നോവായി നേപ്പാള്; മരണസംഖ്യ 400 നോടടുക്കുന്നു: 1400ഓളം പേരെ കാണാതായി
നിഷാന. വി.വി
Friday, 28th August 2026, 6:57 am
കാഠ്മണ്ഡു: നേപ്പാളിലും ടിബറ്റ് അതിര്ത്തി പ്രദേശങ്ങളിലും വന് നാശം വിതച്ച് മിന്നല് പ്രളയം. പ്രളയത്തിലും ഉരുള്പൊട്ടലിലുംപ്പെട്ട് മരിച്ചവരുടെ എണ്ണം 392 ആയി ഉയര്ന്നു. 1400-ലധികം പേരെ ഇനിയും കണ്ടെത്താനുണ്ട്.
രക്ഷാപ്രവര്ത്തനം പുരോഗമിക്കുന്നതിനാല് മരണസംഖ്യ ഇനിയും ഉയര്ന്നേക്കുമെന്നാണ് വിവരം.
ഹിമാനികള് ഇടിഞ്ഞു വീണതാണ് ഈ ദുരന്തത്തിന് കാരണമായതെന്ന് യു.എസ് ജിയോളജിക്കല് സര്വേ വ്യക്തമാക്കുന്നു.
വെറും അരമണിക്കൂറിനുള്ളില് ത്രിശൂലി നദിയിലെ ജലനിരപ്പ് ഒമ്പത് മീറ്ററോളം ഉയരുകയും മണ്ണും പാറകളും മഞ്ഞും നിറഞ്ഞ ശക്തമായ വെള്ളപ്പാച്ചില് താഴ്വരകളെ വിഴുങ്ങുകയുമായിരുന്നു. ദുരന്തമേഖലയിലെ ഭോട്ടെകോഷി നദിക്ക് മുകളില് പുതിയ തടാകം രൂപപ്പെട്ടിട്ടുള്ളതായും അത് പൊട്ടാന് സാധ്യതയുള്ളതായും സാറ്റലൈറ്റ് ചിത്രങ്ങള് മുന്നറിയിപ്പ് നല്കുന്നു.
