തിരുവനന്തപുരം: സംസ്ഥാനത്ത് ഇന്ന് പരക്കെ മഴ ലഭിക്കാന് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് . അടുത്ത 3 മുതല് 4 ദിവസത്തിനുള്ളില് തെക്കുപടിഞ്ഞാറന് കാലവര്ഷം കേരള തീരത്ത് എത്തുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ വിലയിരുത്തല്.
ഇന്ന് (മെയ് 31) ആറ് ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്. കോട്ടയം, എറണാകുളം, ഇടുക്കി, കോഴിക്കോട്, വയനാട്, കണ്ണൂര് എന്നീ ജില്ലകളിലാണ് ഇന്ന് യെല്ലോ അലേര്ട്ട്.
മഴയോടൊപ്പം ശക്തമായ കാറ്റിനും ഇടിമിന്നലിനും സാധ്യതയുണ്ട്.
നിലവില് കാലവര്ഷം അറബിക്കടലിന്റെയും ബംഗാള് ഉള്ക്കടലിന്റെയും ഭൂരിഭാഗം പ്രദേശങ്ങളിലേക്കും വ്യാപിച്ചിട്ടുണ്ട്.
വരും ദിവസങ്ങളിലെ മഴ മുന്നറിയിപ്പ് (യെല്ലോ അലര്ട്ട്)
ജൂണ് 1: പത്തനംതിട്ട, ആലപ്പുഴ, കോട്ടയം, എറണാകുളം, തൃശൂര്, മലപ്പുറം, കോഴിക്കോട്, വയനാട്.
ജൂണ് 2: എറണാകുളം, ഇടുക്കി, കോഴിക്കോട്, കണ്ണൂര്, കാസര്ഗോഡ്.
ജൂണ് 3: പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, കണ്ണൂര്.
കേരള – ലക്ഷദ്വീപ് തീരങ്ങളില് ജൂണ് 3 വരെ മത്സ്യബന്ധനത്തിന് കര്ശന വിലക്കേര്പ്പെടുത്തിയിട്ടുണ്ട്. എന്നാല് കര്ണാടക തീരത്ത് മത്സ്യബന്ധനത്തിന് തടസമില്ല.
കടലില് മണിക്കൂറില് 35 മുതല് 55 കിലോമീറ്റര് വരെയും, ചില അവസരങ്ങളില് 65 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
Content Highlight: Kerala Weather Updates