അര്ജന്റൈന് സൂപ്പര് താരം ലയണല് മെസിയുടെ ഇന്ത്യന് സന്ദര്ശനത്തിന് ഒടുവില് അനുമതി. ഡിസംബര് 12ന് കൊല്ക്കത്തയിലാണ് മെസി തന്റെ ഇന്ത്യന് പര്യടനത്തിന് തുടക്കം കുറിക്കുന്നതെന്ന് പരിപാടിയുടെ പ്രോമോട്ടറായ ശതദ്രു ദത്ത പറഞ്ഞു.
‘ഗോട്ട് ടൂര് ഓഫ് ഇന്ത്യ 2025’ എന്നാണ് മെസിയുടെ ഇന്ത്യ സന്ദര്ശനത്തിന് പേരിട്ടിരിക്കുന്നത്. കൊല്ക്കത്തയ്ക്ക് ശേഷം അഹമ്മദാബാദ്, മുംബൈ, ദല്ഹി എന്നിവിടങ്ങളിലും മെസിയെത്തും.
മഹാരാഷ്ട്ര ക്രിക്കറ്റ് അസോസിയേഷനും ഒരു ‘ഗോട്ട് മൊമെന്റ്’ ആസൂത്രണം ചെയ്യുന്നുണ്ട്. ഇതില് ‘ഗോട്ട് ക്യാപ്റ്റന്സ് മൊമെന്റി’ന്റെ ഭാഗമായി മെസി സച്ചിന് തെണ്ടുല്ക്കര്, എം.എസ്. ധോണി, രോഹിത് ശര്മ എന്നിവര്ക്കൊപ്പം കളത്തിലിറങ്ങും. ഇതിന് ശേഷമാണ് താരം പ്രധാനമന്ത്രിയെ സന്ദര്ശിക്കുക.
Content highlight: Lionel Messi’s India arrival date announced
