രണ്ട് എതിരാളികള്‍, നാല് മത്സരം, മൂന്ന് സെഞ്ച്വറി; വിന്‍ഡീസിന്റെ പുതിയ കരുത്തന്‍ ഞെട്ടിക്കുന്നു

വെസ്റ്റ് ഇന്‍ഡീസിന്റെ ഇംഗ്ലണ്ട് പര്യടനത്തിലെ രണ്ടാം ഏകദിനത്തില്‍ മികച്ച ടോട്ടലുമായി സന്ദര്‍ശകര്‍. ആദ്യ ഏകദിനത്തില്‍ പരാജയപ്പെട്ട വിന്‍ഡീസ് രണ്ടാം മത്സരത്തില്‍ 309 റണ്‍സിന്റെ വിജയലക്ഷ്യമാണ് ഇംഗ്ലണ്ടിന് മുമ്പില്‍ വെച്ചിരിക്കുന്നത്.

മറുപടി ബാറ്റിങ്ങിനിറങ്ങിയ ഇംഗ്ലണ്ടിന് ഓപ്പണര്‍മാര്‍ രണ്ട് പേരെയും പൂജ്യത്തിന് നഷ്ടമായി. ജെയ്മി സ്മിത്തിനെ ജെയ്ഡന്‍ സീല്‍സ് പുറത്താക്കിയപ്പോള്‍ ബെന്‍ ഡക്കറ്റിനെ മാത്യു ഫോര്‍ഡും തിരിച്ചയച്ചു.

നിലവില്‍ 12 ഓവര്‍ പിന്നിടുമ്പോള്‍ 87ന് മൂന്ന് എന്ന നിലയിലാണ് ആതിഥേയര്‍. 36 പന്തില്‍ 47 റണ്‍സ് നേടിയ ഹാരി ബ്രൂക്കിന്റെ വിക്കറ്റാണ് ടീമിന് ഒടുവില്‍ നഷ്ടമായത്. അല്‍സാരി ജോസഫിനാണ് വിക്കറ്റ്. 27 പന്തില്‍ 31 റണ്‍സുമായി ജോ റൂട്ടും രണ്ട് പന്തില്‍ റണ്ണൊന്നുമെടുക്കാതെ ജോസ് ബട്‌ലറുമാണ് ക്രീസില്‍.

Content Highlight: Keacy Carty scored century against England