വേള്ഡ് ടെസ്റ്റ് ചാമ്പ്യന്ഷിപ്പ് 2023-25 സൈക്കിളിന്റെ കലാശപ്പോരാട്ടം ജൂണ് 11ന് നടക്കാനിരിക്കുകയാണ്. ഡിഫന്ഡിങ് ചാമ്പ്യന്മാരായ ഓസ്ട്രേലിയ സൗത്ത് ആഫ്രിക്കയെയാണ് നേരിടുന്നത്. ക്രിക്കറ്റിന്റെ മക്കയായ ലോര്ഡ്സില് ജൂണ് 11 മുതല് 15 വരെയാണ് ഡബ്ല്യു.ടി.സി ഫൈനല് അരങ്ങേറുന്നത്.
തുടര്ച്ചയായ രണ്ടാം ഫൈനലില് ഓസ്ട്രേലിയ തങ്ങളുടെ രണ്ടാം കിരീടം ലക്ഷ്യമിടുമ്പോള് രണ്ടര പതിറ്റാണ്ടിലധികം നീണ്ടുനില്ക്കുന്ന കിരീടവരള്ച്ചയ്ക്ക് അന്ത്യമിടാനാണ് പ്രോട്ടിയാസ് ഒരുങ്ങുന്നത്. എന്നാല് ടെസ്റ്റ് ചാമ്പ്യന്ഷിപ്പിന്റെ ഫൈനലില് ഇന്ത്യയില്ലാത്തതിനെക്കുറിച്ച് സംസാരിക്കുകയാണ് ഓസ്ട്രേലിയന് ക്യാപ്റ്റന് പാറ്റ് കമ്മിന്സ്.
‘ഇന്ത്യ ഫൈനലില് ഉണ്ടാകുമെന്ന് നിങ്ങള് പ്രതീക്ഷിക്കുന്നു. ഇംഗ്ലണ്ട് സ്വന്തം നാട്ടില് മികച്ച പ്രകടനമാണ് കാഴ്ചവെച്ചത്, ന്യൂസിലന്ഡും എപ്പോഴും ഫൈനലില് എത്താറുണ്ട്. ഐ.സി.സി ടൂര്ണമെന്റുകളില് സൗത്ത് ആഫ്രിക്കയും ഇപ്പോള് ഫൈനലിലുണ്ട്. ടെസ്റ്റ് ക്രിക്കറ്റില് നമ്മള് അവരെ പലപ്പോഴും കാണാറില്ല, പക്ഷേ ഓസ്ട്രേലിയയും ഇന്ത്യയും തമ്മിലല്ലാത്ത ഒരു ഫൈനല് ഉണ്ടായിരിക്കുന്നത് റീഫ്രഷിങ്ങായിട്ടുള്ള നല്ലൊരു മാറ്റമാണെന്ന് തോന്നുന്നു,’ ഓസീസ് ക്യാപ്റ്റന് കമ്മിന്സ് ഗാര്ഡിയനോട് പറഞ്ഞു.
പാറ്റ് കമ്മിന്സ് (ക്യാപ്റ്റന്), സ്കോട്ട് ബോളണ്ട്, അലക്സ് കാരി, കാമറൂണ് ഗ്രീന്, ജോഷ് ഹെയ്സല്വുഡ്, ട്രാവിസ് ഹെഡ്, ജോഷ് ഇംഗ്ലിസ്, ഉസ്മാന് ഖവാജ, സാം കോണ്സ്റ്റസ്, മാറ്റ് കുന്മാന്, മാര്നസ് ലബുഷാന്, നഥാന് ലിയോണ്, സ്റ്റീവ് സ്മിത്ത്, മിച്ചല് സ്റ്റാര്ക്ക്, ബ്യൂ വെബ്സ്റ്റര്.
ട്രാവലിങ് റിസര്വ്: ബ്രണ്ടന് ഡോഗെറ്റ്
തെംബ ബാവുമ (ക്യാപ്റ്റന്), ഡേവിഡ് ബെഡ്ഡിങ്ഹാം, ടോണി ഡി സോര്സി, മാര്കോ യാന്സെന്, കേശവ് മഹാരാജ്, ഏയ്ഡന് മര്ക്രം, വിയാന് മുള്ഡര്, എസ്. മുത്തുസ്വാമി, ലുങ്കി എന്ഗിഡി, ഡെയ്ന് പാറ്റേഴ്സണ്, കഗീസോ റബാദ, റിയാന് റിക്കല്ടണ്, ട്രിസ്റ്റണ് സ്റ്റബ്സ്, കൈല് വെരായ്നെ.
Content Highlight: Pat Cummins Talking About World Test Championship
