ഇന്ത്യ-ന്യൂസിലാൻഡ് അഞ്ച് ടി-20 മത്സരങ്ങളുടെ പരമ്പരക്ക് തുടക്കമായിരിക്കുകയാണ്. ക്രൈസ്റ്റ് ചർച്ചിൽ നടക്കുന്ന മത്സരത്തിൽ ടോസ് നേടിയ ഇന്ത്യൻ നായകൻ ശ്രേയസ് അയ്യർ ബൗളിങ് തെരഞ്ഞെടുത്തു. ഈ മത്സരത്തിൽ കളത്തിലിറങ്ങിയതോടെ ഒരു ചരിത്രനേട്ടമാണ് ന്യൂസിലാൻഡ് സ്വന്തമാക്കിയത്.

സ്വന്തം മണ്ണിൽ 700 അന്താരാഷ്ട്ര മത്സരങ്ങൾ കളിക്കുന്ന നാലാമത്തെ ടീമായാണ് ന്യൂസിലാൻഡ് മാറിയത്. ലോക ക്രിക്കറ്റിൽ ഇംഗ്ലണ്ട്, ഓസ്ട്രേലിയ, ഇന്ത്യ എന്നീ മൂന്ന് ടീമുകൾക്ക് മാത്രമാണ് ഈ നേട്ടം സ്വന്തമാക്കാൻ സാധിച്ചിട്ടുള്ളൂ.

ഇന്റർനാഷണൽ ക്രിക്കറ്റിൽ സ്വന്തം ഹോമിൽ ഏറ്റവും കൂടുതൽ മത്സരങ്ങൾ കളിച്ച ടീം, മത്സരങ്ങളുടെ എണ്ണം

ഇംഗ്ലണ്ട് – 998

ഓസ്ട്രേലിയ – 995

ഇന്ത്യ – 807

ന്യൂസിലാൻഡ് – 700*

വെസ്റ്റ് ഇൻഡീസ് – 682

സൗത്ത് ആഫ്രിക്ക – 638

ശ്രീലങ്ക – 558

പാകിസ്ഥാൻ – 447

സിംബാബ്‌വേ – 420

ബംഗ്ലാദേശ് – 383

മത്സരത്തിൽ സ്റ്റാർ പേസർ ഭുവനേശ്വർ കുമാറിന്റെ തിരിച്ചുവരവിന് കൂടിയാണ് ആരാധകർ സാക്ഷ്യം വഹിച്ചത്. നാല് വർഷങ്ങൾക്ക് ശേഷമാണ് ഭുവി ഇന്ത്യൻ ടീമിൽ ഇടം നേടുന്നത്. നാല് വർഷങ്ങൾക്കിപ്പുറം ന്യൂസിലാൻഡിനെതിരായ തന്റെ തിരിച്ചുവരവിലും ഭുവി ആധിപത്യം പുലർത്തുമെന്നാണ് ആരാധകർ വിശ്വസിക്കുന്നത്.

കഴിഞ്ഞ രണ്ട് ഐ.പി.എൽ സീസണിലും റോയൽ ചലഞ്ചേഴ്‌സ് ബെംഗളൂരുവിന് വേണ്ടി കിരീടം നേടിക്കൊടുത്തതിൽ ഭുവിയുടെ സ്വിങ്ങിനും പേസിനും നിർണായക സ്ഥാനമുണ്ടായിരുന്നു. ഇന്ത്യയ്ക്ക് വേണ്ടി വീണ്ടും അവസരം ലഭിക്കുമ്പോൾ ഭുവി പഴയ തന്ത്രങ്ങളൊന്നും മറക്കില്ലെന്നാണ് പ്രതീക്ഷ.

ഇന്ത്യ പ്ലെയിങ് ഇലവൻ

അഭിഷേക് ശർമ, സഞ്ജു സാംസൺ (വിക്കറ്റ് കീപ്പർ), ഇഷാൻ കിഷൻ, ശ്രേയസ് അയ്യർ (ക്യാപ്റ്റൻ), തിലക് വർമ, നിതീഷ് കുമാർ റെഡ്ഡി, നമൻ ധിർ, അക്‌സർ പട്ടേൽ, ഭുവനേശ്വർ കുമാർ, അർഷ്ദീപ് സിങ്, മായങ്ക് യാദവ്.

ന്യൂസിലാൻഡ് പ്ലെയിങ് ഇലവൻ

ഫിൻ അലൻ, ടിം സീഫേർട്ട് (വിക്കറ്റ് കീപ്പർ), ഡാരിൽ മിച്ചൽ, ഗ്ലെൻ ഫിലിപ്‌സ്, ബെവൺ ജേക്കബ്‌സ്, മൈക്കൽ ബ്രേസ്‌വെൽ, മിച്ചൽ സാന്റ്‌നർ (ക്യാപ്റ്റൻ), നഥാൻ സ്മിത്ത്, മാറ്റ് ഹെന്റി, ആദം മിൽനെ, ലോക്കി ഫെർഗൂസൻ.

 

Content Highlight: New Zealand completed 700 matches international cricket

 

Related Topics

India vs New zealand Newzealand