'ബാറ്റ്സ്മാന് കുള്ളനാണ്'; സൗത്ത് ആഫ്രിക്കന് ക്യാപ്റ്റന് തെമ്പ ബാവുമക്കെതിരെ ബോഡി ഷെയ്മിങ്ങുമായി പന്തും ബുംറയും
സ്പോര്ട്സ് ഡെസ്ക്
Friday, 14th November 2025, 4:15 pm
സൗത്ത് ആഫ്രിക്ക എതിരായ ഇന്ത്യയുടെ ആദ്യ ടെസ്റ്റ് മത്സരം ഈഡന് ഗാര്ഡന്സില് നടക്കുകയാണ്. മത്സരത്തില് ടോസ് നേടിയ സൗത്ത് ആഫ്രിക്ക ബാറ്റ് ചെയ്യാനാണ് തീരുമാനിച്ചത്.
ബാറ്റിങ്ങിനിടയില് സൗത്ത് ആഫ്രിക്കന് ക്യാപ്റ്റന് തെമ്പ ബാവുമയെ ഇന്ത്യന് വിക്കറ്റ് കീപ്പര് റിഷബ് പന്തും ബൗളര് ജസ്പ്രീത് ബുംറയും ബാവുമ കുള്ളന് ആണെന്ന് പറഞ്ഞത് സോഷ്യല് മീഡിയയില് വലിയ ചര്ച്ചയ്ക്ക് വഴിവെച്ചിരിക്കുകയാണ്. എല്.ബി.ഡബ്ല്യു റിവ്യൂ ചെയ്യുന്നതിനിടയില് ബാവുമയെക്കുറിച്ച് ‘ബൗനാ ഭി ഹേ യേ ബാറ്റ്സ്മാന് (ബാറ്റ്സ്മാന് കുള്ളനാണ്)’ എന്നായിരുന്നു പന്ത് നടത്തിയ പരാമര്ശം. സൗത്ത് ആഫ്രിക്ക രണ്ട് വിക്കറ്റ് നഷ്ടത്തില് 62 റണ്സ് എടുത്ത് നില്ക്കവെയായിരുന്നു. സംഭവം.
