തനിക്ക് ഏറെ ഇഷ്ടപ്പെട്ട ഒരു മമ്മൂട്ടി ചിത്രത്തെ കുറിച്ചും കഥാപാത്രത്തെ കുറിച്ചും പറയുകയാണ് നടന് മനോജ് കെ. ജയന്. കാതോട് കാതോരം സിനിമയിലെ മമ്മൂട്ടിയുടെ ലൂയിസ് എന്ന കഥാപാത്രത്തെ തനിക്ക് എന്നും ഒരുപാട് ഇഷ്ടമാണെന്നാണ് നടന് പറയുന്നത്.
ലൂയിസിന്റെ ഗെറ്റപ്പും കാര്യങ്ങളും തനിക്ക് അത്രയേറെ ഇഷ്ടമായിരുന്നെന്നും അന്ന് നാന മാസികയില് വന്നപ്പോള് താന് കാതോട് കാതോരം സിനിമയെ കുറിച്ച് വായിച്ചിരുന്നെന്നും മനോജ് കെ. ജയന് പറഞ്ഞു. ക്യൂ സ്റ്റുഡിയോക്ക് നല്കിയ അഭിമുഖത്തില് സംസാരിക്കുകയായിരുന്നു നടന്.
‘കാതോട് കാതോരം എന്ന സിനിമയെ കുറിച്ച് പറയുമ്പോള്, ഞാന് മമ്മൂക്കയോട് തന്നെ പറഞ്ഞ ഒരു കാര്യമുണ്ട്. അദ്ദേഹത്തിന്റെ കഥാപാത്രങ്ങളില് എനിക്ക് ലൂയിസിനെ എന്നും ഒരുപാട് ഇഷ്ടമാണ്. ലൂയിസിന്റെ ഗെറ്റപ്പും കാര്യങ്ങളും എനിക്ക് അത്രയേറെ ഇഷ്ടമാണ്. പിന്നെ ആ കഥാപാത്രത്തിന്റെ പശ്ചാത്തലവും ഇഷ്ടമാണ്.
അന്നൊക്കെ നാനയില് വായിച്ചാണ് ഞാന് ഈ സിനിമയെ പറ്റിയൊക്കെ അറിയുന്നത്. ഞാന് സിനിമയില് അഭിനയിച്ച് തുടങ്ങിയ കാലഘട്ടം തന്നെയായിരുന്നു അത്. 85, 86 കാലഘട്ടമായിരുന്നു അത്. സിനിമയില് അഭിനയിക്കാന് അവസരങ്ങള് നോക്കുന്ന കാലഘട്ടമായിരുന്നു.
അന്നൊക്കെ നാനയുടെ സ്ഥിരം വായനക്കാരനാണ് ഞാന്. അന്ന് നാനയില് വന്നത് ‘ആതിരപ്പിള്ളി സൈഡില് ഭരതന്റെ സിനിമ, കാതോട് കാതോരം‘ എന്നായിരുന്നു. ആ സിനിമയിലെ സ്റ്റില്സും കാര്യങ്ങളുമൊക്കെ വന്നിരുന്നു. അന്ന് അതില് അഭിനയിക്കണമെന്നൊന്നും ഞാന് കൊതിച്ചിരുന്നില്ല.
എന്നാല് മമ്മൂക്കയോടുള്ള ആരാധന കാരണം ആ സിനിമ ശ്രദ്ധിച്ചിരുന്നു. അദ്ദേഹത്തിന്റെ ഉഗ്രന് ക്യാരക്ടറാകും അതെന്ന് എനിക്ക് തോന്നിയിരുന്നു. സിനിമയുടെ പാട്ടുകള് കേട്ടതോടെ അപാരമായി തോന്നിയിരുന്നു,’ മനോജ് കെ. ജയന് പറഞ്ഞു.
Content Highlight: Manoj K Jayan Talks About Mammootty’s Character In Kathod Kathoram Movie