തിരിച്ചടിച്ച് ഇറാന്; ബഹ്റൈനിലും ജോര്ദാനിലും യു.എസ് കേന്ദ്രങ്ങള്ക്ക് നേരെ ആക്രമണം
നിഷാന. വി.വി
Wednesday, 10th June 2026, 9:10 am
ടെഹ്റാന്: ഇറാനിയന് കേന്ദ്രങ്ങള്ക്ക് നേരെ അമേരിക്ക നടത്തിയ ആക്രമണത്തില് തിരിച്ചടിച്ച് ഇറാന്. ബഹ്റൈനിലെ യു.എസ് അഞ്ചാം കപ്പലിന് നേരെ ഡ്രോണ് ആക്രമണവും ജോര്ദാനിലെ വ്യോമത്താവളത്തില് മിസൈല് ആക്രമണവും നടത്തിയതായി ഐ.ആര്.ജി.സി അറിയിച്ചു.
ഇറാന്റെ ദേശീയ മാധ്യമങ്ങളാണ് ആക്രമണം റിപ്പോര്ട്ട് ചെയ്തിരിക്കുന്നത്. ബഹ്റൈനില് സൈറണ് മുഴങ്ങിയതായും റിപ്പോര്ട്ടുകളുണ്ട്.
തങ്ങള്ക്ക് നേരെയുണ്ടായ നാവികസേനാ ആക്രമണങ്ങള്ക്ക് മറുപടി നല്കിയെന്നതായിരുന്നു ഐ.ആര്.ജിസിയുടെ പ്രതികരണം. മേഖലയിലുടനീളമുള്ള അമേരിക്കന്, വ്യോമ, നാവിക താവളങ്ങളിലെ 21 കേന്ദ്രങ്ങള് ആക്രമിച്ചതായും ഐ.ആര്.ജി.സി കൂട്ടിച്ചേര്ത്തു.
