മേജര് ലീഗ് ക്രിക്കറ്റ് 2025ല് ഡിഫന്ഡിങ് ചാമ്പ്യന്മാരായ വാഷിങ്ടണ് ഫ്രീഡത്തെ പരാജയപ്പെടുത്തി എം.ഐ ന്യൂയോര്ക് കിരീടമണിഞ്ഞിരിക്കുകയാണ്. ടെക്സസിലെ ഗ്രാന്ഡ് പ്രയറി സ്റ്റേഡിയത്തില് നടന്ന മത്സരത്തില് അഞ്ച് റണ്സിനായിരുന്നു ന്യൂയോര്ക്കിന്റെ വിജയം. എം.ഐ ഉയര്ത്തിയ 181 റണ്സിന്റെ വിജയലക്ഷ്യം പിന്തുടര്ന്നിറങ്ങിയ മാക്സ്വെല്ലിന്റെയും സംഘത്തിന്റെയും പോരാട്ടം 175ലൊതുങ്ങി.
46 പന്തില് 77 റണ്സ് നേടിയ ക്വിന്റണ് ഡി കോക്കിന്റെ കരുത്തിലാണ് എം.ഐ സ്കോര് ഉയര്ത്തിയത്. ആറ് ഫോറും നാല് സിക്സറും അടങ്ങുന്നതായിരുന്നു താരത്തിന്റെ പ്രകടനം. 22 പന്തില് 28 റണ്സ് നേടിയ മോനങ്ക് പട്ടേലാണ് രണ്ടാമത് മികച്ച റണ് ഗെറ്റര്.
രണ്ട് ഓവറാണ് താരം പന്തെറിഞ്ഞത്. വിട്ടുകൊടുത്തതാകട്ടെ 10.00 എക്കോണമിയില് 20 റണ്സും.
ഫൈനലില് ബാറ്റിങ്ങിലും ബൗളിങ്ങിലും തിളങ്ങാന് സാധിച്ചില്ലെങ്കിലും ന്യൂയോര്ക്കിന്റെ കിരീടനേട്ടത്തിന് പിന്നാലെ ഒരു ചരിത്ര റെക്കോഡും പൊള്ളാര്ഡിന്റെ പേരില് കുറിക്കപ്പെട്ടിരുന്നു. ടി-20 ഫോര്മാറ്റില് ഏറ്റവുമധികം കിരീടം നേടുന്ന താരമെന്ന നേട്ടമാണ് പൊള്ളാര്ഡ് സ്വന്തമാക്കിയത്.
ടി-20 കരിയറില് ഇത് 17ാം കിരീടമാണ് പൊള്ളാര്ഡ് സ്വന്തമാക്കുന്നത്. എം.ഐ ന്യൂയോര്ക്കിനും മുംബൈ ഇന്ത്യന്സിനും വെസ്റ്റ് ഇന്ഡീസ് ടീമിനും പുറമെ മറ്റ് വിവിധ ടി-20 ലീഗുകളില് വ്യക്തിമുദ്ര പതിപ്പിച്ച താരം ആകെ കളിച്ച 30 ഫൈനലില് 17ലും വിജയം സ്വന്തമാക്കിയിരുന്നു.
ടി-20 ഫോര്മാറ്റില് ഏറ്റവുമധികം കിരീടം നേടിയ താരങ്ങള്
(താരം – ആകെ കളിച്ച ഫൈനല് – കിരീടം എന്നീ ക്രമത്തില്)
