പ്ലസ് വണ് പ്രവേശനം; ബാച്ചുകളും സീറ്റുകളും വര്ധിപ്പിച്ചു
നിഷാന. വി.വി
Monday, 25th May 2026, 10:34 pm
തിരുവനന്തപുരം: സംസ്ഥാനത്ത് പ്ലസ് വണ് സീറ്റുകള് വര്ധിപ്പിച്ചു. അധിക സീറ്റുകളും ബാച്ചുകളും അനുവദിച്ച ഉത്തരവ് ഇറക്കിയിട്ടുണ്ട്. ഒമ്പത് ജില്ലകളില് സീറ്റ് കൂട്ടി. ഏഴ് ജില്ലകളില് എല്ലാ സര്ക്കാര് ഹയര് സെക്കന്ഡറി സ്കൂളുകളിലും 30 ശതമാനം സീറ്റും രണ്ട് ജില്ലകളില് 20 ശതമാനം സീറ്റുമാണ് വര്ധിപ്പിച്ചത്.
തിരുവനന്തപുരം, പാലക്കാട്, കോഴിക്കോട്, മലപ്പുറം, വയനാട്, കണ്ണൂര്, കാസര്കോട് എന്നീ ജില്ലകളിലാണ് എല്ലാ സര്ക്കാര് ഹയര് സെക്കന്ഡറി സ്കൂളുകള്ക്കും 30% മാര്ജിനല് സീറ്റ് വര്ധിപിച്ചത്. കൊല്ലം, തൃശൂര് ജില്ലകളിലെ എല്ലാ സര്ക്കാര്-എയ്ഡഡ് ഹയര് സെക്കന്ഡറി സ്കൂളുകള്ക്കും 20% സീറ്റാണ് വര്ധധിപ്പിച്ചത്.
