1986 ഫെബ്രുവരി 13 ന് പാകിസ്ഥാനിലെ ലാഹോറിലെ അൽഹമ്ര ആർട്സ് കൗൺസിലിൽ 50,000 ത്തോളം വരുന്ന ഒരു വലിയ ജനക്കൂട്ടത്തിന് മുന്നിൽ ഈ ഗാനം ഉയർന്നു. അന്നത്തെ ജനറൽ സിയാ-ഉൽ-ഹഖിന്റെ സൈനിക ഭരണകൂടത്തിനെതിരായ ശക്തമായ പ്രതിഷേധ പ്രകടനമായായിരുന്നു ഈ വരികൾ ഉയർന്നത്. വിപ്ലവഗാനമായും പ്രതിഷേധങ്ങളുടെ ശബ്ദമായും പിന്നീട് ചരിത്രത്തിൽ കുറിക്കപ്പെട്ട ആ ഗാനത്തിന്റെ രചയിതാവ് പാക് പൗരനെങ്കിലും സ്വന്തം രാജ്യത്ത് അഭയാർത്തിയാകേണ്ടിവന്ന ഫൈസ് അഹമ്മദ് ഫൈസ് ആയിരുന്നു.
അദ്ദേഹത്തിന്റെ ആ ഗാനം അന്ന് പാടിയത് ഇഖ്ബാൽ ബാനോയാണ്. അന്നത്തെ പാകിസ്ഥാൻ പ്രസിഡന്റ് നിരോധിച്ച വസ്ത്രമായിരുന്ന, പ്രതിഷേധത്തിന്റെ നിറമായ കറുത്ത സാരി ധരിച്ചാണ് ഇഖ്ബാൽ ബാനോ ആ ഗാനമാലപിച്ചത്.
Content Highlight: Is ‘Hum Dekhenge’ a threat? The song that scared the Pakistani government, is it a treason charge in India?