ഹോര്മുസിലൂടെ കടന്ന് പോവുന്ന കപ്പലുകള്ക്ക് ഫീസ് ഈടാക്കും; സൗഹൃദ രാജ്യങ്ങളെ പരിഗണിക്കും: ഇറാന്
നിഷാന. വി.വി
Sunday, 5th July 2026, 2:38 pm
ബെയ്ജിങ്: ഹോര്മുസ് കടലിടുക്കിലൂടെ കടന്ന് പോവുന്ന കപ്പലുകള്ക്ക് നിശ്ചിത സര്വീസ് ചാര്ജ് ഏര്പ്പെടുത്തുമെന്ന് ഇറാന്. എന്നാല് ഇറാനുമായി സൗഹൃദം പുലര്ത്തുന്ന രാജ്യങ്ങള്ക്ക് ഇതില് ഇളവും പരിഗണനയും നല്കുമെന്നും ഇറാന് പറഞ്ഞു.
ഇറാന്റെ ചൈനയിലെ അംബാസഡറായ അബ്ദുല് റാസ റഹ്മാനി ഫസ്ലിയാണ് ഇത് സംബന്ധിച്ച വിവരം അറിയിച്ചത്. ബീജിങ്ങില് നടന്ന വേള്ഡ് പീസ് ഫോറത്തില് സംസാരിക്കവെയായിരുന്നു അദ്ദേഹത്തിന്റെ പരാമര്ശം.
ഹോര്മുസ് കടലിടുക്ക് ഇറാന്റെ പ്രാദേശിക സമുദ്രാതിര്ത്തിയുടെ ഭാഗമാണെന്നും അതിനാല് കപ്പലുകള്ക്ക് സുരക്ഷ ഉറപ്പാക്കുന്നതിനും കപ്പല് ഗതാഗതം നിരീക്ഷിക്കുന്നതിനും വന്കിട കപ്പലുകള് വരുത്തിവെക്കുന്ന പരിസ്ഥിതി ആഘാതങ്ങള് നേരിടുന്നതിനുമുള്ള ചെലവിലേക്കാണ് ഈ തുക ഈടാക്കുന്നതെന്നും ഇറാന് അദ്ദേഹം പറഞ്ഞു.
