മലയാളികള്ക്ക് ഏറെ പ്രിയപ്പെട്ട നടിയാണ് നസ്രിയ. നടിയുടെ ഏറ്റവും വലിയ ഹിറ്റ് ചിത്രങ്ങളില് ഒന്നായിരുന്നു ഓം ശാന്തി ഓശാന. 2014ല് ഈ സിനിമയിലൂടെ നസ്രിയക്ക് മികച്ച നടിക്കുള്ള സ്റ്റേറ്റ് അവാര്ഡ് ലഭിച്ചിരുന്നു.
ചിത്രത്തിലെ എല്ലാ സീനിലും താന് ഉണ്ടായിരുന്നെന്നും ആ സിനിമയെ കുറിച്ച് ചോദിക്കുമ്പോള് തനിക്ക് ഓര്മ വരിക എന്നും രാത്രി വരെയുള്ള ഷൂട്ടിങ്ങാണെന്നും പറയുകയാണ് നസ്രിയ.
തനിക്ക് സിനിമയില് ഒട്ടും ഇഷ്ടമില്ലാത്ത ഒന്നാണ് ഡബ്ബിങ്ങെന്നും എന്നാല് ഈ ചിത്രത്തില് സീനിലുള്ള ഡയലോഗുകള് പോരാതെ സ്റ്റോറി ടെല്ലിങ് കൂടി തനിക്ക് ഉണ്ടായിരുന്നെന്നും നടി പറയുന്നു.
‘ഓം ശാന്തി ഓശാനയിലെ എല്ലാ സീനിലും ഞാന് ഉണ്ടായിരുന്നു. ആ സിനിമയെ കുറിച്ച് ചോദിക്കുമ്പോള് എനിക്ക് ഓര്മ വരിക എന്നും രാത്രി വരെയുള്ള ഷൂട്ടിങ്ങാണ്.
ഉറക്കമില്ലാത്ത രാത്രികള് തന്നെയായിരുന്നു ആ സമയത്ത്. സത്യത്തില് എനിക്ക് സിനിമയില് ഒട്ടും ഇഷ്ടമില്ലാത്ത ഒന്നാണ് ഡബ്ബിങ്. ഓശാനയില് ആണെങ്കില് ഫുള് നരേഷന് ഞാനാണ് ചെയ്യുന്നത്.
സീനിലുള്ള ഡയലോഗുകള് പോരാതെ സ്റ്റോറി ടെല്ലിങ് കൂടെ ഉണ്ടായിരുന്നു. പടം പുറത്തിറങ്ങിയപ്പോള് അടിപൊളിയായി. ശേഷമുള്ളതൊക്കെ അടിപൊളി ഓര്മകള് തന്നെയായിരുന്നു.
ഓം ശാന്തി ഓശാന:
ജൂഡ് ആന്തണി ജോസഫ് സഹരചനയും സംവിധാനവും നിര്വഹിച്ച് 2014ല് പുറത്തിറങ്ങിയ ചിത്രമാണ് ഓം ശാന്തി ഓശാന. 2014ലെ ഏറ്റവും വലിയ ഹിറ്റുകളില് ഒന്നായിരുന്നു ഈ സിനിമ.
മിഥുന് മാനുവല് തോമസ് തിരക്കഥ ഒരുക്കിയ ഈ ചിത്രത്തില് നസ്രിയ, നിവിന് പോളി, വിനീത് ശ്രീനിവാസന്, രണ്ജി പണിക്കര്, അജു വര്ഗീസ് തുടങ്ങിയ മികച്ച താരനിരയായിരുന്നു ഒന്നിച്ചത്.
Content Highlight: Nazriya Talks About Her Dubbing Experience Of Ohm Shanthi Oshaana Movie