ഇന്ത്യയുടെ ചരിത്രത്തില്‍ ആദ്യമായി പുലര്‍ച്ചെ കോടതി ചേര്‍ന്നിട്ടും യാക്കൂബ് മേമനെ തൂക്കിലേറ്റിയതിനെയായിരുന്നു ഇവര്‍ വിമര്‍ശിച്ചിരുന്നത്. ചലച്ചിത്ര താരം അരുന്ധതിയുടേത് ഉള്‍പ്പെടെയുള്ള പോജുകളാണ് താല്‍കാലികമായി, 24 മണിക്കൂര്‍ നേരത്തേക്ക് സസ്‌പെന്റ് ചെയ്തിരിക്കുന്നത്.
“ഫേസ് ബുക്കില്‍ അടിയന്തിരാവസ്ഥയാണ്. ഈ പോസ്റ്റര്‍ ഫേസ് ബുക്കിന്റെ Communtiy Standards ലംഘിക്കുന്നു എന്ന പേരിലാണല്ലോ കിസ് ഓഫ് ലവ്വിന്റെ പേജ് നീക്കം ചെയ്യുകയും രാഹുല്‍, സുധീഷ്, അരുന്ധതി തുടങ്ങിയവര്‍ക്ക് വിലക്ക് ഏര്‍പ്പെടുതുകയും ചെയ്തത്. പരമാവധി ഈ പോസ്റ്റര്‍ ഇട്ടു പ്രതിഷേധിക്കൂ. അവര്‍ വിലക്കട്ടെ.” എന്നാണ് പ്രതിഷേധക്കാര്‍ പറയുന്നത്. ഒരു മണിക്കൂര്‍ മുമ്പ് പോസ്റ്റ് ചെയ്ത ഈ ആഹ്വാനത്തിന് ഇതിനോടകം തന്നെ നിരവധി ലൈക്കുകളും ഷെയറുകളുമാണ് ലഭിച്ചിരിക്കുന്നത്.