ്റ് മത്സരങ്ങള് അടങ്ങുന്ന പരമ്പര നവംബര് 14നാണ് ആരംഭിക്കുന്നത്. മത്സരങ്ങള്ക്കുള്ള ഇന്ത്യന് സ്ക്വാഡ് നേരത്തെ പുറത്ത് വിട്ടിരുന്നു. ടീമില് വൈസ് ക്യാപ്റ്റന്റെ റോള് ഏറ്റെടുത്തത് റിഷബ് പന്താണ്. ഇംഗ്ലണ്ട് പര്യടനത്തില് പരിക്ക് പറ്റിയ പന്ത് ഏറെ കാലം വിശ്രമത്തിലായിരുന്നു. എന്നിരുന്നാലും പ്രോട്ടിയാസിനെതിരെ പന്ത് തകര്പ്പന് തിരിച്ചുവരവ് നടത്തുമെന്നാണ് ആരാധകരും വിശ്വസിക്കുന്നത്.
കളത്തിലിറങ്ങുമ്പോള് താരത്തെ കാത്തിരിക്കുന്നത് ഒരു തകര്പ്പന് റെക്കോഡ് കൂടിയാണ്. ഇന്ത്യയ്ക്ക് വേണ്ടി ഏറ്റവും കൂടുതല് ടെസ്റ്റ് സിക്സര് നേടുന്ന താരം എന്ന നേട്ടമാണ് പന്തിനെ കാത്തിരിക്കുന്നത്. ഇതിനായി പന്തിന് വെറും ഒരു സിക്സര് മാത്രമാണ് വേണ്ടത്.
ഈ നേട്ടത്തില് നിലവില് ഇതിഹാസം വിരേന്ദര് സെവാഗിനൊപ്പമാണ് താരം. 90 സിക്സറുകളാണ് ഇരുവരും നേടിയത്. 103 മത്സരത്തില് നിന്നാണ് സെവാഗ് ഈ നേട്ടത്തിലെത്തിയത്. എന്നാല് പന്ത് വെറും 47 മത്സരങ്ങള് മാത്രമാണ് കളിച്ചത്.
ടെസ്റ്റില് ഇന്ത്യയ്ക്ക് വേണ്ടി ഏറ്റവും കൂടുതല് സിക്സര് നേടുന്ന താരം, ഇന്നിങ്സ്, സിക്സ് എന്ന ക്രമത്തില്
