കണ്ണൂര്: കണ്ണൂരില് റോബോര്ട്ടില് ഒളിപ്പിച്ച് മയക്കുമരുന്ന് കടത്തിയ യുവാവിനെ പൊലീസ് അറസ്റ്റ് ചെയ്തു. രഹസ്യ വിവരത്തെ തുടര്ന്ന് പൊലീസ് നടത്തിയ പരിശോധനയില് കണ്ണൂര് ടൗണില് വച്ചാണ് യുവാവ് പിടിയിലായത്. പിണറായി പുത്തന് കണ്ടം സ്വദേശി എ.ഫൈസല് (33) ആണ് അറസ്റ്റിലായത്.
20.5 ഗ്രാം എം.ഡി.എം.എയുമായി ബുധാനാഴ്ച ഉച്ചയ്ക്ക് രണ്ടുമണിയോടെയാണ് ടൗണില് നിന്നും ഫൈസലിലെ പൊലീസ് പിടികൂടിയത്. കളിപ്പാട്ടമെന്ന വ്യാജേന റോബോട്ടിനുള്ളില് ഒളിപ്പിച്ച നിലയിലായിരുന്നു എം.ഡി.എം.എയെന്ന് പൊലീസ് ഉദ്യോഗസ്ഥര് പറഞ്ഞു.
കണ്ണൂര് എസി.പി എം. പി പ്രസാദ്, ഇന്സ്പെക്ടര് മഹേഷ് കണ്ടമ്പോത്ത്, എസ്.ഐ പി ഉണ്ണികൃഷ്ണന് എന്നിവരുടെ നേതൃത്വത്തിലാണ് മയക്കുമരുന്ന് പരിശോധന നടന്നത്.
അടുത്തിടെ കൊറിയര് സര്വീസുകള് വഴിയുള്ള ലഹരിക്കടത്ത് സംസ്ഥാനത്ത് വ്യാപകമായതോടെ പൊലീസ് ഇത്തരം പാര്സലുകള് കര്ശനമായി നിരീക്ഷിച്ചുവരികയായിരുന്നു.
ബംഗ്ലൂരില് നിന്ന് പാര്സല് വഴി മയക്കുമരുന്ന് കടത്തുന്നതായ രഹസ്യവിവരത്തെ തുടര്ന്ന് കണ്ണൂര് സിറ്റി പൊലീസ് പി. വിജയ ഭാരത് റെഡ്ഡിയാണ് അടിയന്തര പരിശോധനയ്ക്ക് നിര്ദേശം നല്കിയത്. പ്രതിയെ വിശദമായി ചോദ്യം ചെയ്ത ശേഷം അറസ്റ്റ് രേഖപ്പെടുത്തി കോടതിയില് ഹാജരാക്കുമെന്ന് ഉദ്യോഗസ്ഥര് പറഞ്ഞു.
Content Highlights: MDMA smuggled inside a robot; police arrest youth in Kannur.