രക്ഷകനാവാന്‍ സഹലില്ല; സബ്‌സ്റ്റിയൂഷന്‍ പട്ടികയിലും ഉള്‍പ്പെടാതെ സൂപ്പര്‍ താരം

ഐ.എസ്.എല്‍ ഫൈനലില്‍ ഹൈദരാബാദ് എഫ്.സിയെ നേരിടാനിറങ്ങുന്ന കേരളാ ബ്ലാസ്റ്റേഴ്‌സിന്റെ ലൈനപ്പായി. മലയാളി താരം സഹല്‍ ഇല്ലാതെയാണ് കോച്ച് ഇവാന്‍ വുകോമനൊവിച്ച് ടീമിനെ കളത്തിലിറക്കുന്നത്.

ആദ്യ ഇലവനിലും സബ്‌സ്റ്റിയൂഷന്‍ പട്ടികയിലും മലയാളി താരം സഹല്‍ അബ്ദുല്‍ സമദ് ഇല്ല എന്നാണ് ബ്ലാസ്റ്റേഴ്‌സിന്റെ ലൈനപ്പ് വ്യക്തമാക്കുന്നത്. എന്നാല്‍ മലയാളി താരം രാഹുല്‍ കെ.പി ഫസ്റ്റ് ഇലവനില്‍ തന്നെ ഇടം നേടിയിട്ടുണ്ടെന്നതാണ് മഞ്ഞപ്പടയെ വീണ്ടും ആവേശത്തിലാഴ്ത്തിയിരിക്കുന്നത്.

ആദ്യ പാദ സെമിയില്‍ സഹല്‍ നേടിയ വണ്ടര്‍ ഗോളിന്റെ പിന്‍ബലത്തിലാണ് ബ്ലാസ്റ്റേഴ്‌സ് ഫൈനലിലേക്ക് കുതിച്ചത്.

പ്രഭ്‌സുഖന്‍ ഗില്‍, സന്ദീപ് സിങ്, ഹോര്‍മിപാം, മാര്‍ക്കോ ലെസ്‌കോവിച്ച്, ഹര്‍മന്‍ജ്യോത് ഖബ്ര, ജീക്സണ്‍ സിങ്, പുടിയ, അഡ്രിയന്‍ ലൂണ, യോര്‍ഗെ ഡയസ്, അല്‍വാരോ വാസ്‌ക്വസ്, രാഹുല്‍ കെ.പി എന്നിവരാണ് ബ്ലാസ്റ്റേഴ്‌സിന്റെ ആദ്യ ഇലവനില്‍ കളിക്കുന്നത്.

അതേസമയം, ജോവോ വിക്ടറിന്റെ നേതൃത്വത്തിലാണ് ഹൈദരാബാദ് പടയ്ക്കിറങ്ങുന്നത്. മുന്‍ ബ്ലാസ്റ്റേഴ്‌സ് താരം ഓഗ്ബച്ചെ തന്നെയാണ് ഹൈദരാബാദിന്റെ ആക്രമണത്തിന് തുടക്കം കുറിക്കുന്നത്.

Content Highlight: ISL Final, Kerala Blasters Line Up, Sahal will not play