തിരുവനന്തപുരം: രാഹുല് മാങ്കൂട്ടത്തലിനെതിരെ പാര്ട്ടി സ്വീകരിച്ച നടപടികളെക്കുറിച്ച് പ്രതിപക്ഷ നേതാവ് വി.ഡി സതീശന്.
രാഹുലിനെ കോണ്ഗ്രസ് സഹായിക്കുന്നുവെന്ന മന്ത്രി പി. രാജീവിന്റെ ആരോപണങ്ങള്ക്ക് മറുപടി പറയുകയായിരുന്നു അദ്ദേഹം.
രാഹുലിനെതിരെ പാര്ട്ടി സ്വീകരിച്ചത് സമാനതകളില്ലാത്ത നടപടിയാണെന്ന് സതീശന് പറഞ്ഞു. ഒരു പരാതി പോലും ലഭിക്കുന്നതിന് മുന്പ് തന്നെ അദ്ദേഹത്തെ സസ്പെന്ഡ് ചെയ്തിരുന്നു.
തുടർന്ന് കെ.പി.സി.സി പ്രസിഡന്റിന് ഔദ്യോഗികമായി പരാതി ലഭിച്ചതോടെ അദ്ദേഹത്തെ പാര്ട്ടിയില് നിന്ന് പുറത്താക്കുകയും ചെയ്തെന്നും മാധ്യമങ്ങളോട് പ്രതിപക്ഷ നേതാവ് പറഞ്ഞു.
തങ്ങള് എടുത്തതുപോലെയുള്ള ഇത്രയും വേഗത്തിലുള്ള നടപടി വേറെ ആരെങ്കിലും എടുത്തിട്ടുണ്ടോ എന്ന് അദ്ദേഹം ചോദിച്ചു. സ്വന്തം പാര്ട്ടിയില് എത്ര പേരുണ്ടെന്ന് മന്ത്രി രാജീവ് അന്വേഷിക്കണമെന്നും അദ്ദേഹം പരിഹസിച്ചു.
രാഹുല് മാങ്കൂട്ടത്തില് എം.എല്.എ സ്ഥാനം രാജിവെക്കണമെന്ന് കോണ്ഗ്രസ് ആവശ്യപ്പെടുമോയെന്ന ചോദ്യത്തിന്, അതിന് തങ്ങള്ക്ക് അധികാരമില്ലെന്ന് സതീശന് വ്യക്തമാക്കി.
