വടക്കന്പാട്ട് കഥകളെ ആധാരമാക്കി അണിയിച്ചൊരുക്കി 1989ല് പുറത്തിറങ്ങിയ ചിത്രമാണ് ഒരു വടക്കന് വീരഗാഥ. മലയാളത്തിന്റെ ക്ലാസിക്കായി കണക്കാക്കുന്ന ഈ സിനിമ എം.ടി. വാസുദേവന് നായരുടെ തിരക്കഥയില് ഹരിഹരന് ആയിരുന്നു സംവിധാനം ചെയ്തത്.
ചന്തു ചേകവരുടെയും ഉണ്ണിയാര്ച്ചയുടെയും കഥയായിരുന്നു ചിത്രം പറഞ്ഞത്. സിനിമയില് ഉണ്ണിയാര്ച്ചയായി മാധവി എത്തിയപ്പോള് മമ്മൂട്ടി ചന്തുവായിട്ടാണ് അഭിനയിച്ചത്. ഇപ്പോള് ഒരു വടക്കന് വീരഗാഥയുടെ റീ റിലീസിന്റെ ഭാഗമായി മമ്മൂട്ടി കമ്പനിയുടെ യൂട്യൂബ് ചാനലില് ചന്തു ചേകവരെ കുറിച്ച് പറയുകയാണ് മമ്മൂട്ടി.
ഇന്നത്തെ ഭാഷയില് ‘ചന്തു ഒരു ലൂസറാണ്’ എന്നാണ് നടന് പറയുന്നത്. സമ്പൂര്ണനായ പരാജിതനാണ് അയാളെന്നും അയാളെ വീരപുരുഷനാക്കിയാണ് ആ സിനിമ അവസാനിക്കുന്നതെന്നും അദ്ദേഹം പറഞ്ഞു. എന്നാല് വിജയിക്കുന്നവന് മാത്രമല്ല വീരപുരുഷനെന്നും വിട്ടുകൊടുക്കുന്നവനും വീരനാണെന്നും മമ്മൂട്ടി കൂട്ടിച്ചേര്ത്തു.
‘ചന്തു ആരാണെന്ന് ചോദിച്ചാല്, ഇന്നത്തെ ഭാഷയില് അയാള് ഒരു ലൂസറാണ്. കാമുകിയും ഗുരുവും സുഹൃത്തുമെല്ലാം അയാളെ ചതിക്കുന്നുണ്ട്. സമ്പൂര്ണനായ പരാജിതനാണ് അയാള്. തോല്വി ഏറ്റ് വാങ്ങാന് ചന്തുവിന്റെ ജീവിതം ഇനിയും ബാക്കിയെന്ന് സിനിമയില് പറയുന്നുണ്ട്.
അയാളെ വീരപുരുഷനാക്കിയാണ് ആ സിനിമ അവസാനിക്കുന്നത്. എന്നാല് വിജയിക്കുന്നവന് മാത്രമല്ല വീരപുരുഷന്. വിട്ടുകൊടുക്കുന്നവനും വീരനാണ്. അത്ര ധീരതയില്ലെങ്കില് അയാള്ക്ക് വിട്ടുകൊടുക്കാന് പറ്റില്ല.
നെഞ്ച് വിരിച്ച് ഒരു വാളിന് മുമ്പിലോ തോക്കിന് മുമ്പിലോ നില്ക്കുന്നത് ഭീരുവായത് കൊണ്ടല്ല. ധീരനായത് കൊണ്ടാണ്. അങ്ങനെയുള്ള ധീരന്മാര് ഒരുപാടുണ്ടായിട്ടുണ്ട്. ആ ധീരതയെ നമ്മള് ബഹുമാനിക്കുകയും ആദരിക്കുകയും ചെയ്യും. ഈ സിനിമ കഴിയുമ്പോള് അങ്ങനെയുള്ള ഒരു ആദരവാണ് ചന്തു നേടിയെടുക്കുന്നത്,’ മമ്മൂട്ടി പറയുന്നു.
Content Highlight: Mammootty Talks About Chandhu And Oru Vadakkan Veeragatha Movie