കൊല്ലം: ഹോം വര്ക്ക് ചെയ്യാത്തതിന് മൂന്നാം ക്ലാസുകാരനെ ക്രൂരമായി മര്ദിച്ച് മലയാളം അധ്യാപകന്. കൊല്ലം ചാത്തിനാംകുളം എം.എസ്.എം ഹയര്സെക്കന്ഡറി സ്കൂളിലെ അധ്യാപകനാണ് കുട്ടിയെ മര്ദിച്ചത്.
സംഭവത്തില് അധ്യാപകനെതിരെ കുട്ടിയുടെ രക്ഷിതാക്കള് പൊലീസില് പരാതി നല്കി. കുട്ടിയ്ക്ക് ശാരീരിക അസ്വസ്ഥകള് ഉണ്ടായതിനെ തുടര്ന്ന് കാര്യം തിരക്കിയപ്പോഴാണ് മാതാപിതാക്കള് മര്ദന വിവരം അറിഞ്ഞത്.
‘സ്കൂളില് നിന്ന് വന്നതിനുശേഷം കുളിപ്പിച്ച് ഭക്ഷണം കൊടുത്ത ശേഷം മകനെ ട്യൂഷ്യന് വിടാറാണ് പതിവ്. എന്നാല് സംഭവം നടന്ന ദിവസം നിക്കര് അഴിക്കാന് പറഞ്ഞപ്പോള് മകന് വിസമ്മതിച്ചു. പിന്നീട് ബലം പിടിച്ച് നിക്കര് ഊരിയപ്പോള് തൊടല്ലേ ബാപ്പി എന്ന് പറഞ്ഞുകൊണ്ട് മകന് ഒച്ചവെച്ച് കരഞ്ഞു. നോക്കുമ്പോള് ചോര പൊടിഞ്ഞിരിക്കുകയായിരുന്നു. തുടര്ന്ന് മകനെ കൊല്ലം ജില്ലാ ആശുപത്രിയില് എത്തിച്ചു. ചികിത്സ നല്കി. അവിടുന്ന് തന്നെ മെഡിക്കല് സര്ട്ടിഫിക്കറ്റ് വാങ്ങി. നേരെ പരാതി കൊടുക്കുകയും ചെയ്തു,’ കുട്ടിയുടെ പിതാവ് റിപ്പോര്ട്ടര് ടി.വിയോട് പ്രതികരിച്ചു.
