വെസ്റ്റ് ഇന്ഡീസിന്റെ ഇന്ത്യന് പര്യടനത്തില് രണ്ടാം ടെസ്റ്റിന്റെ ആദ്യ ദിവസം അവസാനിക്കുമ്പോള് മികച്ച സ്കോറിലേക്ക് കുതിക്കുകയാണ് ഇന്ത്യ. മത്സരത്തില് ടോസ് നേടി ബാറ്റിങ് തെരഞ്ഞെടുത്ത ആതിഥേയര് ഒന്നാം ദിവസം രണ്ട് വിക്കറ്റ് നഷ്ടത്തില് 318 റണ്സ് നേടി.
ഓപ്പണര് യശസ്വി ജെയ്സ്വാളിന്റെ സെഞ്ച്വറി കരുത്തിലാണ് ഇന്ത്യ മികച്ച ടോട്ടലിലേക്ക് കുതിക്കുന്നത്. 253 പന്ത് നേരിട്ട താരം പുറത്താകാതെ 173 റണ്സാണ് ഇതുവരെ സ്വന്തമാക്കിയത്. 22 ഫോറുകള് അടങ്ങുന്നതാണ് താരത്തിന്റെ ഇന്നിങ്സ്.
That will be Stumps on Day 1️⃣
1️⃣7️⃣3️⃣*for Yashasvi Jaiswal 🫡
8️⃣7️⃣ for Sai Sudharsan 👏
3️⃣1️⃣8️⃣/2️⃣ for #TeamIndia
Captain Shubman Gill and Yashasvi Jaiswal will resume proceedings on Day 2. 👍
ആദ്യ ദിവസത്തെ പ്രകടനത്തിന് പിന്നാലെ പല റെക്കോഡുകളും ജെയ്സ്വാള് തന്റെ പേരിനൊപ്പം എഴുതിച്ചേര്ത്തിരിക്കുകയാണ്.
രണ്ട് തവണ ഒരു ടെസ്റ്റ് മത്സരത്തിന്റെ ആദ്യ ദിവസം 150+ സ്കോര് കണ്ടെത്തുന്ന രണ്ടാമത് ഇന്ത്യന് താരമെന്ന നേട്ടമാണ് ഇതില് ആദ്യത്തേത്. 2024ലെ വിശാഖപട്ടണം ടെസ്റ്റില് ഇംഗ്ലണ്ടിനെതിരെ താരം ആദ്യ ദിവസം 179 റണ്സ് നേടിയിരുന്നു.
വിരാട് കോഹ്ലിയാണ് ഈ റെക്കോഡിലെ ആദ്യ താരം. 2016ല് ഇംഗ്ലണ്ടിനെതിരെ താരം 151 റണ്സും 2017ല് ശ്രീലങ്കയ്ക്കെതിരെ 156 റണ്സും ടെസ്റ്റിന്റെ ആദ്യ ദിവസം വിരാട് സ്വന്തമാക്കിയിരുന്നു.
ഒരു ടെസ്റ്റ് മത്സരത്തിന്റെ ആദ്യ ദിവസം ഒരു ഇന്ത്യന് താരം സ്വന്തമാക്കുന്ന ഏറ്റവുമുയര്ന്ന മൂന്നാമത് സ്കോര് എന്ന നേട്ടവും ജെയ്സ്വാള് സ്വന്തമാക്കി. 2007ല് വസീം ജാഫര് പാകിസ്ഥാനെതിരെ നേടിയ 192 റണ്സാണ് ഈ റെക്കോഡ് നേട്ടത്തില് ഒന്നാമത്. 2017ല് ശിഖര് ധവാന് ശ്രീലങ്കയ്ക്കെതിരെ ടെസ്റ്റിന്റെ ആദ്യ ദിവസം 190 റണ്സും അടിച്ചെടുത്തിരുന്നു.
🎥 Play that on loop ➿
Yashasvi Jaiswal with a memorable day for #TeamIndia 😍
വേള്ഡ് ടെസ്റ്റ് ചാമ്പ്യന്ഷിപ്പില് ഇന്ത്യയ്ക്കായി ഏറ്റവുമധികം സെഞ്ച്വറി നേടുന്ന രണ്ടാമത് ഇന്ത്യന് താരമെന്ന നേട്ടവും ഏഴ് സെഞ്ച്വറി നേട്ടത്തോടെ ജെയ്സ്വാള് സ്വന്തമാക്കി. റിഷബ് പന്തിനെയും കെ.എല്. രാഹുലിനെയും മറികടന്നുകൊണ്ടായിരുന്നു താരത്തിന്റെ നേട്ടം.
24 വയസ് പൂര്ത്തിയാകും മുമ്പ് ടെസ്റ്റ് ഫോര്മാറ്റില് ഏറ്റവുമധികം സെഞ്ച്വറി നേടുന്ന താരങ്ങളുടെ ലിസ്റ്റില് നാലാം സ്ഥാനത്തെത്താനും വിന്ഡീസിനെതിരായ സെഞ്ച്വറിയോടെ ജെയ്സ്വാളിന് സാധിച്ചു. ഡോണ് ബ്രാഡ്മാന് (12), സച്ചിന് ടെന്ഡുല്ക്കര് (11), സര് ഗാരി സോബേഴ്സ് (9) എന്നിവരാണ് ജെയ്സ്വാളിന് മുമ്പിലുള്ളത്.
